ରିଲ୍ ପାଇଁ ଅତ୍ୟାଚାର! ବୃଦ୍ଧ ବ୍ୟକ୍ତିଙ୍କୁ ବକ୍ସରେ ବନ୍ଦ କରି ‘କୋରିଅର୍’ କରିବାକୁ ଚେଷ୍ଟା କରୁଥିଲେ ଦମ୍ପତି

ବେଙ୍ଗାଲୁରୁ: Bengaluruରୁ ଏକ ଆଶ୍ଚର୍ଯ୍ୟଜନକ ଓ ଚିନ୍ତାଜନକ ଘଟଣା ସାମ୍ନାକୁ ଆସିଛି, ଯେଉଁଥିରେ ସୋସିଆଲ ମିଡିଆରେ ଭ୍ୟୁ ଓ ଲାଇକ୍ ପାଇଁ ଜଣେ ପରିବାର ସମସ୍ତ ସୀମା ଉଲ୍ଲଙ୍ଘନ କରିଛନ୍ତି। ବୃଦ୍ଧ ବ୍ୟକ୍ତିଙ୍କୁ ଗୋଟିଏ ବକ୍ସ ଭିତରେ ବନ୍ଦ କରି ‘ମାନବ ପାର୍ସଲ’ ଭାବେ କୋରିଅର୍ କରିବାକୁ ପୁଅ-ବୋହୂ ଚେଷ୍ଟା କରିଥିବା ଘଟଣା ଚର୍ଚ୍ଚାରେ ରହିଛି।

ସୂଚନା ଅନୁସାରେ, ପୁଅ-ବୋହୂ ଏକ ବଡ଼ ବକ୍ସ ନେଇ କୋରିଅର୍ ଅଫିସ୍‌କୁ ପହଞ୍ଚିଥିଲେ। କର୍ମଚାରୀମାନଙ୍କୁ ସନ୍ଦେହ ହେବାରୁ ସେମାନେ ପ୍ୟାକେଜ୍‌ଟି ଖୋଲି ଦେଖିଥିଲେ। ତାହାରେ ଜଣେ ବୟସ୍କ ବ୍ୟକ୍ତି ଥିବା ଦେଖି ସମସ୍ତେ ଅବାକ୍ ହୋଇଯାଇଥିଲେ। ପରେ ଜଣାପଡ଼ିଥିଲା ଯେ, ସେ ବ୍ୟକ୍ତି ମହିଳାଙ୍କ ବାପା।

ତଦନ୍ତରେ ପ୍ରକାଶ ପାଇଛି ଯେ, ମହିଳା, ତାଙ୍କ ସ୍ୱାମୀ, ଶାଶୁ ଓ ଦିଅର ମିଶି ଏହି କାର୍ଯ୍ୟ କରିଥିଲେ। ସେମାନେ କହିଥିଲେ ଯେ, Ramzan ଓ Ugadi ସମୟରେ ଯାତାୟାତ ଭିଡ଼କୁ ନେଇ ଏକ ରିଲ୍ ବନାଇବା ପାଇଁ ଏହି ଅଜବ ଯୋଜନା କରିଥିଲେ।

ବକ୍ସ ଖୋଲିବା ପରେ ବୃଦ୍ଧ ବ୍ୟକ୍ତିଙ୍କ ଅବସ୍ଥା ଗୁରୁତର ଥିବା ଦେଖାଯାଇଥିଲା। ସେ ନିଶ୍ୱାସ ନେବାରେ ଅସୁବିଧା ଭୋଗୁଥିଲେ। ପରିସ୍ଥିତିର ଗମ୍ଭୀରତା ଦେଖି କୋରିଅର୍ କର୍ମଚାରୀମାନେ ପ୍ୟାକେଜ୍‌ ନେବାକୁ ଅସ୍ବୀକାର କରିଥିଲେ। ତଥାପି ପରିବାର ସଦସ୍ୟମାନେ ଏହାକୁ ଗ୍ରହଣ କରିବାକୁ ଜୋର ଦେଇଥିଲେ।

ଘଟଣା ସମ୍ପର୍କରେ ଖବର ପାଇ Karnataka Police ଘଟଣାସ୍ଥଳରେ ପହଞ୍ଚି ସମଗ୍ର ପରିବାରକୁ ଥାନାକୁ ନେଇଯାଇଥିଲେ। ପୁଲିସ ସମସ୍ତଙ୍କ ବୟାନ ରେକର୍ଡ କରିବା ପରେ ପରିବାର ସଦସ୍ୟମାନେ କ୍ଷମା ପ୍ରାର୍ଥନା କରି ଭିଡିଓ ଜାରି କରିଥିଲେ।

ଘଟଣାର ଗମ୍ଭୀରତାକୁ ଦୃଷ୍ଟିରେ ରଖି ପୁଲିସ ସେମାନଙ୍କୁ କଡ଼ା ଚେତାବନୀ ଦେଇଛି ଓ ଭବିଷ୍ୟତରେ ଏପରି ଜୀବନ ପ୍ରତି ବିପଦପୂର୍ଣ୍ଣ କାର୍ଯ୍ୟ କରିବାକୁ ମନା କରିଛି।