ଇସ୍ଲାମାବାଦ : ରାଷ୍ଟ୍ରୀୟ ସ୍ୱୟଂସେବକ ସଂଘ (ଆରଏସଏସ)ର ୧୦୦ ବର୍ଷ ପୂରଣ ଅବସରରେ ସଂଘ ପ୍ରମୁଖ ମୋହନ ଭାଗବତ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସହିତ ଅନେକ ନେତା ଅଭିନନ୍ଦନ ଜଣାଇଥିଲେ। ଏହି ଐତିହାସିକ କ୍ଷଣକୁ ନେଇ ପାକିସ୍ତାନର ବେଲୁଚିସ୍ତାନରୁ ମଧ୍ୟ ଏକ ଶୁଭେଚ୍ଛା ବାର୍ତ୍ତା ଆସିଛି।
ବେଲୁଚିସ୍ତାନକୁ ପାକିସ୍ତାନରୁ ପୃଥକ ଦେଶ ଭାବରେ ଗଠନ କରିବା ପାଇଁ ଦାବି କରୁଥିବା ନେତା ମୀର ୟାର ବଲୁଚ, ଆରଏସଏସର ୧୦୦ ବର୍ଷ ପୂରଣରେ ଅଭିନନ୍ଦନ ଜଣାଇଛନ୍ତି। ସେ ଇନଷ୍ଟାଗ୍ରାମରେ ଏକ ପୋଷ୍ଟ ରେ ସ୍ପଷ୍ଟ କରିଛନ୍ତି — “ଆରଏସଏସର ୧୦୦ତମ ବାର୍ଷିକୀରେ ସମ୍ମାନ ଓ ଏକତାର ଶୁଭେଚ୍ଛା। ୨ ଅକ୍ଟୋବର ୨୦୨୫ ରେ ଏହି ଐତିହାସିକ ଅବସରରେ ଆମେ ପ୍ରତିଷ୍ଠାତା, ନେତୃତ୍ୱ ଓ ସମସ୍ତ ସଦସ୍ୟଙ୍କୁ ହୃଦୟପୂର୍ବକ ଅଭିନନ୍ଦନ ଜଣାଉଛୁ। ଆରଏସଏସର ନୀତି ଏବଂ ନିସ୍ୱାର୍ଥ ସେବାର ଆତ୍ମା ସବୁବେଳେ ପ୍ରେରଣାଦାୟକ।”
ଏହି ଶୁଭେଚ୍ଛା ବାର୍ତ୍ତା ବେଲୁଚିସ୍ତାନରୁ ଆସିବା, ଆରଏସଏସର ୧୦୦ତମ ବର୍ଷଗାଠିରେ ବିଶେଷ ଗୁରୁତ୍ୱ ନେଇଛି।