ମୋଦୀଙ୍କ ପାଦ ଛୁଇଁ ମୁଣ୍ଡିଆ ମାରୁଥିଲେ ନୀତୀଶ; ଅଧାରେ ଅଟକାଇଲେ ପ୍ରଧାନମନ୍ତ୍ରୀ — ଶିଷ୍ଟାଚାରର ଦୃଶ୍ୟ ଭାଇରାଲ

ପାଟଣା: ବିହାରରେ ପୁଣି ଏନଡିଏ ସରକାର ଗଠିତ ହେବା ସହିତ, ନୀତୀଶ କୁମାର ୧୦ମ ଥର ପାଇଁ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି। ପାଟଣାର ଗାନ୍ଧୀ ମଇଦାନରେ ଆୟୋଜିତ ଇହାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, କେନ୍ଦ୍ର ଗୃହମନ୍ତ୍ରୀ ଅମିତ ଶାହ ସହିତ ବହୁ ବିଜେପି ଶାସିତ ରାଜ୍ୟର ମୁଖ୍ୟମନ୍ତ୍ରୀମାନେ ଯୋଗ ଦେଇଥିଲେ। ପ୍ରାୟ ୨ ଲକ୍ଷ ଲୋକଙ୍କ ଅଗାଧ ଭିଡ଼ ସହିତ ଗାନ୍ଧୀ ମଇଦାନ ଉତ୍ସବମୟ ହୋଇ ପଡ଼ିଥିଲା।

ମୋଦୀଙ୍କୁ ମୁଣ୍ଡିଆ ମାରିବାକୁ ଚେଷ୍ଟା କଲେ ନୀତୀଶ

ରାଜ୍ୟପାଳଙ୍କ ଉପସ୍ଥିତିରେ ନୀତୀଶ କୁମାର ପଦ ଓ ଗୋପନୀୟତାର ଶପଥ ଗ୍ରହଣ କରିଥିଲେ। ସମାରୋହ ସରିବା ପରେ ବିମାନବନ୍ଦରର ଗୋଟିଏ ଦୃଶ୍ୟ ସାରା ଦେଶରେ ଚର୍ଚ୍ଚାର ବିଷୟ ହୋଇଯାଇଛି। ପ୍ରଧାନମନ୍ତ୍ରୀଙ୍କୁ ବିଦାୟ ଦେବାକୁ ବିମାନବନ୍ଦର ପହଞ୍ଚିଥିବା ନୀତୀଶ କୁମାର, ସମ୍ମାନ ସ୍ୱରୂପ ମୋଦୀଙ୍କ ପାଦ ଛୁଇଁ ମୁଣ୍ଡିଆ ମାରିବାକୁ ଚେଷ୍ଟା କରୁଥିବାବେଳେ, ପ୍ରଧାନମନ୍ତ୍ରୀ ତାଙ୍କୁ ତୁରନ୍ତ ଉଠାଇ ନେଇଥିଲେ।

ଶିଷ୍ଟାଚାର ଓ ସମ୍ମାନର ଦୃଶ୍ୟ ଭାଇରାଲ

ଦୁଇ ଶୀର୍ଷନେତାଙ୍କ ମଧ୍ୟରେ ହୋଇଥିବା ଏହି ଶିଷ୍ଟାଚାରପୂର୍ଣ୍ଣ ଦୃଶ୍ୟ ସୋସିଆଲ ମିଡିଆରେ ବେଗରେ ଭାଇରାଲ ହୋଇଛି। ରାଜନୀତିରେ ପରସ୍ପର ସମ୍ମାନର ଏହି ଭାବଭଙ୍ଗୀକୁ ଅନେକେ ସ୍ୱାଗତ କରୁଛନ୍ତି।