ଭୁବନେଶ୍ୱର: ରାଜ୍ୟରେ ଜାରିଥିବା ଥଣ୍ଡା ପରିସ୍ଥିତି ମଧ୍ୟରେ ଉପକୂଳ ଅଞ୍ଚଳରେ ମଙ୍ଗଳ ଓ ବୁଧବାର ରାତି ସାମାନ୍ୟ ଆଶ୍ୱସ୍ତି ଦେଖାଗଲା। କିନ୍ତୁ ଆଭ୍ୟନ୍ତର ଓ ପଶ୍ଚିମ ଓଡ଼ିଶାରେ ଶୀତ ପ୍ରକୋପ ଅବ୍ୟାହତ ରହିଛି। ଦାରିଙ୍ଗବାଡ଼ୀ ଓ ଫୁଲବାଣୀରେ ପାରଦ ୧୦ ଡିଗ୍ରିକୁ ସ୍ପର୍ଶ କରିଛି, କୋରାପୁଟରେ ୧୦.୨ ଡିଗ୍ରି, ଝାରସୁଗୁଡ଼ାରେ ୧୦.୪ ଡିଗ୍ରି, ନବରଙ୍ଗପୁରରେ ୧୦.୮ ଡିଗ୍ରି ଏବଂ ରାଉରକେଲାରେ ୧୧ ଡିଗ୍ରି ସେଲସିୟସ୍ ରେକର୍ଡ ହୋଇଛି।
ଏକପଟେ କେନ୍ଦ୍ରୀୟ ଓ ପଶ୍ଚିମ ଓଡ଼ିଶାରେ ତାପମାତ୍ରା ତଳକୁ ଯାଇଥିବା ବେଳେ ଉପକୂଳ ଅଞ୍ଚଳରେ ପାରଦ ସ୍ତର ସାମାନ୍ୟ ବୃଦ୍ଧି ପାଇଛି। ଦ୍ୱୈତନଗରୀ କଟକ ଏବଂ ଭୁବନେଶ୍ୱରରେ ମଧ୍ୟ ରାତି ତାପମାତ୍ରା ଉଦ୍ଧମୁଖୀ ହୋଇଛି। କଟକର ସର୍ବନିମ୍ନ ତାପମାତ୍ରା ୧୪ ଡିଗ୍ରିରୁ ୧୬ ଡିଗ୍ରିକୁ ବୃଦ୍ଧି ପାଇଥିବା ବେଳେ, ଭୁବନେଶ୍ୱରର ପାରଦ ପ୍ରାୟ ୩ ଡିଗ୍ରି ଯାଏଁ ବଢ଼ି ୧୭.୨ ଡିଗ୍ରିକୁ ପହଞ୍ଚିଛି।
ଆଞ୍ଚଳିକ ପାଣିପାଗ କେନ୍ଦ୍ରଙ୍କ ଅନୁସାରେ, ଆସନ୍ତା ୪ ଦିନ ରାଜ୍ୟରେ ଏହି ପରି ତାପମାତ୍ରା ଚାଲିଥିବ, ତାପରେ ପାରଦ ୨–୩ ଡିଗ୍ରି ହ୍ରାସ ପାଇବ। ଏହାର ପରିଣାମରେ ରାଜ୍ୟରେ ପୁଣିଥରେ ଶୀତ ବଢ଼ିବ ବୋଲି ସୂଚନା ମିଳିଛି।
ଆସନ୍ତାକାଲି କଟକ ଓ ଭୁବନେଶ୍ୱରରୁ ଶୀତର ପ୍ରଭାବ ଅଂଶିକ ହ୍ରାସ ପାଇବ। ରାଜଧାନୀ ଅଞ୍ଚଳର ଆକାଶ ଆଂଶିକ ମେଘଳା ରହିବା ସହ ସର୍ବୋଚ୍ଚ ତାପମାତ୍ରା ୩୦ ଡିଗ୍ରି ଏବଂ ସର୍ବନିମ୍ନ ୧୮ ଡିଗ୍ରିରେ ରହିବ। ଆସନ୍ତା ୪ ଦିନ ପର୍ଯ୍ୟନ୍ତ ଉପକୂଳ ଅଞ୍ଚଳର ପାରଦ ସ୍ଥିର ରହିବା ପରେ ଧୀରେ ଧୀରେ ଜାଡ଼ର ପୁନର୍ନିବେଶ ହେବ ଦେଶାଯାଇଛି।