ପାଟନା: Patna High Court ବିହାର ବିଧାନସଭା ନିର୍ବାଚନ ସମ୍ପର୍କିତ ଅଭିଯୋଗକୁ ଗୁରୁତ୍ୱ ସହ ଗ୍ରହଣ କରି ୪୨ ଜଣ ନିର୍ବାଚିତ ବିଧାୟକଙ୍କୁ ନୋଟିସ୍ ଜାରି କରିଛନ୍ତି। ଭୋଟ ଚୋରି ଓ ନାମାଙ୍କନ ସମୟରେ ମିଥ୍ୟା ଶପଥପତ୍ର ଦାଖଲ ହୋଇଥିବା ଅଭିଯୋଗରେ ପରାଜିତ ପ୍ରାର୍ଥୀମାନେ ହାଇକୋର୍ଟର ଶରଣାପଣ୍ଣ ହୋଇଥିଲେ।
ଆବେଦନରେ ଅଭିଯୋଗ କରାଯାଇଛି ଯେ ନିର୍ବାଚନ ସମୟରେ ଭୋଟରମାନଙ୍କୁ ଅର୍ଥ ପ୍ରଲୋଭନ ଦେଇ ଭୋଟ କ୍ରୟ କରାଯାଇଥିଲା। କିଛି ପ୍ରାର୍ଥୀ ନାମାଙ୍କନ ପତ୍ର ସହ ଦାଖଲ କରିଥିବା ଶପଥପତ୍ରରେ ଭୁଲ ସୂଚନା ଦେଇଥିବା ମଧ୍ୟ ଅଭିଯୋଗରେ ଉଲ୍ଲେଖ ଅଛି। ବିଶେଷ କରି National Democratic Alliance (ଏନଡିଏ) ଉପରେ ଭୋଟରଙ୍କୁ ଟଙ୍କା ବଣ୍ଟନ କରି ଭୋଟ ପ୍ରଭାବିତ କରିବାର ଅଭିଯୋଗ ହୋଇଛି।
ଏହି ମାମଲାରେ ନାମ ଥିବା ପ୍ରମୁଖ ନେତାମାନଙ୍କ ମଧ୍ୟରେ ବିଧାନସଭା ବାଚସ୍ପତି ପ୍ରେମ କୁମାର, ଶକ୍ତି ମନ୍ତ୍ରୀ ବିଜେନ୍ଦ୍ର ଯାଦବ, ପୂର୍ବତନ ମନ୍ତ୍ରୀ ଜୀବେଶ ମିଶ୍ର ଓ ବିଧାୟକ ଚେତନ ଆନନ୍ଦ ଅଛନ୍ତି। ହାଇକୋର୍ଟ ସମସ୍ତଙ୍କୁ ନିର୍ଦ୍ଧାରିତ ସମୟରେ ଜବାବ ଦେବାକୁ ନିର୍ଦ୍ଦେଶ ଦେଇଛନ୍ତି।
ଉଲ୍ଲେଖନୀୟ ଯେ, ବିହାର ବିଧାନସଭା ନିର୍ବାଚନର ଫଳାଫଳ ୧୪ ନଭେମ୍ବର ୨୦୨୫ରେ ପ୍ରକାଶ ପାଇଥିଲା। ଏହି ନିର୍ବାଚନରେ ଏନଡିଏ ଜୋଟ ଅଧିକାଂଶ ଆସନ ଜିତି ବଡ଼ ବିଜୟ ହାସଲ କରିଥିଲା। Bharatiya Janata Party ୮୯ଟି ଆସନ ଏବଂ Janata Dal United ୮୫ଟି ଆସନ ଜିତିଥିଲେ। ଅନ୍ୟପକ୍ଷରେ Rashtriya Janata Dal ୨୫ଟି ଆସନରେ ସୀମିତ ରହିଥିଲା ଓ Indian National Congress ୬ଟି ଆସନ ପାଇଥିଲା।
ଏହି ମାମଲା ବର୍ତ୍ତମାନ ବିଚାରାଧୀନ ଅବସ୍ଥାରେ ରହିଛି। କୋର୍ଟର ଆଗାମୀ ଶୁଣାଣିରେ ପକ୍ଷବିପକ୍ଷର ଯୁକ୍ତି ଉପସ୍ଥାପିତ ହେବାକୁ ଅଛି।