ଭୁବନେଶ୍ୱର, ୨୪ ଜୁଲାଇ: ଭାରତ ଓ ବ୍ରିଟେନ୍ ମଧ୍ୟରେ ସ୍ୱାକ୍ଷରିତ ମୁକ୍ତ ବାଣିଜ୍ୟ ଚୁକ୍ତି (ଏଫ୍ଟିଏ) ଦ୍ୱାରା ଓଡ଼ିଶା ସମେତ ଦେଶର ଉପକୂଳ ରାଜ୍ୟମାନେ ବୃହତ୍ ଲାଭ ଲଭ କରିପାରିବେ। ବିଶେଷତଃ ସାମୁଦ୍ରିକ ଖାଦ୍ୟ ଓ ହସ୍ତଶିଳ୍ପ ସାମଗ୍ରୀ ରପ୍ତାନି କ୍ଷେତ୍ରରେ ଓଡ଼ିଶା ପାଇଁ ଏହି ଚୁକ୍ତି ଅପାର ସମ୍ଭାବନା ଉନ୍ମୁଚିତ କରିଛି।
ଏଫ୍ଟିଏ ପରେ ବ୍ରିଟେନ୍ ବଜାରରେ ଓଡ଼ିଶାର ସାମୁଦ୍ରିକ ଉତ୍ପାଦ ନିଃଶୁଳ୍କ ଭାବେ ପ୍ରବେଶ କରିପାରିବ। ପାରାଦୀପ, ବାଲେଶ୍ୱର ଭଳି ସମୁଦ୍ରତଟୀୟ ଅଞ୍ଚଳରୁ ଚିଙ୍ଗୁଡ଼ି ଓ ଅନ୍ୟାନ୍ୟ ସମୁଦ୍ର ଉତ୍ପାଦର ରପ୍ତାନି ହେବ ଓ ଏଥିରେ ମତ୍ସ୍ୟଜୀବୀ ଓ ଉଦ୍ୟୋଗୀମାନେ ସିଧାସଳଖ ଲାଭ ପାଇବେ।
ପୂର୍ବରୁ ବ୍ରିଟେନ୍ ଦ୍ୱାରା ଭାରତରୁ ଆଣାଯାଉଥିବା ଚିଙ୍ଗୁଡ଼ି ଉପରେ ୪.୨%ରୁ ୮.୫% ପର୍ଯ୍ୟନ୍ତ ଶୁଳ୍କ ଲାଗୁ ହେଉଥିଲା, ଯାହା ଏବେ ହଟିବା ସମ୍ଭାବନା ରହିଛି। ଏହି ଚୁକ୍ତି ଦ୍ୱାରା ଭାରତର ୯୯% ସାମୁଦ୍ରିକ ଉତ୍ପାଦ ବ୍ରିଟେନ୍ ବଜାରରେ ନିଃଶୁଳ୍କ ରୂପେ ପ୍ରବେଶ କରିପାରିବ, ଯାହା ରପ୍ତାନିକାରୀମାନଙ୍କୁ ଅଧିକ ଲାଭ ଓ ମୁଲ୍ୟ ଦେଇପାରିବ।
୨୦୨୪-୨୫ ମସିହାରେ ଭାରତର ସାମୁଦ୍ରିକ ଉତ୍ପାଦ ରପ୍ତାନି ୧୦୪.୪୩ ନିୟୁତ ଡଲାରରେ ପହଞ୍ଚିଥିଲା, ଯାହାର ମଧ୍ୟରୁ ୭୭% ଭାଗ ମାତ୍ର ଚିଙ୍ଗୁଡ଼ି ଥିଲା। ଏଥିରୁ ବୁଝାଯାଏ ଯେ, ଏହି ଚୁକ୍ତି ପରେ ଓଡ଼ିଶାର ରପ୍ତାନି ଧାରା ବେଶ କ୍ରମାଗତ ଭାବରେ ବୃଦ୍ଧି ପାଇବ।
ଏହି ବାଣିଜ୍ୟିକ ଚୁକ୍ତି ଓଡ଼ିଶାର ରପ୍ତାନି ଆଧାରିତ ଉଦ୍ୟୋଗ, ବିଶେଷତଃ ମହିଳା ନିୟୋଜିତ ଖାଦ୍ୟ ପ୍ରକ୍ରିୟାକରଣ କ୍ଷେତ୍ରରେ ରୋଜଗାର ସୃଷ୍ଟି କରିବ। ଏହା ଦ୍ୱାରା ମତ୍ସ୍ୟଜୀବୀମାନଙ୍କ ଆୟ ବୃଦ୍ଧି ହେବା ସହ, ରାଜ୍ୟର ଉପକୂଳ ଅର୍ଥନୀତି ମଧ୍ୟ ଶକ୍ତିଶାଳୀ ହେବ।