Nuapada Bypoll: ନୂଆପଡ଼ା ଉପ-ନିର୍ବାଚନ ପାଇଁ କଡ଼ା ସୁରକ୍ଷା: ଓଡ଼ିଶା ପୋଲିସ ସହ CRPF ର ୧୪ କମ୍ପାନୀ ନିୟୋଜିତ
ନୂଆପଡ଼ା: ଆସନ୍ତା ନଭେମ୍ବର ୧୧ରେ ହେବାକୁ ଥିବା ନୂଆପଡ଼ା ଉପ-ନିର୍ବାଚନକୁ ନିର୍ବିଘ୍ନ ଏବଂ ଶାନ୍ତିପୂର୍ଣ୍ଣ ଭାବେ କରାଇବା ପାଇଁ ପୋଲିସ ପ୍ରଶାସନ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା ହୋଇଛି। ଛତିଶଗଡ଼ ସୀମା ସଂଲଗ୍ନ ଏହି ଅଞ୍ଚଳ ନକ୍ସଲ ପ୍ରଭାବିତ ଥିବାରୁ ନିର୍ବାଚନ ସମୟରେ ଅସୁରକ୍ଷା ସୃଷ୍ଟି ହେବାର ଆଶଙ୍କା ରହିଛି।
ଏହି ପରିସ୍ଥିତିକୁ ଦୃଷ୍ଟିରେ ରଖି, ଓଡ଼ିଶା ପୋଲିସ ସହିତ ସେଣ୍ଟ୍ରାଲ ରିଜର୍ଭ ପୋଲିସ୍ ଫୋର୍ସ (CRPF) ର ୧୪ କମ୍ପାନୀ ନିୟୋଜିତ ହୋଇଛନ୍ତି। ଅତିରିକ୍ତ ଡିଜି (ଆଇନ ଓ ଶୃଙ୍ଖଳା) ସଞ୍ଜୟ କୁମାର କହିଛନ୍ତି ଯେ ସମସ୍ତ ବୁଥ୍ର ସୁରକ୍ଷା ଅବସ୍ଥାର ମୂଲ୍ୟାଙ୍କନ କରାଯାଇଛି ଏବଂ ସେହି ଅନୁଯାୟୀ ସେନା ଓ ପୋଲିସ୍ ମୋତାୟେନ କରାଯାଇଛି।
ନୂଆପଡ଼ାରେ ମୋଟ ୩୫୮ଟି ବୁଥ୍ ରହିଛି, ସେଥିରୁ ପ୍ରାୟ ୪୭ଟି ବୁଥ୍କୁ ସମ୍ବେଦନଶୀଳ ଏବଂ ମାଓବାଦୀ ପ୍ରଭାବିତ ଭାବରେ ଚିହ୍ନିତ କରାଯାଇଛି। ନିର୍ବାଚନ ଫଳାଫଳ ନଭେମ୍ବର ୧୪ ରେ ଘୋଷଣା ହେବ।