ନୂଆଦିଲ୍ଲୀ: ଭାରତର କ୍ରମାଗତ ଭାବେ ହ୍ରାସ ପାଉଥିବା ଜନ୍ମ ହାର କୁ ନେଇ ଚିନ୍ତା ପ୍ରକଟ କରିଛନ୍ତି ବିଶ୍ୱର ପ୍ରସିଦ୍ଧ ଶିଳ୍ପପତି ତଥା ଏକ୍ସ (X) ର ମାଲିକ ଏଲନ୍ ମସ୍କ। ଏହି ଧାରା ଭବିଷ୍ୟତରେ ଦେଶର ଅର୍ଥନୀତି ଏବଂ ଜନସଂଖ୍ୟା ଉପରେ ଗମ୍ଭୀର ପ୍ରଭାବ ପକାଇପାରେ ବୋଲି ସେ ଚେତାବନୀ ଦେଇଛନ୍ତି।
ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ ପ୍ରକାଶିତ ଏକ ଜନସଂଖ୍ୟା ସମ୍ବନ୍ଧୀୟ ତଥ୍ୟ ଉପରେ ନିଜର ପ୍ରତିକ୍ରିୟା ରଖି ମସ୍କ ଲେଖିଛନ୍ତି, “ଭାରତର ଜନ୍ମ ହାର ବର୍ତ୍ତମାନ ରିପ୍ଲେସମେଣ୍ଟ ଲେଭଲ୍ ଠାରୁ ତଳକୁ ଖସି ଆସିଛି। ବିଶେଷ କରି ଶିକ୍ଷିତ ସମାଜ ମଧ୍ୟରେ ଏହି ହାର ବହୁ ବର୍ଷ ପୂର୍ବରୁ ହିଁ ହ୍ରାସ ପାଇ ସାରିଛି।”
କ’ଣ କହୁଛି ରିପୋର୍ଟ?
ୟୁନାଇଟେଡ୍ ନେସନ୍ସ ପପୁଲେସନ୍ ଫଣ୍ଡ (UNFPA) ର ‘ଷ୍ଟେଟ୍ ଅଫ୍ ୱାର୍ଲ୍ଡ ପପୁଲେସନ୍’ ରିପୋର୍ଟ ଏବଂ ସାମ୍ପଲ୍ ରେଜିଷ୍ଟ୍ରେସନ୍ ସିଷ୍ଟମ୍ (SRS) ର ସଦ୍ୟତମ ତଥ୍ୟ ଅନୁଯାୟୀ:
ଗତ ଏକ ଦଶନ୍ଧି ମଧ୍ୟରେ ଭାରତର ସମୁଦାୟ ପ୍ରଜନନ ହାର (Total Fertility Rate – TFR) ୨.୩ ରୁ ହ୍ରାସ ପାଇ ୧.୯ ରେ ପହଞ୍ଚିଛି।ଜନସଂଖ୍ୟାକୁ ସ୍ଥିର ରଖିବା ପାଇଁ ଆବଶ୍ୟକ ହେଉଥିବା ମାନଦଣ୍ଡ ହେଉଛି ୨.୧।
ବର୍ତ୍ତମାନର ହାର ଏହି ବେଞ୍ଚମାର୍କ ଠାରୁ ଯଥେଷ୍ଟ କମ୍ ଅଟେ।ଏହା ସତ୍ତ୍ୱେ, ଦେଶର ବୃହତ ଯୁବବର୍ଗଙ୍କ କାରଣରୁ ବର୍ତ୍ତମାନ ଭାରତର ଜନସଂଖ୍ୟା ୧୪୬ କୋଟିରୁ ଅଧିକ ରହିଛି।
ବିଶେଷଜ୍ଞଙ୍କ ଚେତାବନୀଜନସଂଖ୍ୟା ବିଶେଷଜ୍ଞ ଏବଂ ଅର୍ଥନୀତିଜ୍ଞମାନଙ୍କ କହିବା ଅନୁଯାୟୀ, ଯଦି ଜନ୍ମ ହାର ଏହିଭଳି ଭାବେ ହ୍ରାସ ପାଇ ଚାଲେ, ତେବେ ଆଗାମୀ ଦିନରେ କାର୍ଯ୍ୟକ୍ଷମ ଜନଶକ୍ତି ହ୍ରାସ ପାଇବ। ଏହା ଦ୍ୱାରା ଦେଶର ବୃଦ୍ଧ ଜନସଂଖ୍ୟା ବୃଦ୍ଧି ପାଇବ, ଯାହା ସରକାରୀ କଲ୍ୟାଣକାରୀ ଯୋଜନା, ସ୍ୱାସ୍ଥ୍ୟ ସେବା ଏବଂ ଦୀର୍ଘକାଳୀନ ଅର୍ଥନୈତିକ ବିକାଶ ଉପରେ ପ୍ରତିକୂଳ ପ୍ରଭାବ ପକାଇପାରେ।