ନୂଆଦିଲ୍ଲୀ: ଲାଲକିଲ୍ଲା ନିକଟରେ ହୋଇଥିବା କାର ବିସ୍ଫୋରଣ ଓ ସନ୍ଦିଗ୍ଧ ଆତଙ୍କବାଦୀ ଆକ୍ରମଣ ମାମଲାରେ ଦିଲ୍ଲୀ ପୁଲିସର ସ୍ୱତନ୍ତ୍ର ସେଲ୍ ଆଉ ଗୋଟିଏ ଏଫଆଇଆର ରୁଜୁ କରିଛି। ଷଡଯନ୍ତ୍ର ରଚନା, ଆତଙ୍କବାଦୀ ସଂଯୋଗ ଓ ବହୁରାଜ୍ୟ ଯୋଗସଂଯୋଗ ନେଇ ମାମଲା ରୁଜୁ ହେବାରୁ ସୁରକ୍ଷା ଏଜେନ୍ସିମାନେ ସତର୍କ ହୋଇପାଡ଼ିଛନ୍ତି। ଏହି ଘଟଣାର ତଦନ୍ତ NIA ହାତେ ରହିଛି।
ଆଲ୍ ଫଲାହ ବିଶ୍ୱବିଦ୍ୟାଳୟରେ ତଦନ୍ତ ତିବ୍ର, ଜଣେ ଡାକ୍ତରଙ୍କୁ ଆତଙ୍କୀ ମଡ୍ୟୁଲ ସହିତ ସଂଯୋଗ
ହରିୟାଣାର ଫରିଦାବାଦ ଅବସ୍ଥିତ ଆଲ୍ ଫଲାହ ବିଶ୍ୱବିଦ୍ୟାଳୟରେ ମଧ୍ୟ ତଦନ୍ତ ତିବ୍ର କରାଯାଉଛି। ତଦନ୍ତକାରୀ ଏଜେନ୍ସିମାନଙ୍କ ଅନୁସନ୍ଧାନରେ ଜଣାପଡିଛି ଯେ, ଏହି ବିଶ୍ୱବିଦ୍ୟାଳୟର ଜଣେ ଡାକ୍ତର ଆତଙ୍କୀ ମଡ୍ୟୁଲର ସଦସ୍ୟ ଥିଲେ ଏବଂ ବିଶ୍ୱବିଦ୍ୟାଳୟ ମଧ୍ୟ ଆତଙ୍କବାଦୀ ଆକ୍ରମଣ ପ୍ରସ୍ତୁତିର କେନ୍ଦ୍ର ରହିଥିଲା।
ଦିଲ୍ଲୀ ଆକ୍ରମଣରେ ମୃତ ଡାକ୍ତର ଉମର ଓ ଗିରଫ ଡାକ୍ତର ମଧ୍ୟ ସେଇ ବିଶ୍ୱବିଦ୍ୟାଳୟର ପ୍ରଫେସର ବୋଲି ତଥ୍ୟ ମିଳିଛି।
ତଦନ୍ତ ତିବ୍ର ହେବା ପରେ ୮ ପ୍ରଫେସରଙ୍କ ଇସ୍ତଫା, ଛାତ୍ରଛାତ୍ରୀ ଚିନ୍ତିତ
NIA ତଦନ୍ତ ଆରମ୍ଭ ହେବା ପରେ ଆଲ୍ ଫଲାହ ବିଶ୍ୱବିଦ୍ୟାଳୟର ୮ ପ୍ରଫେସର ଇସ୍ତଫା ଦେଇଥିବାରୁ ଛାତ୍ରଛାତ୍ରୀମାନେ ଭବିଷ୍ୟତ୍ ନେଇ ଚିନ୍ତିତ।
IMA ମଧ୍ୟ ଡାକ୍ତର ଶାହିନ, ଡାକ୍ତର ଉମର, ଡାକ୍ତର ମୁଜାମ୍ମିଲ ଓ ଡାକ୍ତର ଆଦିଲଙ୍କ ପଞ୍ଜିକରଣ ବାତିଲ କରିଦିଆଯାଇଛି। ସେମାନେ ଆଉ ଡାକ୍ତରୀ ପ୍ରାକ୍ଟିସ୍ କରିପାରିବେ ନାହିଁ।
