ନୂଆଦିଲ୍ଲୀ: ବାଂଲାଦେଶର ପୂର୍ବତନ ପ୍ରଧାନମନ୍ତ୍ରୀ ଶେଖ ହସିନାଙ୍କୁ ଅନ୍ତରାଷ୍ଟ୍ରୀୟ ଅପରାଧ ଟ୍ରିବ୍ୟୁନାଲ୍ (ICT) ମୃତ୍ୟୁଦଣ୍ଡ ଦେଇ ଦୋଷୀ ସାବ୍ୟସ୍ତ କରିଛି। ରାୟ ପରେ ସେ ପ୍ରଥମେ ପ୍ରତିକ୍ରିୟା ଦେଇ କହିଛନ୍ତି ଯେ ଏହି ସମଗ୍ର ପ୍ରକ୍ରିୟା “ଏକପାଖିଆ, ଅନ୍ୟାୟପୂର୍ଣ୍ଣ ଏବଂ ରାଜନୀତିକ ପ୍ରେରଣାରୁ ପ୍ରଭାବିତ”।
ଶେଖ ହସିନାଙ୍କ ଅଭିଯୋଗ
ହସିନା କହିଛନ୍ତି—
“ମୋ ପକ୍ଷ ନଶୁଣି କୋର୍ଟ ଏଭଳି ରାୟ ଦେଲା। ଏହା ଏକ ଅଣନିର୍ବାଚିତ ସରକାରଙ୍କ ଆଧିନରେ ଚାଲୁଥିବା ଟ୍ରିବ୍ୟୁନାଲ୍ ଦେଇଥିବା ରାୟ। ସେମାନଙ୍କ ପାଖରେ କୌଣସି ଜନାଦେଶ ନାହିଁ। ମୋତେ ମୋର ପକ୍ଷ ରଖିବାକୁ କିମ୍ବା ଓକିଲ୍ ଦ୍ୱାରା ପକ୍ଷ ଉପସ୍ଥାପନ କରିବାକୁ କୌଣସି ସୁଯୋଗ ଦିଆଯାଇନଥିଲା। ICTରେ ‘ଅନ୍ତରାଷ୍ଟ୍ରୀୟ’ କିଛି ବି ନାହିଁ।”
ସେ ଦାବି କରିଛନ୍ତି ଯେ ଟ୍ରିବ୍ୟୁନାଲ୍ କେବଳ ଆୱାମୀ ଲିଗ୍ ସଦସ୍ୟଙ୍କ ବିରୋଧରେ ମାମଲା ରୁଜୁ କରିଥିଲା ଏବଂ ରାୟ ପୂର୍ବରୁ ନିର୍ଦ୍ଧାରିତ ଥିଲା।
୫୪ଜଣ ସାକ୍ଷୀଙ୍କ ସାକ୍ଷ୍ୟ ପରେ ମୃତ୍ୟୁଦଣ୍ଡ
ରାୟ ଘୋଷଣା ପୂର୍ବରୁ ICT
- ୫୪ଜଣ ସାକ୍ଷୀଙ୍କ ସାକ୍ଷ୍ୟ,
- ସାରା ଦେଶରୁ ସଂଗୃହୀତ ପ୍ରମାଣ,
- ଏବଂ ବିଭିନ୍ନ ଉତ୍ସରୁ ମିଳିଥିବା ଅତିରିକ୍ତ ଡକ୍ୟୁମେଣ୍ଟ
ଯାଞ୍ଚ କରିଥିଲା। ଏହି ପ୍ରମାଣଗୁଡ଼ିକ ଶେଖ ହସିନାଙ୍କ ବିରୋଧରେ ଅଭିଯୋଗ ସାବ୍ୟସ୍ତ କରିବାକୁ “ଯଥେଷ୍ଟ” ବୋଲି କୋର୍ଟ କହିଛି।
ICTର ମୁଖ୍ୟ ବିଚାରପତିଙ୍କ ଅନୁସାରେ—
- ପ୍ରଦର୍ଶନକାରୀ ଛାତ୍ର ଓ ନିରସ୍ତ୍ର ନାଗରିକଙ୍କୁ ହତ୍ୟା କରିବା ପାଇଁ ଶେଖ ହସିନା ନିର୍ଦ୍ଦେଶ ଦେଇଥିଲେ,
- ମାରାତ୍ମକ ଅସ୍ତ୍ରଶସ୍ତ୍ର ଏବଂ ଡ୍ରୋନ୍ ବ୍ୟବହାର କରିବାକୁ ମଧ୍ୟ ନିଦେଶ ଥିଲା,
- ଯାହାକୁ ମାନବତା ବିରୋଧୀ ଅପରାଧ ବୋଲି ଟ୍ରିବ୍ୟୁନାଲ୍ ମନୋନୀତ କରିଛି।
ଏହି ସବୁ ଗମ୍ଭୀର ଅଭିଯୋଗ ଆଧାରରେ ଶେଖ ହସିନାଙ୍କୁ ଫାଶୀଦଣ୍ଡ ଘୋଷଣା କରାଯାଇଛି।