ନୂଆଦିଲ୍ଲୀ, ୧୯।୧୨: ଭାରତର ଡିଜିଟାଲ ପେମେଣ୍ଟ ବ୍ୟବସ୍ଥାକୁ ଆହୁରି ସହଜ ଓ ସୁଲଭ କରିବା ଦିଗରେ Google ଏକ ବଡ଼ ପଦକ୍ଷେପ ନେଇଛି। Google ତାହାର ପ୍ରଥମ ଡିଜିଟାଲ କ୍ରେଡିଟ୍ କାର୍ଡ ‘Flex by Google Pay’ ଭାରତରେ ଲଞ୍ଚ କରିଛି। ଏହା ରୁପେ ନେଟୱର୍କ ଉପରେ ଆଧାରିତ ଏବଂ ସମ୍ପୂର୍ଣ୍ଣ ଭାବେ Google Pay ଆପ୍ ସହ ଇଣ୍ଟିଗ୍ରେଟେଡ୍।
ଏହି ବ୍ରାଣ୍ଡ ଅଧୀନରେ ପ୍ରଥମ ପ୍ରଡକ୍ଟ ଭାବେ ‘Google Pay Flex Axis Bank Credit Card’ କୁ Axis Bank ସହ ଭାଗୀଦାରୀରେ ଲଞ୍ଚ କରାଯାଇଛି। ଏହି କାର୍ଡ Google Pay ଆପ୍ ମାଧ୍ୟମରେ ସିଧାସଳଖ ଉପଲବ୍ଧ ହେବ ଏବଂ ଏହା ପାଇଁ କୌଣସି ଜୟନିଂ କିମ୍ବା ବାର୍ଷିକ ଶୁଳ୍କ ଦେବାକୁ ପଡ଼ିବ ନାହିଁ।
Flex by Google Pay: କ’ଣ ଅଛି ବିଶେଷ?
Google କହିଛି ଯେ ବର୍ତ୍ତମାନ ଭାରତରେ କେବଳ ପ୍ରାୟ ୫ କୋଟି ଲୋକ କ୍ରେଡିଟ୍ କାର୍ଡ ବ୍ୟବହାର କରୁଛନ୍ତି। ଏହି ଅଭାବକୁ ଦୂର କରିବା ପାଇଁ Flex by Google Pay କୁ ଡିଜାଇନ କରାଯାଇଛି, ଯାହା ଅଧିକ ଲୋକଙ୍କୁ ସହଜ ଏବଂ ଡିଜିଟାଲ ଉପାୟରେ କ୍ରେଡିଟ୍ ସୁବିଧା ଦେବ।
ଏହା ଏକ UPI-ପାୱାର୍ଡ, କୋ-ବ୍ରାଣ୍ଡେଡ୍ ଡିଜିଟାଲ କ୍ରେଡିଟ୍ କାର୍ଡ। ବ୍ୟବହାରକାରୀମାନେ Google Pay ଆପ୍ ଭିତରେ କେବଳ କିଛି ମିନିଟ୍ରେ କାର୍ଡ ପାଇଁ ଆବେଦନ କରିପାରିବେ। କୌଣସି ଫିଜିକାଲ ଡକ୍ୟୁମେଣ୍ଟ କିମ୍ବା କାଗଜପତ୍ର ଦରକାର ପଡ଼ିବ ନାହିଁ। ଅନୁମୋଦନ ମିଳିଲେ ସହସା କାର୍ଡ ବ୍ୟବହାର ଆରମ୍ଭ କରାଯାଇପାରିବ।
UPI ପରି ସହଜ ପେମେଣ୍ଟ
ରୁପେ ନେଟୱର୍କ ଉପରେ ଆଧାରିତ ହେବାରୁ Flex କାର୍ଡ ଦ୍ୱାରା କରାଯାଇଥିବା ପେମେଣ୍ଟଗୁଡ଼ିକୁ ସାଧାରଣ UPI ଟ୍ରାଞ୍ଜାକ୍ସନ୍ ପରି ସ୍ବୀକୃତି ମିଳିବ। ଏହାକୁ ଅନଲାଇନ୍ ଓ ଅଫଲାଇନ୍, ଲକ୍ଷାଧିକ RuPay ସ୍ୱୀକାର କରୁଥିବା ମର୍ଚାଣ୍ଟଙ୍କ ପାଖରେ ବ୍ୟବହାର କରାଯାଇପାରିବ।
ରିୱାର୍ଡସ୍ ଓ ଫ୍ଲେକ୍ସିବଲ୍ ରିପେମେଣ୍ଟ
ଏହି କାର୍ଡ ସହିତ ଆକର୍ଷଣୀୟ ରିୱାର୍ଡ ସିଷ୍ଟମ୍ ମଧ୍ୟ ମିଳିବ। ପ୍ରତ୍ୟେକ ଟ୍ରାଞ୍ଜାକ୍ସନ୍ରେ ବ୍ୟବହାରକାରୀଙ୍କୁ ‘ଷ୍ଟାର୍ସ’ ମିଳିବ, ଯାହାର ମୂଲ୍ୟ ୧ ଟଙ୍କା ସମାନ। ଏହି ଷ୍ଟାର୍ସକୁ ପରବର୍ତ୍ତୀ ଟ୍ରାଞ୍ଜାକ୍ସନ୍ରେ ତୁରନ୍ତ ରିଡିମ୍ କରାଯାଇପାରିବ।
ଏହା ସହିତ ବ୍ୟବହାରକାରୀମାନେ ପୂରା ବିଲ ଏକାଥରେ ଦେବା କିମ୍ବା EMI ମାଧ୍ୟମରେ ଦେବାର ସୁବିଧା ପାଇବେ।
ଆପ୍ ଭିତରେ ସମ୍ପୂର୍ଣ୍ଣ ନିୟନ୍ତ୍ରଣ
Flex by Google Pay କାର୍ଡରେ ଇନ-ଆପ କଣ୍ଟ୍ରୋଲ୍ ସୁବିଧା ମିଳିବ। ବ୍ୟବହାରକାରୀମାନେ ଟ୍ରାଞ୍ଜାକ୍ସନ୍ ଲିମିଟ୍ ସେଟ୍ କରିବା, କାର୍ଡ ବ୍ଲକ୍ କିମ୍ବା ଅନବ୍ଲକ୍ କରିବା, PIN ରିସେଟ୍ କରିବା ପରି କାମ ସିଧା Google Pay ଆପ୍ ମାଧ୍ୟମରେ କରିପାରିବେ।
Google କହିଛି ଯେ Flex by Google Pay ଧୀରେଧୀରେ ଅଧିକ ବ୍ୟବହାରକାରୀଙ୍କ ପାଇଁ ଉପଲବ୍ଧ କରାଯିବ। ଏହି ନୂଆ କ୍ରେଡିଟ୍ କାର୍ଡ ଭାରତରେ ଡିଜିଟାଲ କ୍ରେଡିଟ୍ ଏବଂ ପେମେଣ୍ଟ ବ୍ୟବସ୍ଥାକୁ ଆହୁରି ମଜବୁତ କରିବ ବୋଲି ଆଶା କରାଯାଉଛି।