ଝାରସୁଗୁଡ଼ା: ପାନମସଲା ବ୍ୟବସାୟୀଙ୍କ ଘରେ ଗତ ସପ୍ତାହରେ ଘଟିଥିବା ଯୋଜନାବଦ୍ଧ ସଶସ୍ତ୍ର ଡକାୟତି ଘଟଣାରେ ଝାରସୁଗୁଡ଼ା ପୁଲିସ ବଡ଼ ସଫଳତା ହାସଲ କରିଛି। ଦୁଇ ନାବାଳକ ଏବଂ ଜଣେ ମହିଳା ସମେତ ୧୦ ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି। ପୁଲିସ ଅଭିଯୁକ୍ତମାନଙ୍କୁ ଗିରଫ କରିବା ସହିତ ନଗଦ ଟଙ୍କା, ଗହଣା, ଦେଶୀ ବନ୍ଧୁକ, ବାହନ ଓ ଅନ୍ୟାନ୍ୟ ସାମଗ୍ରୀ ଜବତ କରିଛି।
ଗିରଫ ହୋଇଥିବା ୧୦ ଅଭିଯୁକ୍ତ
- ସଂଜୟ ସିଂହ (୫୩) — ଭୋଜପୁର, ବିହାର
- ରାଧାକାନ୍ତ କହଁର (୩୮) — ବୌଦ୍ଧ, ଝାରସୁଗୁଡ଼ା
- ଅଶୋକ ପଣ୍ଡା (୫୮) — ବମ୍ବେ ଛକ, ଝାରସୁଗୁଡ଼ା
- ଜଗବନ୍ଧୁ ବେହେରା (୫୬) — ନେମାଳ, କଟକ
- କାହାଚରଣ ସ୍ବାଇଁ (୩୨) — ପାରାଦୀପ, ଜଗତସିଂହପୁର
- ଆନନ୍ଦ ରାୟ (୨୪) — ପାଟଣାଗଡ଼, ବଲାଙ୍ଗୀର
- ଜିତେନ୍ଦ୍ର ସାହୁ (୩୦) — ତିର୍ତ୍ତୋଲ, ଜଗତସିଂହପୁର
- ସୁଶୀଳା ମେହେରା ଓରଫ ପିଙ୍କି (୩୦) — ବେଲପଡ଼ା
- ଦୁଇ ନାବାଳକ (ନାମ ଖୋଲାସା ହୋଇନାହିଁ)
ପୁଲିସ ଜବତ କରିଥିବା ସାମଗ୍ରୀ
- ନଗଦ: ₹୩୭,୨୭,୦୦୦
- ସୁନା: ୫୨୧ ଗ୍ରାମ
- ରୁପା: ୧୪.୩୨ କିଲୋ
- ଦେଶୀ ବନ୍ଧୁକ: ୩ଟି
- ଜୀବନ୍ତ ଗୁଳି: ୧୨ଟି
- ଛୁରୀ: ୨ଟି
- ବାହନ: ୨ କାର, ୨ ସ୍କୁଟି, ୧ ବାଇକ୍
- ନକଲି ନମ୍ବର ପ୍ଲେଟ
- ୧୨ଟି ମୋବାଇଲ ଫୋନ୍
ଡକାୟତି ପାଇଁ ୧୦ଟି ଟିମ୍ ଗଠନ — ଏସ୍ପିଙ୍କ ଖୁଲାସା
ଝାରସୁଗୁଡ଼ା ଏସ୍ପି ଗୁଣ୍ଡାଲା ରାଘବେନ୍ଦ୍ର ରେଡ୍ଡୀ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, ଗତ ୧୯ ତାରିଖ ରାତିରେ ବିନାୟକପୁରମରେ ଥିବା ପାନମସଲା ବ୍ୟବସାୟୀ ମୁକେଶ ବୁଚୱାନୀଙ୍କ ଘରକୁ ଚାରି ମୁଖାପିନ୍ଧା ଦୁର୍ବୃତ୍ତ ମୁହଁ ମୋଡ଼ି ଆକ୍ରମଣ କରିଥିଲେ।
ସେମାନେ ପରିବାରକୁ ବନ୍ଧକ କରି, ବ୍ୟବସାୟୀଙ୍କୁ ଛୁରାମାଡ଼ କରି ଗହଣା ଓ ଟଙ୍କା ଲୁଟି ନେଇଥିଲେ। ଅଭିଯୋଗ ପାଇବା ପରେ ୧୦ରୁ ଅଧିକ ପୁଲିସ ଟିମ୍ ପଡ଼ୋଶୀ ଜିଲ୍ଲା ଓ ଅନ୍ୟ ରାଜ୍ୟରେ ଚଢ଼ଉ କରିଥିଲେ ଏବଂ ଶେଷରେ ୧୦ ଅଭିଯୁକ୍ତଙ୍କୁ ଗିରଫ କରିବାରେ ସଫଳ ହୋଇଛନ୍ତି।