ନୂଆଦିଲ୍ଲୀ, ୪ ସେପ୍ଟେମ୍ବର: ପୂର୍ବତନ ଭାରତୀୟ ଦଳପତି ମହେନ୍ଦ୍ର ସିଂହ ଧୋନୀଙ୍କ IPL ଭବିଷ୍ୟତ୍କୁ ନେଇ ପୁଣିଥରେ ଚର୍ଚ୍ଚା ତୀବ୍ର ହୋଇଛି। IPL ୨୦୨୫ ପରେ ମାହି ଖେଳିବେ କି ନାହିଁ ବୋଲି ପ୍ରଶଂସକମାନଙ୍କ ମଧ୍ୟରେ ଅନିଶ୍ଚିତତା ରହିଥିଲା। କିନ୍ତୁ ବର୍ତ୍ତମାନ CSK ପ୍ରଶାସନରେ ହୋଇଥିବା ବଡ଼ ପରିବର୍ତ୍ତନ ତାଙ୍କୁ IPL ୨୦୨୬ ରେ ମଧ୍ୟ ଦେଖିବାର ସମ୍ଭାବନାକୁ ବଢ଼ାଇଛି।
CSKର ମାଲିକ ଏନ୍ ଶ୍ରୀନିବାସନ ପୁଣିଥରେ ଦଳର ପରିଚାଳନାରେ ଫେରିଛନ୍ତି। ୨୦୦୮ର ପ୍ରଥମ IPL ସିଜିନରେ ଧୋନୀଙ୍କୁ CSK ପାଇଁ ସେଇଥିଲେ ଶ୍ରୀନିବାସନ। ଦୀର୍ଘ ସମୟ ପରେ ସେ ପୁଣିଥରେ ଅଧ୍ୟକ୍ଷ ପଦକୁ ଗ୍ରହଣ କରିଛନ୍ତି।
ଧୋନୀ ଓ ଶ୍ରୀନିବାସନଙ୍କର ସୁସମ୍ପର୍କ ସବୁବେଳେ ଚର୍ଚ୍ଚିତ। IPL ୨୦୨୫ରେ CSKର ଖରାପ ପ୍ରଦର୍ଶନ ପରେ ଶ୍ରୀନିବାସନଙ୍କ ଫେରାରୁ, IPL ୨୦୨୬ରେ “ଥାଲା” ଧୋନୀଙ୍କୁ ପୁଣିଥରେ କ୍ଷେତ୍ରରେ ଦେଖିବାର ଆଶା ପ୍ରଶଂସକଙ୍କ ମଧ୍ୟରେ ଜୋରଦାର ହୋଇଛି।