ମୁମ୍ବାଇ: ଅଭିନେତ୍ରୀ କାଜୋଲ୍ଙ୍କ ଏକ ବିବାଦିତ ମତାମତ ଏବେ ସୋସିଆଲ ମିଡିଆରେ ଚର୍ଚ୍ଚାରେ ରହିଛି। ‘ଟୁ ମଚ୍ ୱିଥ୍ କାଜୋଲ୍ ଆଣ୍ଡ ଟ୍ୱିଙ୍କଲ୍’ ଶୋ’ର ଫାଇନାଲ୍ ଏପିସୋଡ୍ରେ ସେ କହିଥିଲେ ଯେ, ବିବାହର ମଧ୍ୟ ଏକ ‘ଏକ୍ସପାୟରି ତାରିଖ’ ଓ ‘ନବୀକରଣ ବିକଳ୍ପ’ ରହିବା ଦରକାର।
ଏହି ଶୋ’ରେ ଅତିଥି ଭାବରେ ଅଭିନେତା ଭିକି କୌଶଲ୍ ଓ ଅଭିନେତ୍ରୀ କ୍ରିତି ସାନନ୍ ଯୋଗ ଦେଇଥିଲେ। ଯେତେବେଳେ ହୋଷ୍ଟ ଟ୍ୱିଙ୍କଲ୍ ଖାନ୍ନା ପ୍ରଶ୍ନ କଲେ — “ବିବାହର ଏକ ସମାପ୍ତି ତାରିଖ ରହିବା ଉଚିତ୍ କି?”, ସେଥିରେ ସମସ୍ତ ଅତିଥି ଭିନ୍ନ ମତ ଦେଇଥିଲେ। ଯେଉଁଠି ଭିକି, କ୍ରିତି ଓ ଟ୍ୱିଙ୍କଲ୍ ଏହି ଧାରଣାକୁ ଅସ୍ୱୀକାର କଲେ, ସେଠି କାଜୋଲ୍ ସମର୍ଥନ ଦେଇ କହିଥିଲେ ଯେ, “ସଠିକ୍ ସମୟରେ ସଠିକ୍ ବ୍ୟକ୍ତିଙ୍କ ସହ ବିବାହ ହେବାର ଗ୍ୟାରେଣ୍ଟି ନାହିଁ। ତେଣୁ ଏକ ନବୀକରଣ ବିକଳ୍ପ ଥିଲେ ଯୁକ୍ତିସଂଗତ ହେବ ଏବଂ ଏକ୍ସପାୟରି ତାରିଖ ଥିଲେ କାହାରିକୁ ଅନାବଶ୍ୟକ ଯନ୍ତ୍ରଣା ଭୋଗିବାକୁ ପଡ଼ିବ ନାହିଁ।”
ଟ୍ୱିଙ୍କଲ୍ ମଜାଳିଆ ଭାବରେ କହିଥିଲେ, “ଏହା ବିବାହ ନୁହେଁ, ୱାସିଂ ମେସିନ୍ ନୁହେଁ ଯାହାର ସେର୍ଭିସ ତାରିଖ ରହିବ।”
ଏହି ଶୋ’ରେ ଅନ୍ୟ ଆଲୋଚନା ମଧ୍ୟ ହୋଇଥିଲା — “ଟଙ୍କା ଖୁସି କିଣିପାରେ କି?” ଏଥିରେ ଟ୍ୱିଙ୍କଲ୍ ଓ ଭିକି ସହମତ ହେଲେ, କିନ୍ତୁ କାଜୋଲ୍ ମତ ଦେଲେ ଯେ, “ଅଧିକ ଟଙ୍କା ଥିଲେ ମଧ୍ୟ ଏହା ମାନସିକ ସଂତୋଷ ଦେଇପାରେନାହିଁ। ବିପରୀତରେ ଏହା ଆପଣଙ୍କୁ ଖୁସିର ପ୍ରକୃତ ଅର୍ଥଠାରୁ ଦୂରେଇ ଦିଏ।”
“ବନ୍ଧୁମାନେ ପରସ୍ପରର ପୂର୍ବ ପ୍ରେମୀଙ୍କୁ ଡେଟ୍ କରିବା ଉଚିତ୍ କି ନୁହେଁ?” ପ୍ରଶ୍ନରେ ଟ୍ୱିଙ୍କଲ୍ ସହମତ ହୋଇ କହିଥିଲେ, “କୌଣସି ପୁରୁଷ ଠାରୁ ମୋର ବନ୍ଧୁମାନେ ଅଧିକ ଗୁରୁତ୍ୱପୂର୍ଣ୍ଣ।”
ଏହା ସମୟରେ ଟ୍ୱିଙ୍କଲ୍ ହସି କହିଥିଲେ, “ଆମ ଦୁହିଁଜଣଙ୍କର ଜଣେ ପୂର୍ବ ପ୍ରେମୀ କମନ ଅଛନ୍ତି, କିନ୍ତୁ ଆମେ ତାଙ୍କ ନାମ କହିପାରିବୁ ନାହିଁ,” ଯାହା ଶୁଣି କାଜୋଲ୍ ହସି କହିଥିଲେ, “ଚୁପ୍ କର, ଦୟାକରି କିଛି କହନି।”
ଏହି ଶୋ’ର ଫାଇନାଲ୍ ଏପିସୋଡ୍ ଗୁରୁବାର ପ୍ରାଇମ୍ ଭିଡିଓରେ ପ୍ରସାରିତ ହେବ।