ପୁଟିନ ସହିତ ଆଲାସ୍କା ସାକ୍ଷାତ ପୂର୍ବରୁ ଟ୍ରମ୍ପଙ୍କ ବଡ଼ ଘୋଷଣା — ୟୁକ୍ରେନ ଯୁଦ୍ଧ ସମାଧାନରେ ସମସ୍ତଙ୍କ ନଜର
ନୂଆଦିଲ୍ଲୀ, 15 ଅଗଷ୍ଟ: ଆମେରିକା-ରୁଷ ଆଲାସ୍କା ଶିଖର ସମ୍ମିଳନୀ ପୂର୍ବରୁ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଗୁରୁତ୍ୱପୂର୍ଣ୍ଣ ଘୋଷଣା କରିଛନ୍ତି। ଏୟାର୍ ଫୋର୍ସ୍ ୱାନରେ ସାମ୍ବାଦିକମାନଙ୍କ ସହ କଥାହେବା ସମୟରେ ସେ କହିଛନ୍ତି, ଆଲାସ୍କାରେ ଭ୍ଲାଦିମିର ପୁଟିନଙ୍କ ସହିତ ବୈଠକରୁ “ନିଶ୍ଚିତ ଭାବରେ କିଛି ଫଳାଫଳ” ମିଳିବ।
ଟ୍ରମ୍ପ ସ୍ପଷ୍ଟ କରିଛନ୍ତି ଯେ ସେ ୟୁକ୍ରେନ ପକ୍ଷରୁ କୌଣସି ଚୁକ୍ତି କରିବେ ନାହିଁ, କିନ୍ତୁ ପୁଟିନଙ୍କୁ ଆଲୋଚନା ଟେବୁଲକୁ ଆଣିବାକୁ ତାଙ୍କ ପ୍ରଧାନ ଲକ୍ଷ୍ୟ। ସେ କହିଛନ୍ତି, ୟୁକ୍ରେନ ଉପରେ ଲଗାତାର ଆକ୍ରମଣ ପୁଟିନଙ୍କୁ ଆଲୋଚନାରେ ଶକ୍ତିଶାଳୀ କରୁଥିବାଭାବେ ତାଙ୍କୁ ଲାଗୁଥାଇପାରେ, କିନ୍ତୁ ପ୍ରକୃତରେ ଏହା ତାଙ୍କ ପକ୍ଷରେ କ୍ଷତିକାରକ। ସେହିପରି, ଯଦି ଆଲୋଚନାରୁ ଫଳାଫଳ ନ ମିଳେ, ରୁଷ ଗୁରୁତର ଆର୍ଥିକ ପରିଣାମର ସମ୍ମୁଖୀନ ହେବାକୁ ପଡିବ ବୋଲି ଟ୍ରମ୍ପ ଚେତାବନୀ ଦେଇଛନ୍ତି।
ଟ୍ରମ୍ପ ଯୁକ୍ରେନ ପାଇଁ ସୁରକ୍ଷା ଗ୍ୟାରେଣ୍ଟିର ସମ୍ଭାବନାର କଥା କହିଥିବା ସହ, ପୁଟିନଙ୍କ ଆମେରିକୀୟ ଅର୍ଥନୀତି ଓ ବାଣିଜ୍ୟରେ ଅଂଶଗ୍ରହଣ କରିବାର ଇଚ୍ଛାକୁ ମଧ୍ୟ ଉଲ୍ଲେଖ କରିଛନ୍ତି।
ଏହି ଶିଖର ସମ୍ମିଳନୀ, ଆଲାସ୍କାର ଦୂରବର୍ତ୍ତୀ ଆଙ୍କରେଜ ସହରରେ ହେବାକୁ ଯାଉଛି, ଯାହା 2022 ଫେବୃଆରୀରୁ ଚାଲିଥିବା ରୁଷ-ୟୁକ୍ରେନ ବିବାଦର ଭବିଷ୍ୟତ୍ ନିର୍ଣ୍ଣୟ କରିପାରେ। ପୁଟିନଙ୍କ ପାଇଁ ଏହା ଯୁଦ୍ଧ ଆରମ୍ଭ ପରେ ପଶ୍ଚିମକୁ ପ୍ରଥମ ଗସ୍ତ ହେବ।