କୋଣାର୍କ, ୨୬ ଜୁଲାଇ (ଜ୍ୟୋତିରାଜ ମହାନ୍ତି): ପୁରୀ-କୋଣାର୍କ ବେଳାମାର୍ଗରେ ଏକ ଦୁର୍ଘଟନା ଘଟିଛି, ଯେଉଁଠି କଟକ ସଦର ବିଡିଓ ପ୍ରତୀକ ସାହୁ ତାଙ୍କ ସ୍ତ୍ରୀ ସହିତ ବୁଲିବାକୁ ଆସିଥିବା ବେଳେ ଗାଡ଼ି କୁଶଭଦ୍ରା ନଦୀରେ ଖସି ପଡ଼ିଛି। ଏହି ଘଟଣା ଚନ୍ଦ୍ରଭାଗା ଥାନା ଅନ୍ତର୍ଗତ ରାମଚଣ୍ଡୀ ମୁହାଣ ନିକଟରେ ଘଟିଛି।
ବିଡିଓ ପ୍ରତୀକ ସାହୁ (୩୩) ତାଙ୍କ ସ୍ତ୍ରୀ ରଶ୍ମୀ ସାହୁଙ୍କ ସହିତ କୋଣାର୍କ ଯାତ୍ରାରେ ଥିବାବେଳେ ଲୋଟସ ରିସର୍ଟ ନିକଟରେ ଗାଡ଼ି (ଓଡିଶା ନମ୍ବର ଓ ବି ୨୩୫୭) ପାର୍କ କରିଥିଲେ। ସେଇ ସମୟରେ ଭାରସାମ୍ୟ ହରାଇ ଗାଡ଼ି ଉଛୁଳା ଜୁଆର ଜଳସ୍ରୋତରେ କୁଶଭଦ୍ରା ନଦୀକୁ ଖସି ପଡ଼ିଥିଲା।
ଘଟଣା ସ୍ଥଳରେ ଉପସ୍ଥିତ ଲୋକେ ଗାଡ଼ିଟି ଭାସୁଥିବା ଦେଖି ଖବର ଦେଲେ। ଅଗ୍ନିଶମ ବାହିନୀ ପହଞ୍ଚି ଗାଡ଼ିକୁ ଉଦ୍ଧାର କଲା। ବିଡିଓ ପ୍ରତୀକ ସାହୁ ସାମାନ୍ୟ ଆହତ ହୋଇଥିଲେ ବୋଲି ଜଣାଯାଇଛି। ପ୍ରଥମେ ତାଙ୍କୁ କୋଣାର୍କ ସ୍ୱାସ୍ଥ୍ୟ କେନ୍ଦ୍ର, ପରେ ପୁରୀକୁ ନେଇଯିବା ଅନୁମାନ।
ଘଟଣା ସ୍ଥଳରେ ଚନ୍ଦ୍ରଭାଗା ମେରାଇନ ଥାନା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି। ଥାନାଧିକାରିଣୀ ପ୍ରତିମା ସାହୁ ଘଟଣା ବିଷୟରେ ନିରୀକ୍ଷଣ କରିଥିବା କଥା କହିଛନ୍ତି।