୨,୯୦୦ କିଲୋଗ୍ରାମ ଆମୋନିୟମ୍ ନାଇଟ୍ରେଟ୍ ଜବତ, କଡ଼ା ସୁରକ୍ଷା ବ୍ୟବସ୍ଥା
ଫରିଦାବାଦର ଦୁଇଟି କୋଠରୀରୁ ୨,୯୦୦ କିଲୋ ଆମୋନିୟମ୍ ନାଇଟ୍ରେଟ୍ ଜବତ କରାଯିବା ପରେ ବିଶ୍ୱବିଦ୍ୟାଳୟ ପରିସରରେ ଅତିରିକ୍ତ ସୁରକ୍ଷା ବ୍ୟବସ୍ଥା କରାଯାଇଛି। ବିସ୍ଫୋରଣ ଘଟଣା ପରେ ଛାତ୍ରଛାତ୍ରୀମାନେ ମନୋବୃତ୍ତିକ ଚାପରେ ରହିଛନ୍ତି।
ବହୁ ଡାକ୍ତର ନିଖୋଜ, କିଛି ଅଟକ
ଡାକ୍ତର ମୁଜାମ୍ମିଲଙ୍କ କଲ୍ ଡିଟେଲ୍ରୁ ଆଉ ଅନେକ ଡାକ୍ତରଙ୍କ ନାମ ସାମ୍ନାକୁ ଆସିଛି। ତଦନ୍ତକାରୀ ସଂସ୍ଥାଗୁଡ଼ିକ ସେମାନଙ୍କୁ ଯୋଗାଯୋଗ କରିଥିଲେ, କିନ୍ତୁ ଅନେକଙ୍କ ଫୋନ୍ ବନ୍ଦ ଥିଲା ଏବଂ ତଦନ୍ତ ସମୟରେ ସେମାନେ ନିଖୋଜ ମିଳିଛନ୍ତି।
ହରିୟାଣାର ନୁହ ଜିଲ୍ଲାର ତିନି ଡାକ୍ତରଙ୍କୁ ଅଟକ ରଖି ପଚରାଉଚରା ହେଉଛି।
ମୁଜାମ୍ମିଲଙ୍କ ମୋବାଇଲ୍ ଫୋନରୁ ବିଶାଳ ନେଟୱାର୍କର ପର୍ଦ୍ଦାଫାସ୍
ସୂତ୍ର ଅନୁସାରେ, ମୁଜାମ୍ମିଲଙ୍କ ଫୋନରୁ ମିଳିଥିବା CDR ତଥ୍ୟରୁ ୨୦୦ ରୁ ଅଧିକ କଶ୍ମୀରୀ ଡାକ୍ତର ଓ ଡାକ୍ତରୀ ଛାତ୍ରଛାତ୍ରୀ ତଦନ୍ତ ରାଡାରରେ ଆସିଛନ୍ତି।
ଅଧିକାଂଶ ସନ୍ଦିଗ୍ଧମାନେ ଆଲ୍ ଫଲାହ ବିଶ୍ୱବିଦ୍ୟାଳୟରେ ପଢ଼ିଥିବା କିମ୍ବା କାମ କରିଥିବା ଜଣାପଡିଛି।
ଅନେକ ଫୋନ୍ ବନ୍ଦ ଥିବା ସହ, କିଛି ଲୋକ ନିଖୋଜ ଥିବାରୁ ତଦନ୍ତକାରୀ ସଂସ୍ଥାଗୁଡ଼ିକ ସବୁଠାରେ ଚଢ଼ଉ ଜାରି ରଖିଛି।