Uttar Pradeshରେ ବୁଧବାର ସନ୍ଧ୍ୟାରେ ହୋଇଥିବା ପ୍ରଳୟଙ୍କାରୀ ଝଡ଼ବର୍ଷା ଜନଜୀବନକୁ ଅସ୍ତବ୍ୟସ୍ତ କରିଦେଇଛି। ପ୍ରବଳ ବର୍ଷା, ଧୂଳିଝଡ଼ ଓ ତୀବ୍ର ପବନ ଯୋଗୁଁ ରାଜ୍ୟର ବିଭିନ୍ନ ସ୍ଥାନରେ ୮୯ ଜଣଙ୍କର ମୃତ୍ୟୁ ଘଟିଥିବା ସୂଚନା ମିଳିଛି। ଅନେକ ସ୍ଥାନରେ ଗଛ ଉପୁଡ଼ି ରାସ୍ତାରେ ପଡ଼ିଥିବାରୁ ଯାତାୟାତ ବ୍ୟବସ୍ଥା ମଧ୍ୟ ପ୍ରଭାବିତ ହୋଇଛି।
Prayagraj ସବୁଠୁ ଅଧିକ କ୍ଷତିଗ୍ରସ୍ତ ହୋଇଥିବାବେଳେ ଏଠାରେ ୨୧ ଜଣଙ୍କର ମୃତ୍ୟୁ ଘଟିଛି। ସେହିପରି Sant Ravidas Nagarରେ ୧୪ ଜଣ, Fatehpurରେ ୧୧ ଜଣ ଓ Mirzapurରେ ୧୦ ଜଣଙ୍କର ମୃତ୍ୟୁ ହୋଇଛି।
ଏହାଛଡ଼ା Unnao, Badaun, Bareilly ଓ Pratapgarh ସମେତ ଅନ୍ୟାନ୍ୟ ଜିଲ୍ଲାରେ ମଧ୍ୟ ଗଛ ଉପୁଡ଼ି ପଡ଼ିବା, କାନ୍ଥ ଭୁଶୁଡ଼ିବା ଓ ଘର କ୍ଷତିଗ୍ରସ୍ତ ହେବା ଭଳି ଘଟଣା ସାମ୍ନାକୁ ଆସିଛି।
ରାଜ୍ୟ ସରକାରଙ୍କ ରିପୋର୍ଟ ଅନୁସାରେ, ଏହି ଝଡ଼ବର୍ଷାରେ ୫୩ ଜଣ ଆହତ ହୋଇଥିବାବେଳେ ୧୧୪ଟି ପଶୁଙ୍କ ମୃତ୍ୟୁ ଘଟିଛି। ଅନେକ ସ୍ଥାନରେ ବଜ୍ରପାତ ଓ ଗଛ ପଡ଼ିବା ଯୋଗୁଁ ମୃତ୍ୟୁ ଘଟିଥିବା ସୂଚନା ମିଳିଛି।
India Meteorological Department ପକ୍ଷରୁ ଉତ୍ତର ଭାରତରେ ପଶ୍ଚିମାଝଡ଼ ପ୍ରଭାବରେ ଆଗାମୀ କିଛି ଦିନ ଧରି ଝଡ଼ବର୍ଷା ଓ ବଜ୍ରପାତ ନେଇ ଚେତାବନୀ ଜାରି କରାଯାଇଛି।