ଶୁଭେନ୍ଦୁଙ୍କ ଶପଥ ଗ୍ରହଣ: ସୋସିଆଲ ମିଡିଆରେ ପୋଷ୍ଟ କରି ହାର୍ଦ୍ଦିକ ଅଭିନନ୍ଦନ ଜଣାଇଲେ ଓଡ଼ିଶା ମୁଖ୍ୟମନ୍ତ୍ରୀ।
ପଶ୍ଚିମବଙ୍ଗରେ ବିକାଶର ନୂଆ ଅଧ୍ୟାୟ; ଶୁଭେନ୍ଦୁ ଅଧିକାରୀଙ୍କୁ ଶୁଭକାମନା ଜଣାଇଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ।
ଭୁବନେଶ୍ୱର: ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଥିବା ଶୁଭେନ୍ଦୁ ଅଧିକାରୀଙ୍କୁ ଓଡ଼ିଶା ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ହାର୍ଦ୍ଦିକ ଶୁଭେଚ୍ଛା ଓ ଅଭିନନ୍ଦନ ଜଣାଇଛନ୍ତି।
ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ (X) ରେ ଏକ ପୋଷ୍ଟ କରି ମୁଖ୍ୟମନ୍ତ୍ରୀ ମାଝୀ ଉଲ୍ଲେଖ କରିଛନ୍ତି ଯେ, ଶୁଭେନ୍ଦୁ ଅଧିକାରୀଙ୍କ ଗତିଶୀଳ ନେତୃତ୍ୱ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦୂରଦୃଷ୍ଟି ସମ୍ପନ୍ନ ଚିନ୍ତାଧାରା ପଶ୍ଚିମବଙ୍ଗରେ ଏକ ନୂତନ ପ୍ରଗତି ଓ ସମୃଦ୍ଧିର ଯୁଗ ଆରମ୍ଭ କରିବ। ଏଥିସହ ସେ ପଶ୍ଚିମବଙ୍ଗବାସୀଙ୍କ ପାଇଁ ପରିବର୍ତ୍ତନଶୀଳ ଅଭିବୃଦ୍ଧି ଏବଂ ଉନ୍ନତ ସୁଯୋଗର କାମନା କରିଛନ୍ତି।
“ପଶ୍ଚିମବଙ୍ଗର ମାନ୍ୟବର ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଥିବା ଶ୍ରୀ ଶୁଭେନ୍ଦୁ ଅଧିକାରୀ ଜୀଙ୍କୁ ମୋର ହାର୍ଦ୍ଦିକ ଅଭିନନ୍ଦନ। ମୁଁ ନିଶ୍ଚିତ ଯେ ଆପଣଙ୍କର ଗତିଶୀଳ ନେତୃତ୍ୱ ଏବଂ ମାନ୍ୟବର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଜୀଙ୍କ ପ୍ରେରଣାଦାୟୀ ଦୂରଦୃଷ୍ଟି ରାଜ୍ୟରେ ପ୍ରଗତି, ସମୃଦ୍ଧି ଏବଂ ଜନକୈନ୍ଦ୍ରିକ ଶାସନର ଏକ ନୂତନ ଅଧ୍ୟାୟ ସୃଷ୍ଟି କରିବ। ଆପଣଙ୍କ କାର୍ଯ୍ୟକାଳ ପଶ୍ଚିମବଙ୍ଗର ସମସ୍ତ ନାଗରିକଙ୍କ ପାଇଁ ପରିବର୍ତ୍ତନଶୀଳ ଅଭିବୃଦ୍ଧି ଏବଂ ଅଧିକ ସୁଯୋଗ ଆଣିଦେଉ।”
ସୂଚନାଯୋଗ୍ୟ ଯେ, ମୁଖ୍ୟମନ୍ତ୍ରୀ ମୋହନ ମାଝୀ ପଶ୍ଚିମବଙ୍ଗ ବିଜେପି ବିଧାୟକ ଦଳର ନେତା ଚୟନ ପାଇଁ କେନ୍ଦ୍ରୀୟ ସହ-ପର୍ଯ୍ୟବେକ୍ଷକ ଭାବେ କୋଲକାତାରେ ଉପସ୍ଥିତ ଥିଲେ। ସେଠାରେ ସେ ଓଡ଼ିଶା ଓ ପଶ୍ଚିମବଙ୍ଗର ସାଂସ୍କୃତିକ ସମ୍ପର୍କ ଏବଂ ପ୍ରଭୁ ଜଗନ୍ନାଥଙ୍କ ଆଶୀର୍ବାଦ ବିଷୟରେ ମଧ୍ୟ ଆଲୋଚନା କରିଥିଲେ।