ଆଇପିଏଲ୍ ୨୦୨୬ରେ ଦିଲ୍ଲୀ କ୍ୟାପିଟାଲ୍ସ ଏକ ରୋମାଞ୍ଚକର ବିଜୟ ହାସଲ କରିଛି। ୫୫ତମ ମ୍ୟାଚ୍ରେ ପଞ୍ଜାବ କିଙ୍ଗ୍ସକୁ ୩ ୱିକେଟ୍ରେ ପରାସ୍ତ କରି ଅକ୍ଷର ପଟେଲଙ୍କ ଟିମ୍ ପ୍ଲେଅଫ୍ ଆଶାକୁ ଜୀବନ୍ତ ରଖିଛି। ଅନ୍ୟପଟେ ଶ୍ରେୟସ ଆୟରଙ୍କ ପଞ୍ଜାବ କିଙ୍ଗ୍ସ ଲଗାତାର ଚତୁର୍ଥ ପରାଜୟ ସହ ପ୍ଲେଅଫ୍ ଦୌଡ଼ରେ ଅଧିକ ଚାପରେ ପଡ଼ିଛି।
ମ୍ୟାଚ୍ରେ ପ୍ରଥମେ ବ୍ୟାଟିଂ କରିଥିବା ପଞ୍ଜାବ କିଙ୍ଗ୍ସ ନିର୍ଦ୍ଧାରିତ ୨୦ ଓଭରରେ ୫ ୱିକେଟ୍ ହରାଇ ୨୧୦ ରନ୍ ସଂଗ୍ରହ କରିଥିଲା। ଅଧିନାୟକ ଶ୍ରେୟସ ଆୟର ଦମଦାର ଇନିଂସ ଖେଳି ୫୯ ରନ୍ କରିଥିବା ବେଳେ ପ୍ରିୟାଂଶ ଆର୍ଯ୍ୟ ୫୬ ରନ୍ର ଗୁରୁତ୍ୱପୂର୍ଣ୍ଣ ଅର୍ଦ୍ଧଶତକ ହାସଲ କରିଥିଲେ। ଉଭୟଙ୍କ ଆକ୍ରମଣାତ୍ମକ ବ୍ୟାଟିଂ ବଳରେ ପଞ୍ଜାବ ବଡ଼ ସ୍କୋର ଛୁଇଁଥିଲା।
୨୧୧ ରନ୍ର ବିଜୟ ଲକ୍ଷ୍ୟ ନେଇ ବ୍ୟାଟିଂ କରିଥିବା ଦିଲ୍ଲୀ କ୍ୟାପିଟାଲ୍ସ ଆରମ୍ଭରୁ ଆକ୍ରମଣାତ୍ମକ ଖେଳ ପ୍ରଦର୍ଶନ କରିଥିଲା। ଅଧିନାୟକ ଅକ୍ଷର ପଟେଲ ଦାୟିତ୍ୱପୂର୍ଣ୍ଣ ଇନିଂସ ଖେଳି ୫୬ ରନ୍ କରିଥିଲେ। ସେହିପରି ଡେଭିଡ ମିଲର ବିସ୍ଫୋରକ ବ୍ୟାଟିଂ କରି ୫୧ ରନ୍ ଯୋଗାଇ ଦଳକୁ ବିଜୟ ଦିଗରେ ନେଇଥିଲେ।
ଶେଷରେ ଦିଲ୍ଲୀ ୧୯ ଓଭରରେ ୭ ୱିକେଟ୍ ହରାଇ ବିଜୟ ଲକ୍ଷ୍ୟ ହାସଲ କରି ନେଇଥିଲା। ଏହି ବିଜୟ ସହ ଦିଲ୍ଲୀ ପଏଣ୍ଟ ଟେବୁଲରେ ନିଜ ସ୍ଥିତିକୁ ମଜବୁତ କରିଥିବା ବେଳେ ପଞ୍ଜାବର ପ୍ଲେଅଫ୍ ଆଶାକୁ ବଡ଼ ଝଟକା ଲାଗିଛି।