ନୂଆଦିଲ୍ଲୀ:
ଚଳିତ ମାସ ୨୮ ତାରିଖରୁ ଆରମ୍ଭ ହେବାକୁ ଥିବା Indian Premier League (ଆଇପିଏଲ୍) ୨୦୨୬ ସଂସ୍କରଣର ପ୍ରଥମ ୨୦ଟି ମ୍ୟାଚ୍ର ସୂଚୀ ବୁଧବାର ଘୋଷଣା କରାଯାଇଛି। ମେ’ ୩୧ ପର୍ଯ୍ୟନ୍ତ ଚାଲିବାକୁ ଥିବା ଏହି ପ୍ରତିଯୋଗିତାରେ ୧୦ଟି ଦଳ ଭାଗନେବା ସହିତ ମୋଟ ୮୪ଟି ମ୍ୟାଚ୍ ଖେଳାଯିବ।
Assam, West Bengal, Tamil Nadu ଓ Keralaରେ ବିଧାନସଭା ନିର୍ବାଚନ ହେବାକୁ ଥିବାରୁ ଏବେ କେବଳ ପ୍ରଥମ ପର୍ଯ୍ୟାୟର ସୂଚୀ ଘୋଷଣା କରାଯାଇଛି। ଏହି ରାଜ୍ୟଗୁଡ଼ିକର ନିର୍ବାଚନ ତାରିଖ ଘୋଷଣା ପରେ ଅବଶିଷ୍ଟ ମ୍ୟାଚ୍ ସୂଚୀ ପ୍ରକାଶ କରାଯିବ ବୋଲି ସୂଚନା ମିଳିଛି।
ଚଳିତ ସଂସ୍କରଣର ଉଦ୍ଘାଟନୀ ମ୍ୟାଚ୍ରେ ଡିଫେଣ୍ଡିଂ ଚାମ୍ପିଅନ୍ Royal Challengers Bengaluru ଓ Sunrisers Hyderabad ମୁହାଁମୁହିଁ ହେବେ। ଏହି ମ୍ୟାଚ୍ M. Chinnaswamy Stadium, Bengaluruରେ ଆୟୋଜିତ ହେବାକୁ ଥିବାବେଳେ ମାର୍ଚ୍ଚ ୨୮ ତାରିଖରେ ରାତି ୭ଟା ୩୦ରେ ଖେଳାଯିବ। ହେଲେ ଏହି ମ୍ୟାଚ୍ ଆୟୋଜନ ପାଇଁ Government of Karnatakaର ଅନୁମତି ଅପେକ୍ଷା ରହିଛି।
ସୂଚନା ଅନୁସାରେ, ମାର୍ଚ୍ଚ ୧୩ ତାରିଖରେ ସରକାର ଗଠିତ କମିଟି M. Chinnaswamy Stadiumର ଯାଞ୍ଚ କରିବ। ଏହାପରେ ଏଠାରେ ମ୍ୟାଚ୍ ଆୟୋଜନ ପାଇଁ ଆବଶ୍ୟକ ପ୍ରସ୍ତୁତି ନେଉଥିବା କଥା ଆଇପିଏଲ୍ ପକ୍ଷରୁ କୁହାଯାଇଛି। ଗତବର୍ଷ ଏହି ଷ୍ଟାଡିୟମ୍ରେ Royal Challengers Bengaluruର ଆଇପିଏଲ୍ ବିଜୟ ଉତ୍ସବ ସମୟରେ ଘଟିଥିବା ଦଳଚକଟାରେ ୧୧ ଜଣଙ୍କ ମୃତ୍ୟୁ ଘଟିଥିଲା। ଏହାପରେ କିଛି ସମୟ ପାଇଁ ଏଠାରେ ମ୍ୟାଚ୍ ଆୟୋଜନ ଉପରେ ପ୍ରତିବନ୍ଧ ଲାଗିଥିଲା। ନିକଟରେ Government of Karnataka ଆଇପିଏଲ୍ ମ୍ୟାଚ୍ ଆୟୋଜନ ପାଇଁ ପୁଣିଥରେ ଅନୁମତି ଦେଇଛି।
ଏହି ସଂସ୍କରଣର ଦ୍ବିତୀୟ ମ୍ୟାଚ୍ Wankhede Stadium, Mumbaiରେ ଖେଳାଯିବ। ଏଠାରେ Mumbai Indians ଓ Kolkata Knight Riders ମୁହାଁମୁହିଁ ହେବେ।
ପ୍ରଥମ ସପ୍ତାହାନ୍ତରେ ଡବଲ୍ ହେଡର୍ ମ୍ୟାଚ୍ ନଥିଲେ ମଧ୍ୟ ଘୋଷିତ ୨୦ଟି ମ୍ୟାଚ୍ ସୂଚୀରେ ୪ଟି ଡବଲ୍ ହେଡର୍ (ଏପ୍ରିଲ ୪–୫ ଓ ୧୧–୧୨) ରଖାଯାଇଛି। ଏହି ପର୍ଯ୍ୟାୟରେ Chennai Super Kings, Delhi Capitals, Rajasthan Royals, Punjab Kings, Gujarat Titans ଓ Lucknow Super Giants ସହିତ ସମସ୍ତ ଦଳ ମ୍ୟାଚ୍ ଖେଳିବେ।
ଘୋଷିତ ସୂଚୀ ଅନୁସାରେ, ମାର୍ଚ୍ଚ ୨୮ରୁ ଏପ୍ରିଲ୍ ୧୨ ପର୍ଯ୍ୟନ୍ତ ପ୍ରଥମ ୨୦ଟି ମ୍ୟାଚ୍ ବିଭିନ୍ନ ସହରର ଷ୍ଟାଡିୟମ୍ରେ ଆୟୋଜିତ ହେବ।