ଭୁବନେଶ୍ୱର, ୨୯ ସେପ୍ଟେମ୍ବର: ଓଡ଼ିଶା ସରକାର କ୍ୟାବିନେଟ୍ ବୈଠକରେ ଗୁରୁତ୍ୱପୂର୍ଣ୍ଣ ସଂଶୋଧନ ଅନୁମୋଦନ କରିଛି। ଏହା ଅନୁଯାୟୀ, ୨୦ ବା ତାହାଠାରୁ ଅଧିକ କର୍ମଚାରୀ ଥିବା ଦୋକାନ ଓ ବାଣିଜ୍ୟିକ ପ୍ରତିଷ୍ଠାନଗୁଡ଼ିକ ବର୍ଷର ୩୬୫ ଦିନ ୨୪ ଘଣ୍ଟା ଚାଲିଥିବ।
ସଂଶୋଧନ ଅନୁଯାୟୀ,
- କାମ ସମୟ ୯ରୁ ୧୦ ଘଣ୍ଟା, ତ୍ରୈମାସିକ ଓଭରଟାଇମ୍ ସୀମା ୫୦ରୁ ୧୪୪ ଘଣ୍ଟା କରାଯାଇଛି।
- କର୍ମଚାରୀ ୬ ଘଣ୍ଟା ନିରବଚ୍ଛିନ୍ନ କାମ କରିପାରିବେ।
- ୧୦ ଘଣ୍ଟା/୪୮ ଘଣ୍ଟା ସାପ୍ତାହିକ ସୀମା ପରେ ଦ୍ୱିଗୁଣ ମଜୁରୀ ମିଳିବ।
- ମହିଳା କର୍ମଚାରୀମାନେ ସରକାରୀ ସୁରକ୍ଷା ସର୍ତ୍ତ ସହିତ ସକାଳ ୬ ପୂର୍ବରୁ ଓ ସନ୍ଧ୍ୟା ୭ ପରେ କାମ କରିପାରିବେ।
- ସମସ୍ତ ଦୋକାନରେ ଓଡ଼ିଆ ସାଇନ୍ବୋର୍ଡ ବାଧ୍ୟତାମୂଳକ ହେବ।
ଫ୍ୟାକ୍ଟ୍ରୀ ପାଇଁ:
- ଦୈନିକ କାମ ସମୟ ୮ରୁ ୧୦ ଘଣ୍ଟା, ସାପ୍ତାହିକ ସୀମା ୪୮ ଘଣ୍ଟା।
- ବିଶେଷ ସମୟରେ ୧୨ ଘଣ୍ଟା କାମ, ୧୩ ଘଣ୍ଟା ସ୍ପ୍ରେଡ୍-ଓଭର, ସାପ୍ତାହିକ ୬୦ ଘଣ୍ଟା ଓଭରଟାଇମ୍କୁ ଅନୁମତି ମିଳିଛି।
ସରକାରୀ ବୟାନ ଅନୁସାରେ, ଏହି ପଦକ୍ଷେପ ଛୋଟ ବ୍ୟବସାୟର ଅନୁପାଳନ ଭାର କମାଇବ, ଉଦ୍ୟୋଗୀଙ୍କୁ ପ୍ରୋତ୍ସାହନ ଦେବ, ନୂତନ ବିନିଯୋଗ ଆକର୍ଷିତ କରିବ ଓ ରାଜ୍ୟରେ ଶିଳ୍ପାୟନକୁ ତ୍ୱରାନ୍ୱିତ କରିବ।