ରାଇରଙ୍ଗପୁର: ମୟୂରଭଞ୍ଜ ଜିଲ୍ଲାରେ ପୁଣି ମନକୁ ବିଚଳିତ କରିଦେଇଥିବା ଏକ ଲଜ୍ଜାଜନକ ଘଟଣା ଘଟିଛି। ୬ ବର୍ଷ ବୟସର ନାବାଳିକାକୁ ସମ୍ପର୍କୀୟ ନାବାଳକ ମାମୁ ଦୁଷ୍କର୍ମ କରିଥିବା ଅଭିଯୋଗରେ ସ୍ଥାନୀୟ ଲୋକମାନେ ଆକ୍ରୋଶ ବ୍ୟକ୍ତ କରୁଛନ୍ତି।
ଘଟଣା ବହଳଦା ଥାନା ଅନ୍ତର୍ଗତ ବାସୀଙ୍ଗି ଅଞ୍ଚଳରେ ଘଟିଛି।
ଚକଲେଟ୍ ଦେବାର ଲୋଭ ଦେଖାଇ ନେଲା ପଛେପଛେ
ଅଭିଯୋଗ ଅନୁସାରେ, ୧୫ ବର୍ଷ ବୟସର ନାବାଳକ ଆଜି ଅପରାହ୍ନରେ ଶିଶୁକନ୍ୟାକୁ ଚକଲେଟ୍ ଦେବା ନାଁରେ ପଛେପଛେ ନେଇଯାଇଥିଲା। ନିଷ୍ପାପ ଶିଶୁ ସେଥିରେ ବିଶ୍ବାସ କରି ତାଙ୍କ ସହିତ ଯାଇଥିଲା।
ତାପରେ ଗୋଟିଏ ବୁଦାମୂଳରେ ନାବାଳକ ତାଙ୍କୁ ଦୁଷ୍କର୍ମ କରିଥିବା ଅଭିଯୋଗ ଉଠିଛି।
ପୀଡ଼ିତା ଓ ଅଭିଯୁକ୍ତ ନାବାଳକଙ୍କ ମଧ୍ୟରେ ମାମୁ–ଭାଣିଜୀ ସମ୍ପର୍କ ଥିବା ବୋଲି ପୁଲିସ ସୂଚନା ଦେଇଛି।
ପରିବାରର ଅଭିଯୋଗ; ନାବାଳକ ଅଟକରେ
ପରିବାର ଲୋକେ ଘଟଣା ବିଷୟରେ ଜାଣିବା ପରେ ସନ୍ଧ୍ୟାରେ ବହଳଦା ଥାନାରେ ଲିଖିତ ଅଭିଯୋଗ କରିଛନ୍ତି।
ପୁଲିସ ଅଭିଯୋଗ ମିଳିବାସହିତ ୧୫ ବର୍ଷର ନାବାଳକକୁ ଅଟକରେ ନେଇ ତଦନ୍ତ ଆରମ୍ଭ କରିଛି।
ପୀଡ଼ିତାକୁ ଥାନା ଅଧୀନସ୍ଥ ସ୍ଥାନୀୟ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା କରାଯାଉଛି ବୋଲି ଥାନା ଅଧିକାରୀ ଭାସ୍କର ପ୍ରଧାନ ସୂଚନା ଦେଇଛନ୍ତି।
ତଦନ୍ତକାରୀ ଅଧିକାରୀ ଅନନ୍ତ ଦାସ କହିଛନ୍ତି ଯେ ଅଭିଯୁକ୍ତକୁ ଆସନ୍ତାକାଲି କିଶୋର ନ୍ୟାୟ ବୋର୍ଡକୁ ପ୍ରସ୍ତୁତ କରାଯିବ।
ଜିଲ୍ଲାରେ ପୁଣି ଲଜ୍ଜାଜନକ ଘଟଣା
ଏକାଧିକ ଦିନ ପୂର୍ବରୁ ମଧ୍ୟ ରାସଗବିନ୍ଦପୁର ଅଞ୍ଚଳରେ ଦୁଇ ନାବାଳିକାଙ୍କୁ ଦୁଷ୍କର୍ମ ପରେ ରାସ୍ତାରେ ଫିଙ୍ଗି ଦେଇ ପଳାଇଥିଲେ ଦୁବୃର୍ତ୍ତମାନେ। ସେହି ଘଟଣାର ପ୍ରତିଧ୍ୱନି ଶାନ୍ତ ହେବା ପୂର୍ବରୁ ପୁଣି ଏହି ଦୁଷ୍କର୍ମ ଘଟଣା ଜିଲ୍ଲାକୁ ଆଘାତ ଦେଇଛି।