🚨 ସାବଧାନ: ମୋବାଇଲକୁ ଆସୁଛି କି ଏମର୍ଜେନ୍ସି ଆଲର୍ଟ? ଭୟଭୀତ ହୁଅନ୍ତୁ ନାହିଁ!

ଭୁବନେଶ୍ୱର: ଆଜି ଅନେକ ସ୍ମାର୍ଟଫୋନ୍ ବ୍ୟବହାରକାରୀଙ୍କ ନିକଟକୁ ଏକ ଜୋରଦାର ଶବ୍ଦ (Beep) ସହ ‘Emergency Alert’ ମେସେଜ୍ ଆସୁଛି। ଯଦି ଆପଣଙ୍କ ଫୋନକୁ ମଧ୍ୟ ଏପରି ଆସିଛି, ତେବେ ଡରନ୍ତୁ ନାହିଁ।

ଭାରତ ସରକାରଙ୍କ ଟେଲିକମ୍ ବିଭାଗ (DoT) ଏବଂ ଜାତୀୟ ବିପର୍ଯ୍ୟୟ ପରିଚାଳନା ପ୍ରାଧିକରଣ (NDMA) ଦ୍ୱାରା ଏହା ଏକ ପରୀକ୍ଷାମୂଳକ ବାର୍ତ୍ତା।

ଭବିଷ୍ୟତରେ ବନ୍ୟା, ବାତ୍ୟା କିମ୍ବା ଅନ୍ୟାନ୍ୟ ପ୍ରାକୃତିକ ବିପର୍ଯ୍ୟୟ ସମୟରେ ଲୋକଙ୍କୁ ତୁରନ୍ତ ସତର୍କ କରିବା ପାଇଁ ଏହି ‘ସେଲ୍ ବ୍ରଡକାଷ୍ଟ’ (Cell Broadcast) ପ୍ରଯୁକ୍ତିବିଦ୍ୟାର ପରୀକ୍ଷଣ କରାଯାଉଛି।

ଏହି ମେସେଜ୍ ପାଇବା ପରେ ଆପଣଙ୍କୁ କୌଣସି ପଦକ୍ଷେପ ନେବାକୁ ପଡ଼ିବ ନାହିଁ। ଏହାକୁ କେବଳ ପଢ଼ି ‘OK’ କ୍ଲିକ୍ କରିଦିଅନ୍ତୁ।ଏହା କୌଣସି ପ୍ରକୃତ ବିପଦର ସୂଚନା ନୁହେଁ।ଏଥିପାଇଁ କୌଣସି ଲିଙ୍କରେ କ୍ଲିକ୍ କରିବା ବା ବ୍ୟକ୍ତିଗତ ତଥ୍ୟ ଦେବା ଆବଶ୍ୟକ ନାହିଁ।ସରକାରଙ୍କ ଏହି ସ୍ୱଦେଶୀ ଜ୍ଞାନକୌଶଳ ଆମ ସମସ୍ତଙ୍କ ସୁରକ୍ଷା ପାଇଁ।

ଏହି ଗୁରୁତ୍ୱପୂର୍ଣ୍ଣ ସୂଚନାକୁ ନିଜ ପ୍ରିୟଜନଙ୍କ ସହ ସେୟାର୍ କରନ୍ତୁ ଏବଂ ଅଯଥା ଗୁଜବରୁ ଦୂରେଇ ରୁହନ୍ତୁ।