କଖାରୁ ମଞ୍ଜି ଅନେକ ସମୟରେ ଲୋକେ ଫିଙ୍ଗି ଦେଇଥାନ୍ତି, କିନ୍ତୁ ଏହି ଛୋଟ ମଞ୍ଜିଗୁଡ଼ିକ ସ୍ୱାସ୍ଥ୍ୟ ପାଇଁ ବହୁତ ଲାଭଦାୟକ। କଖାରୁ ମଞ୍ଜିରେ ପ୍ରଚୁର ପରିମାଣରେ ପ୍ରୋଟିନ୍, ଫାଇବର, ମ୍ୟାଗ୍ନେସିୟମ୍, ଜିଙ୍କ୍, ଆଇରନ୍ ଓ ସ୍ୱାସ୍ଥ୍ୟକର ତେଲ ଥାଏ, ଯାହା ଶରୀରକୁ ପୋଷଣ ଯୋଗାଇ ଅନେକ ରୋଗରୁ ସୁରକ୍ଷା କରେ।
କଖାରୁ ମଞ୍ଜି ଖାଇବାର ପ୍ରମୁଖ ଲାଭଗୁଡ଼ିକ:
୧. ହୃଦୟ ପାଇଁ ଭଲ:
କଖାରୁ ମଞ୍ଜି ଖାଇବା ଦ୍ୱାରା କୋଲେଷ୍ଟେରଲ୍ ସ୍ତର ନିୟନ୍ତ୍ରଣରେ ରହିଥାଏ ଏବଂ ହୃଦରୋଗର ଝୁମକି କମେ।
୨. ପାଚନ ଶକ୍ତି ବୃଦ୍ଧି କରେ:
ଏହା ଶରୀରକୁ ପ୍ରଚୁର ଫାଇବର ଯୋଗାଇଥାଏ, ଯାହା ପାଚନ ନିୟମିତ ରଖି ପେଟକୁ ଅଧିକ ସମୟ ପାଇଁ ପୂର୍ଣ୍ଣ ଅନୁଭବ କରାଏ।
୩. ଭଲ ନିଦ୍ରା ପାଇଁ ସହାୟକ:
କଖାରୁ ମଞ୍ଜିରେ ଥିବା ଟ୍ରିପ୍ଟୋଫାନ ନାମକ ଆମିନୋ ଏସିଡ୍ ନିଦ୍ରାକୁ ସୁଧାରେ। ଅନିଦ୍ରା ରୋଗୀଙ୍କ ପାଇଁ ଏହା ଉପକାରୀ।
୪. ଟେଷ୍ଟୋଷ୍ଟେରନ୍ ସନ୍ତୁଳିତ ରଖେ:
କଖାରୁ ମଞ୍ଜିରେ ଥିବା ଜିଙ୍କ୍ ହର୍ମୋନ ସନ୍ତୁଳନ ରଖି ପୁରୁଷ ସ୍ୱାସ୍ଥ୍ୟକୁ ଭଲ କରେ ଏବଂ ପ୍ରୋଷ୍ଟେଟ୍ ସମସ୍ୟା ହ୍ରାସ କରେ।
୫. ମଧୁମେହ ରୋଗୀଙ୍କ ପାଇଁ ଉପକାରୀ:
ଏଥିରେ ଗ୍ଲାଇସେମିକ୍ ଇଣ୍ଡେକ୍ସ କମ୍ ଥିବାରୁ ରକ୍ତସର୍କରା ସ୍ତର ନିୟନ୍ତ୍ରିତ ରହିଥାଏ।
୬. ଓଜନ ହ୍ରାସରେ ସହାୟକ:
ଫାଇବର ଏବଂ ପ୍ରୋଟିନ୍ରେ ଭରପୂର ଥିବା କଖାରୁ ମଞ୍ଜି ଦେହର ଭୁଖ କମାଇ ଓଜନ ହ୍ରାସରେ ମଦତ କରେ।