ଭାରତର କ୍ଷେପଣାସ୍ତ୍ର ପରୀକ୍ଷଣ ପାଇଁ ସେପ୍ଟେମ୍ବର ୨୪-୨୫ ତାରିଖ ନିର୍ଦ୍ଧାରିତ, ବଙ୍ଗୋପସାଗରରେ ନୋ-ଫ୍ଲାଇ ଜୋନ୍ ଘୋଷିତ
ନୂଆଦିଲ୍ଲୀ: ଭାରତ ଆସନ୍ତା ୨୪ ଓ ୨୫ ସେପ୍ଟେମ୍ବରରେ ବଙ୍ଗୋପସାଗରରେ କ୍ଷେପଣାସ୍ତ୍ର ପରୀକ୍ଷଣ କରିବାକୁ ପ୍ରସ୍ତୁତ ହୋଇଛି। ପରୀକ୍ଷଣଟି ଓଡ଼ିଶାର ଅବଦୁଲ କଲାମ ଦ୍ୱୀପରୁ ସମ୍ପନ୍ନ ହେବ। ଏଥିପାଇଁ ନୋଟିସ ଟୁ ଏୟାରମ୍ୟାନ୍ (ନୋଟାମ୍) ଜାରି କରାଯାଇଛି।
ଜାରିକୃତ ବିଜ୍ଞପ୍ତିରେ ଦର୍ଶାଯାଇଛି ଯେ, ୨୪ ସେପ୍ଟେମ୍ବର ଦିନ ୧୨.୩୦ PMରୁ ୨୫ ସେପ୍ଟେମ୍ବର ୩.୩୦ PM ପର୍ଯ୍ୟନ୍ତ ବଙ୍ଗୋପସାଗର ଓ ଭାରତ ମହାସାଗରର ୧,୪୩୦ କି.ମି. ଲମ୍ବା ଅଞ୍ଚଳକୁ ନୋ-ଫ୍ଲାଇ ଜୋନ୍ ଘୋଷିତ କରାଯାଇଛି। ଏହି ସମୟ ସୀମାରେ ସେହି ସମୁଦ୍ର ଅଂଶରେ ବିମାନ ଓ ଜାହାଜ ପ୍ରବେଶ କରିପାରିବେ ନାହିଁ।
ରିପୋର୍ଟ ଅନୁସାରେ, ଏଥିରେ ୧,୫୦୦ କି.ମି. ରୁ କମ୍ ଦୂରତାରେ ଲକ୍ଷ୍ୟଭେଦ କରିପାରିବାକୁ ସକ୍ଷମ କ୍ଷେପଣାସ୍ତ୍ର ପରୀକ୍ଷା କରାଯିବାର ସମ୍ଭାବନା ରହିଛି।
ଗତବର୍ଷ, ଭାରତ ୫,୦୦୦ କି.ମି. ଦୂରଗାମୀ ଅଗ୍ନି-୫ ବାଲିଷ୍ଟିକ୍ କ୍ଷେପଣାସ୍ତ୍ରର ସଫଳ ପରୀକ୍ଷା କରିଥିଲା, ଯାହା ଚୀନ୍ର ଉତ୍ତର ଅଂଶ ସହିତ ୟୁରୋପର କିଛି ଅଞ୍ଚଳ ପର୍ଯ୍ୟନ୍ତ କଭର କରିପାରେ। ପ୍ରତିରକ୍ଷା ମନ୍ତ୍ରଣାଳୟ ଏହାକୁ “ଭାରତର ସୁରକ୍ଷା କ୍ଷମତାର ଏକ ମାଇଲସ୍ଟୋନ୍” ବୋଲି ବର୍ଣ୍ଣନା କରିଥିଲା।
ପାକିସ୍ତାନ ସହିତ ତନାତନି ଓ ଚୀନ ସହିତ ସୀମା ସମସ୍ୟା ମଧ୍ୟରେ, ଏହି କ୍ଷେପଣାସ୍ତ୍ର ପରୀକ୍ଷଣ ଭାରତର କୌଶଳିକ ସୁରକ୍ଷା ଏବଂ ରକ୍ଷା ସ୍ୱାଧୀନତାକୁ ଆହୁରି ସୁଦୃଢ଼ କରିବାରେ ସାହାଯ୍ୟ କରିବ।