ଭୁବନେଶ୍ୱର: ଓଡ଼ିଶା ସରକାରଙ୍କ ଉଚ୍ଚଶିକ୍ଷା ବିଭାଗ ପକ୍ଷରୁ ଚଳିତ ବର୍ଷର B.Ed., B.H.Ed. ଏବଂ M.Ed. ପ୍ରବେଶିକା ପରୀକ୍ଷା ପାଇଁ ଆନୁଷ୍ଠାନିକ ଭାବେ ତାରିଖ ଘୋଷଣା କରାଯାଇଛି। ଷ୍ଟେଟ୍ ସିଲେକ୍ସନ ବୋର୍ଡ (SSB), ଓଡ଼ିଶା ଦ୍ୱାରା ଏହି ଏଣ୍ଟ୍ରାନ୍ସ ପରୀକ୍ଷାଗୁଡ଼ିକ ପରିଚାଳିତ ହେବ।
ପ୍ରକାଶିତ ବିଜ୍ଞପ୍ତି ଅନୁଯାୟୀ ପରୀକ୍ଷା ସୂଚୀ ନିମ୍ନରେ ଦିଆଗଲା:
ପରୀକ୍ଷା ସୂଚୀ:
B.Ed (ଆର୍ଟସ ଏବଂ ସାଇନ୍ସ): ମେ’ ୩୧, ୨୦୨ (ରବିବାର) — ସକାଳ ୧୦:୦୦ ରୁ ମଧ୍ୟାହ୍ନ ୧୨:୦୦ ପର୍ଯ୍ୟନ୍ତ।
B.H.Ed (ହିନ୍ଦୀ): ଜୁନ୍ ୩, ୨୦୨ (ବୁଧବାର) — ସକାଳ ୧୦:୦୦ ରୁ ମଧ୍ୟାହ୍ନ ୧୨:୦୦ ପର୍ଯ୍ୟନ୍ତ (ପ୍ରଥମ ପାଳି)।
M.Ed: ଜୁନ୍ ୩, ୨୦୨ (ବୁଧବାର) — ଅପରାହ୍ନ ୩:୦୦ ରୁ ସନ୍ଧ୍ୟା ୫:୦୦ ପର୍ଯ୍ୟନ୍ତ (ଦ୍ୱିତୀୟ ପାଳି)।
ପରୀକ୍ଷାର୍ଥୀଙ୍କ ପାଇଁ ଗୁରୁତ୍ୱପୂର୍ଣ୍ଣ ସୂଚନା:ଆଡମିଟ୍ କାର୍ଡ ଡାଉନଲୋଡ୍:
ପରୀକ୍ଷାର୍ଥୀମାନେ ମେ’ ୨୭, ୨୦୨ (ପୂର୍ବାହ୍ନ ୧୧:୦୦ ଟା) ରୁ ଅଫିସିଆଲ୍ ୱେବସାଇଟ୍ରୁ ସେମାନଙ୍କ ହଲ୍ ଟିକେଟ୍ ବା ଆଡମିଟ୍ କାର୍ଡ ଡାଉନଲୋଡ୍ କରିପାରିବେ।
ଡାଉନଲୋଡ୍ ପ୍ରକ୍ରିୟା: ଆଡମିଟ୍ କାର୍ଡ ପାଇବା ପାଇଁ ପ୍ରାର୍ଥୀଙ୍କୁ ନିଜର ଆପ୍ଲିକେସନ୍ ବାରକୋଡ୍ ନମ୍ବର (Application Barcode Number) ଏବଂ ଜନ୍ମ ତାରିଖ (Date of Birth) ଦେବାକୁ ପଡ଼ିବ।
ଅଫିସିଆଲ୍ ୱେବସାଇଟ୍: ପରୀକ୍ଷା ସମ୍ବନ୍ଧୀୟ ସମସ୍ତ ସୂଚନା ଏବଂ ଆଡମିଟ୍ କାର୍ଡ ପାଇଁ www.ssbodisha.ac.in ପରିଦର୍ଶନ କରନ୍ତୁ।
ଷ୍ଟେଟ୍ ସିଲେକ୍ସନ ବୋର୍ଡ ସ୍ପଷ୍ଟ କରିଛି ଯେ ଆବଶ୍ୟକ ସ୍ଥଳେ ପରୀକ୍ଷା ତାରିଖରେ ପରିବର୍ତ୍ତନ କରିବାର ଅଧିକାର ବୋର୍ଡ ପାଖରେ ସଂରକ୍ଷିତ ରହିଛି। ଯଦି କୌଣସି କାରଣରୁ ତାରିଖ ବଦଳେ, ତେବେ ସେ ନେଇ ପ୍ରମୁଖ ସମ୍ବାଦପତ୍ର ଏବଂ SSBର ଅଫିସିଆଲ୍ ୱେବସାଇଟ୍ ମାଧ୍ୟମରେ ସୂଚିତ କରାଯିବ।