ମୋରାଦାବାଦ: Moradabadରେ ଏକ ଚମକିଦେବା ଘଟଣା ସାମ୍ନାକୁ ଆସିଛି। ଜଣେ ୨୫ ବର୍ଷୀୟ ଯୁବ ଇଞ୍ଜିନିୟର ନିଜ ଯମଜ ଭଉଣୀଙ୍କୁ ଛୁରି ଆକ୍ରମଣ କରି ହତ୍ୟା କରିବା ସହ ମା’ଙ୍କୁ ମଧ୍ୟ ଆକ୍ରମଣ କରି ଗୁରୁତର ଆହତ କରିଦେଇଛନ୍ତି। ଘଟଣା Uttar Pradeshରେ ଭୟ ଓ ଚର୍ଚ୍ଚା ସୃଷ୍ଟି କରିଛି।
ଅଭିଯୁକ୍ତ ହାର୍ଦ୍ଦିକ ଓ ତାଙ୍କ ଯମଜ ଭଉଣୀ ହିମାଶିଖା ଉଭୟେ ଇଞ୍ଜିନିୟର ଥିଲେ ଏବଂ Gurugramର ଏକ ବେସରକାରି କମ୍ପାନୀରେ କାମ କରୁଥିଲେ। ହିମାଶିଖା ଇଞ୍ଜିନିୟରିଂ ସହିତ ଏମ୍ବିଏ ପଢ଼ୁଥିବା ବେଳେ ହାର୍ଦ୍ଦିକ କିଛି ଦିନ ପୂର୍ବରୁ ଚାକିରି ଛାଡ଼ି ଘରେ ରହୁଥିଲେ। ସେ ଅଧିକ ସମୟ ସାମାଜିକ ଗଣମାଧ୍ୟମରେ ବିତାଉଥିବା ଓ ଦେରରାତି ପର୍ଯ୍ୟନ୍ତ ମୋବାଇଲରେ ଚାଟିଂ କରୁଥିବା ପରିବାର ଲୋକ ଦେଖିଥିଲେ।
ପୁଲିସ ତଦନ୍ତରୁ ଜଣାପଡ଼ିଛି ଯେ, ସେ ସୋସିଆଲ୍ ମିଡିଆରେ Puneର ଜଣେ ମହିଳାଙ୍କ ସହିତ ସମ୍ପର୍କରେ ଥିଲେ ଓ ତାଙ୍କୁ ବିବାହ କରିବାକୁ ଚାହୁଥିଲେ। ଏହି ସମ୍ପର୍କରୁ ଦୂରେଇ ରହି କ୍ୟାରିୟର ଉପରେ ଧ୍ୟାନ ଦେବାକୁ ମା’ ନିଳିମା ଓ ଭଉଣୀ ହିମାଶିଖା ତାଙ୍କୁ ପରାମର୍ଶ ଦେଉଥିଲେ।
ମାର୍ଚ୍ଚ ୬ ତାରିଖରେ ଭାଇ-ଭଉଣୀଙ୍କ ମଧ୍ୟରେ କଥାକାଟାକାଟି ହେବା ପରେ ହାର୍ଦ୍ଦିକ ରାଗରେ ଘରେ ଥିବା ଛୁରି ଦ୍ୱାରା ଭଉଣୀଙ୍କୁ ଆକ୍ରମଣ କରିଥିଲେ। ଘଟଣାସ୍ଥଳରେ ହିମାଶିଖାଙ୍କ ମୃତ୍ୟୁ ଘଟିଥିଲା।
ଏହା ପରେ ହାର୍ଦ୍ଦିକ ମା’ ନିଳିମାଙ୍କୁ ଅଫିସରୁ ଘରକୁ ଆସିବାକୁ କହିଥିଲେ। ସେ ଘରକୁ ଆସିବା ପରେ ତାଙ୍କୁ ମଧ୍ୟ ଆକ୍ରମଣ କରିଥିଲେ। ଗୁରୁତର ଅବସ୍ଥାରେ ନିଳିମାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା ଓ ବର୍ତ୍ତମାନ ସେ ସୁସ୍ଥ ହେଉଥିବା ଜଣାପଡ଼ିଛି।
ଘଟଣା ପରେ ପୁଲିସ ତଦନ୍ତ ଆରମ୍ଭ କରି ୨୪ ଘଣ୍ଟା ମଧ୍ୟରେ ଅଭିଯୁକ୍ତ ହାର୍ଦ୍ଦିକଙ୍କୁ ଗିରଫ କରିଛି। ପ୍ରାଥମିକ ପଚରାଉଚରାରେ ଅଭିଯୁକ୍ତ କହିଛନ୍ତି ଯେ, ମା’ ଓ ଭଉଣୀ ତାଙ୍କୁ କ୍ୟାରିୟର ଓ ବ୍ୟକ୍ତିଗତ ସମ୍ପର୍କ ନେଇ ଲଗାତର ପରାମର୍ଶ ଦେଉଥିବାରୁ ସେ ମନସିକ ଭାବେ ଅତିଷ୍ଠ ହୋଇ ଏହି ଅପରାଧ କରିଥିଲେ।