ନୂଆଦିଲ୍ଲୀ: କେନ୍ଦ୍ର ସରକାର ଲଦାଖର ପ୍ରସିଦ୍ଧ ସାମାଜିକ କର୍ମୀ ଓ ଇଞ୍ଜିନିୟର Sonam Wangchukଙ୍କ ଅଟକକୁ ତୁରନ୍ତ ପ୍ରତ୍ୟାହାର କରିବାକୁ ନିଷ୍ପତ୍ତି ନେଇଛନ୍ତି। ସରକାରଙ୍କ ଜାରିକୃତ ବିବୃତି ଅନୁସାରେ, Ministry of Home Affairs ଜାତୀୟ ସୁରକ୍ଷା ଆଇନ ଅନୁଯାୟୀ ତାଙ୍କ ଅଟକ ରଦ୍ଦ କରିବାକୁ ନିଷ୍ପତ୍ତି ନେଇଛି।
ପରିବେଶ କର୍ମୀ ସୋନମ ୱାଙ୍ଗଚୁକ୍ ୨୬ ସେପ୍ଟେମ୍ବର ୨୦୨୫ ଠାରୁ ଜେଲ୍ରେ ଅଟକ ଥିଲେ। ଲଦାଖରେ ଶାନ୍ତି, ସ୍ଥିରତା ଓ ପାରସ୍ପରିକ ବିଶ୍ୱାସର ପରିବେଶ ସୃଷ୍ଟି କରି ସମସ୍ତ ଅଂଶୀଦାରଙ୍କ ସହ ଗଠନମୂଳକ ଆଲୋଚନାକୁ ସହଜ କରିବା ପାଇଁ ସରକାର ଏହି ପଦକ୍ଷେପ ନେଇଥିବା କହିଛି।
ସରକାରୀ ସୂଚନା ଅନୁସାରେ, ୨୪ ସେପ୍ଟେମ୍ବର ୨୦୨୫ରେ Lehରେ ଆଇନ-ଶୃଙ୍ଖଳା ପରିସ୍ଥିତି ଅବନତି ହେବା ପରେ ଜିଲ୍ଲା ମାଜିଷ୍ଟ୍ରେଟଙ୍କ ନିର୍ଦ୍ଦେଶରେ National Security Act (ଏନ୍ଏସ୍ଏ) ଅନ୍ତର୍ଗତ ତାଙ୍କୁ ଅଟକ ରଖାଯାଇଥିଲା। ବର୍ତ୍ତମାନ ସୁଦ୍ଧା ସେ ତାଙ୍କ ଅଟକ ଅବଧିର ପ୍ରାୟ ଅଧା ସମୟ କାଟି ସାରିଛନ୍ତି।
ସରକାର କହିଛନ୍ତି ଯେ, ଲଦାଖର ବିଭିନ୍ନ ଗୋଷ୍ଠୀ ଓ ସମ୍ପ୍ରଦାୟ ନେତାଙ୍କ ସହ ପ୍ରଶାସନ ନିରନ୍ତର ଯୋଗାଯୋଗରେ ରହିଛି। ସମ୍ପ୍ରତି ହୋଇଥିବା ବନ୍ଦ ଓ ପ୍ରତିବାଦ ଅଞ୍ଚଳର ଶାନ୍ତିପୂର୍ଣ୍ଣ ପରିବେଶକୁ ବ୍ୟାହତ କରିଥିବା ମଧ୍ୟ ସରକାର ଉଲ୍ଲେଖ କରିଛି।
ଲଦାଖରେ ଶାନ୍ତି ଓ ପାରସ୍ପରିକ ବିଶ୍ୱାସର ପରିବେଶ ତିଆରି କରି ସମସ୍ତ ପକ୍ଷ ସହିତ ସକାରାତ୍ମକ ଆଲୋଚନା ଆଗକୁ ବଢ଼ାଇବା ପାଇଁ ଏହି ନିଷ୍ପତ୍ତି ନିଆଯାଇଥିବା ସରକାର କହିଛନ୍ତି। ସେଥିସହିତ Ladakhର ସୁରକ୍ଷା ସୁନିଶ୍ଚିତ କରିବା ପାଇଁ ସମସ୍ତ ଆବଶ୍ୟକୀୟ ପଦକ୍ଷେପ ଗ୍ରହଣ କରାଯିବ ବୋଲି ମଧ୍ୟ ସରକାର ଦୋହରାଇଛନ୍ତି।