ନୂଆଦିଲ୍ଲୀ, ୭ ଅକ୍ଟୋବର: ଭାରତର ରାଷ୍ଟ୍ରପତି ଏବଂ ସଶସ୍ତ୍ର ବାହିନୀର ସର୍ବୋଚ୍ଚ କମାଣ୍ଡର ଦ୍ରୌପଦୀ ମୁର୍ମୁ ଆସନ୍ତା ବୁଧବାର (ଅକ୍ଟୋବର ୨୯, ୨୦୨୫) ଦିନ ଏକ ରାଫେଲ ଯୁଦ୍ଧ ବିମାନ ଉଡାଣ କରିବେ। ଏହି ଉଡାଣ ଅମ୍ବାଲା ଏୟାରବେସରେ ହେବାକୁ ଥିବା ସୂଚନା ରାଷ୍ଟ୍ରପତି ଭବନ ପକ୍ଷରୁ ଜାରି କରାଯାଇଛି।
ଏହି ରାଫେଲ ଯୁଦ୍ଧ ବିମାନ ଅପରେସନ ସିନ୍ଦୁର ସମୟରେ ପାକିସ୍ତାନର ଆତଙ୍କବାଦୀ ଶିବିର ଉପରେ ହୋଇଥିବା ବାୟୁସେନା ଆକ୍ରମଣରେ ଗୁରୁତ୍ୱପୂର୍ଣ୍ଣ ଭୂମିକା ନିଭାଇଥିଲା। ରାଷ୍ଟ୍ରପତି ମୁର୍ମୁଙ୍କ ଏହି ଉଡାଣ ସହ ଭାରତୀୟ ବାୟୁ ସେନା ଇତିହାସରେ ଆଉ ଏକ ମହତ୍ୱପୂର୍ଣ୍ଣ ମୁହୂର୍ତ୍ତ ଯୋଗ ହେବାକୁ ଯାଉଛି।
୧୭ତମ ଗୋଲ୍ଡେନ ଆରୋ ସ୍କ୍ୱାଡ୍ରନ୍ର ଭୂମିକା
ଅମ୍ବାଲା ଏୟାରବେସରେ ଅବସ୍ଥିତ ରାଫେଲର ଗୋଲ୍ଡେନ ଆରୋ (୧୭ତମ) ସ୍କ୍ୱାଡ୍ରନ୍ ହେଉଛି ଭାରତୀୟ ବାୟୁସେନାର ଗୌରବ। ଏହି ସ୍କ୍ୱାଡ୍ରନ୍ ମେ ୬-୭ ରାତିରେ ପାକିସ୍ତାନର ମୁରିଦକେ ଏବଂ ବାହାବଲପୁରରେ ଥିବା ଆତଙ୍କବାଦୀ ସଂଗଠନ ଲସ୍କର-ଏ-ତୈବା ଓ ଜୈଶ-ଏ-ମହମ୍ମଦ ର ଶିବିର ଉପରେ ବୋମା ମାଡ଼ ଚାଳିଥିଲା। ଏହି ଆକ୍ରମଣରେ ବହୁ ସଂଖ୍ୟକ ଆତଙ୍କବାଦୀ ନିହତ ହୋଇଥିଲେ, ଯେଉଁମାନଙ୍କ ମଧ୍ୟରେ ଜୈଶ ନେତା ମାସୁଦ ଆଝାରଙ୍କ ପରିବାର ସଦସ୍ୟମାନେ ମଧ୍ୟ ଥିଲେ।
ରାଷ୍ଟ୍ରପତିଙ୍କ ଏହି ଉଡାଣ ସହିତ ଭାରତୀୟ ବାୟୁ ସେନାର କ୍ଷମତା ଓ ଗୌରବ ଆଉ ଥରେ ବିଶ୍ୱସମୁଖରେ ପ୍ରତିପାଦିତ ହେବା ନିଶ୍ଚିତ।