ଭୁବନେଶ୍ୱର: ଭାରତର ବ୍ରିକ୍ସ ଅଧ୍ୟକ୍ଷତା ଅବସରରେ ଓଡ଼ିଶାର ପୁରୀରେ ବ୍ରିକ୍ସ ରାଷ୍ଟ୍ରସମୂହର ବିପର୍ଯ୍ୟୟ ବିପଦ ହ୍ରାସ ସମ୍ବନ୍ଧୀୟ ‘ୱାର୍କିଂ ଗ୍ରୁପ୍’ର ବୈଷୟିକ ସମ୍ମିଳନୀ ଆୟୋଜିତ ହେବ। ଏନେଇ ରାଜ୍ୟ ସରକାର ସୋମବାର ସୂଚନା ଦେଇଛନ୍ତି।
ମିଳିଥିବା ସୂଚନା ଅନୁଯାୟୀ, ଆସନ୍ତା ଜୁନ୍ ୩ରୁ ୫ ତାରିଖ ପର୍ଯ୍ୟନ୍ତ Taj Puri Resort & Spaରେ ଏହି ଆନ୍ତର୍ଜାତୀୟ ବୈଷୟିକ ସମ୍ମିଳନୀ ଅନୁଷ୍ଠିତ ହେବ। ବ୍ରିକ୍ସ ଦେଶମାନଙ୍କର ପ୍ରତିନିଧି ଓ ବିଶେଷଜ୍ଞମାନେ ଏଥିରେ ଯୋଗଦେଇ ବିପର୍ଯ୍ୟୟ ପରିଚାଳନା, ପ୍ରତିରୋଧକ୍ଷମତା ବୃଦ୍ଧି ଓ ଅନ୍ତର୍ଜାତୀୟ ସହଯୋଗ ସମ୍ପର୍କିତ ବିଭିନ୍ନ ପ୍ରସଙ୍ଗରେ ଆଲୋଚନା କରିବେ।
ବହୁ ଦେଶର ପ୍ରତିନିଧି ନେବେ ଅଂଶଗ୍ରହଣ
ଏହି ସମ୍ମିଳନୀରେ Brazil, Russia, India, China, South Africa ସହ Saudi Arabia, United Arab Emirates, Iran, Egypt, Ethiopia ଓ Indonesiaର ପ୍ରତିନିଧିମାନେ ଯୋଗଦେବେ।
ବିପର୍ଯ୍ୟୟ ପରିଚାଳନାରେ ଓଡ଼ିଶାର ସଫଳତାକୁ ମିଳିଲା ସ୍ୱୀକୃତି
ବିପର୍ଯ୍ୟୟ ପ୍ରସ୍ତୁତି ଓ ପରିଚାଳନା କ୍ଷେତ୍ରରେ ଓଡ଼ିଶାର ସଫଳ ପଦକ୍ଷେପକୁ ଦୃଷ୍ଟିରେ ରଖି ରାଜ୍ୟକୁ ଏହି ଗୁରୁତ୍ୱପୂର୍ଣ୍ଣ ବୈଠକର ଆୟୋଜକ ଭାବେ ଚୟନ କରାଯାଇଛି। ବିଶେଷକରି ବାତ୍ୟା ପରିଚାଳନା, ପୂର୍ବ ସଚେତନତା ବ୍ୟବସ୍ଥା ଓ ସଫଳ ଉଦ୍ଧାର କାର୍ଯ୍ୟ ପାଇଁ ଓଡ଼ିଶା ଦେଶ ଓ ବିଦେଶରେ ପ୍ରଶଂସା ଅର୍ଜନ କରିଛି।
ରାଜ୍ୟ ସରକାରଙ୍କ ମତାନୁସାରେ, ଏହି ସମ୍ମିଳନୀ ମାଧ୍ୟମରେ ବ୍ରିକ୍ସ ଦେଶମାନଙ୍କ ମଧ୍ୟରେ ବିପର୍ଯ୍ୟୟ ପରିଚାଳନା ସମ୍ବନ୍ଧୀୟ ଜ୍ଞାନ ଓ ପ୍ରଯୁକ୍ତିର ଆଦାନ-ପ୍ରଦାନ ସହ ଆନ୍ତର୍ଜାତୀୟ ସହଯୋଗ ଆହୁରି ମଜବୁତ ହେବ। ଏହା ସହିତ ବିଶ୍ୱସ୍ତରରେ ଓଡ଼ିଶାର ଛବି ଆହୁରି ସୁଦୃଢ଼ ହେବ ବୋଲି ଆଶା କରାଯାଉଛି।