ଶୀତ ଏବେ ଦେରି କରି ଆସିଥିବା ବେଳେ ତାହାର ପ୍ରକୋପ ଗୋଟେ ଲୁଚ୍ଚୋରି ଖେଳ ଖେଳୁଛି—କେବେ କମିଯାଉଛି, କେବେ ବଢ଼ିଯାଉଛି। ନଭେମ୍ବର ଶେଷରୁ ଶୀତ ଆରମ୍ଭ ହେବା ସହିତ ଅନେକ ପ୍ରଦୂଷିତ ସହରର ପରିସ୍ଥିତି ଆହୁରି ଅବନତ ହୋଇଛି। ବିଶେଷକରି ମେଟ୍ରୋ ସହରଗୁଡ଼ିକରେ ଲୋକେ ପ୍ରଦୂଷଣ ଏବଂ ଥଣ୍ଡା ପବନର ଦୁଇ ନଳିଆ ଆଘାତରେ ହଟହଟା ହେଉଛନ୍ତି। ଏହି ବିପରୀତ ପାଗ ଅନେକ ଶାରୀରିକ ସମସ୍ୟାକୁ ଜନ୍ମ ଦେଉଛି।
କନୌଜ ସରକାରୀ ମେଡିକାଲ କଲେଜର ମୁଖ୍ୟ ଚିକିତ୍ସା ଅଧୀକ୍ଷକ ଡାକ୍ତର ଦିଲୀପ ସିଂହ ଜାତୀୟ ଗଣମାଧ୍ୟମକୁ ଥଣ୍ଡାର ପ୍ରଭାବ ଓ ଶୀତଦିନେ ବଢ଼ୁଥିବା ରୋଗ ସମ୍ପର୍କରେ ସବିଶେଷ ତଥ୍ୟ ଦେଇଛନ୍ତି।
ଶୀତରେ ସବୁଠୁ ଅଧିକ ବ୍ୟାପିଥିବା ସମସ୍ୟାଗୁଡ଼ିକ
୧. କାଶ, ଥଣ୍ଡା ଏବଂ ଶ୍ୱାସଜନିତ ସମସ୍ୟା
ଶୀତ ପ୍ରଥମେ ଶରୀରକୁ ସହଜ ଲାଗିଥାଏ କିନ୍ତୁ କିଛିଦିନ ପରେ ଥଣ୍ଡା ପବନ ନାକ, ଗଳା, କାନ ଓ ଛାତିକୁ ପ୍ରଭାବିତ କରେ। ଦୀର୍ଘ ସମୟ ଥଣ୍ଡାର ସମ୍ପର୍କରେ ରହିଲେ ଶ୍ୱାସକ୍ରମର ସଙ୍କ୍ରମଣ, କାଶ ଓ ସର୍ଦି ବଢ଼ିଯାଏ।
ସତର୍କତା: ବାହାରୁଥିବାବେଳେ ଶୀତବସ୍ତ୍ର ପିନ୍ଧନ୍ତୁ, ଗରମ ଖାଦ୍ୟ ଓ ସୁପ ପାନ କରନ୍ତୁ।
୨. ହାଡ଼ ଓ ଗଣ୍ଠି ସମସ୍ୟା
ଶୀତରେ ଖରାର ପ୍ରଭାବ କମିଯାଇଥାଏ, ଫଳରେ ଶରୀରରେ ଭିଟାମିନ୍ ଡି ଅଭାବ ହୋଇପାରେ।
ଏହା ହାଡ଼ ଯନ୍ତ୍ରଣା, ମାଂସପେଶୀ ଯନ୍ତ୍ରଣା ଓ ଗଣ୍ଠିବିଯୋଗକୁ ବଢ଼ାଏ।
ସତର୍କତା: ଭିଟାମିନ୍ ଡି ଯୁକ୍ତ ଖାଦ୍ୟ, ବ୍ୟାୟାମ ଏବଂ ପର୍ଯ୍ୟାପ୍ତ ଗରମ ପୋଷାକ ବ୍ୟବହାର କରନ୍ତୁ।
୩. ଚର୍ମ ଶୁଷ୍କତା
ଶୀତରେ ବାୟୁମଣ୍ଡଳୀୟ ଆର୍ଦ୍ରତା କମିଯାଇଥାଏ ଯାହାର ପ୍ରଭାବ ସିଧାସଳଖ ଚର୍ମରେ ପଡ଼େ।
ଓଠ ଫାଟିବା, ପାଦ ଫାଟିବା, ମୁହଁ ଶୁଷ୍କ ହୋଇଯିବା—ଏହା ଶୀତର ସାଧାରଣ ସମସ୍ୟା।
ସତର୍କତା: ପ୍ରତିଦିନ ତେଲ ଓ ଭଲ ମଏଶ୍ଚରାଇଜର ବ୍ୟବହାର କରନ୍ତୁ, ପ୍ରଚୁର ପାଣି ପିଇବାକୁ ଭୁଲିବେନି।
୪. ରକ୍ତଚାପ ବୃଦ୍ଧି ଓ ବ୍ରେନ୍ଷ୍ଟ୍ରୋକ୍ର ଆଶଙ୍କା
ଥଣ୍ଡା ପବନ ବୋହୁଥିବାରୁ ବାୟୁମଣ୍ଡଳୀୟ ଚାପ ହ୍ରାସ ପାଏ, ଯାହା ଫଳରେ ରକ୍ତଚାପ ବଢ଼ିଯାଏ।
ଏହା ମୁଣ୍ଡବିନ୍ଧା, ଚକ୍କରାଣିବା ଓ ବ୍ରେନ୍ଷ୍ଟ୍ରୋକ୍ର ଝୁମ୍କିକୁ ବଢ଼ାଏ।
ସତର୍କତା: ଦୈନନ୍ଦିନ ଖାଦ୍ୟରେ ରସୁଣ, କଦଳୀ, ଲେମ୍ବୁ ଓ ମହୁ ସାମିଲ କରନ୍ତୁ।