Breaking News: ପୁରୀ ବିମାନବନ୍ଦର ପାଇଁ କେନ୍ଦ୍ରର ଅନୁମୋଦନ, ଧାର୍ମିକ ପର୍ଯ୍ୟଟନ ଓ ଆଞ୍ଚଳିକ ବିକାଶକୁ ମିଳିବ ପ୍ରୋତ୍ସାହନ
ଭୁବନେଶ୍ୱର: ଧାର୍ମିକ ପର୍ଯ୍ୟଟନ କେନ୍ଦ୍ର ଓଡ଼ିଶାର ପୁରୀରେ ବିମାନବନ୍ଦର ନିର୍ମାଣ ପାଇଁ କେନ୍ଦ୍ର ସରକାର ଅନୁମୋଦନ ଦେଇଛି। ବେସାମରିକ ବିମାନ ଚଳାଚଳ ମନ୍ତ୍ରୀ କେ. ରାମମୋହନ ନାଇଡୁ ଏହି ମଞ୍ଜୁରୀ ଦେଇଛନ୍ତି। ଏହି ନୂତନ ବିମାନବନ୍ଦର ପୁରୀ ଓ ସମ୍ପୂର୍ଣ୍ଣ ଓଡ଼ିଶା ପାଇଁ ଏକ ମାଇଲ୍ଖୁଣ୍ଟ ସାବ୍ୟସ୍ତ ହେବ ବୋଲି ଆଶା କରାଯାଉଛି।
ଏହି ସହିତ ଆଉ ଏକ ଗ୍ରୀନ୍ଫିଲ୍ଡ ବିମାନବନ୍ଦରକୁ ରାଜସ୍ଥାନର କୋଟାରେ ମଧ୍ୟ ଅନୁମୋଦନ ମିଳିଛି।
ଧାର୍ମିକ ପର୍ଯ୍ୟଟନକୁ ବୃଦ୍ଧି ଓ ଯାତ୍ରୀ ସୁବିଧା:
ପୁରୀ ଏକ ବିଶ୍ୱପ୍ରସିଦ୍ଧ ତୀର୍ଥସ୍ଥଳ ଓ ଶ୍ରୀଜଗନ୍ନାଥଙ୍କ ଧାମ ଥିବାରୁ ପ୍ରତିବର୍ଷ ଲକ୍ଷାଧିକ ଭକ୍ତ ଓ ପର୍ଯ୍ୟଟକ ଆଗମନ କରନ୍ତି। ବିମାନବନ୍ଦର ରହିଲେ ସେମାନଙ୍କ ଯାତ୍ରା ଅଧିକ ସୁବିଧାଜନକ ଓ ସୁଗମ ହେବ। ଏହି ପ୍ରୟାସ ଓଡ଼ିଶାର ପର୍ଯ୍ୟଟନ ଓ ଆର୍ଥିକ ବିକାଶକୁ ଗତି ଦେବ।
ଏକ ଆବଶ୍ୟକ ପଦକ୍ଷେପ:
ଭୁବନେଶ୍ୱର ବିମାନବନ୍ଦର ପାଖରେ ଆବଶ୍ୟକ ଜମି ଉପଲବ୍ଧ ନଥିବାରୁ, ରାଜ୍ୟ ସରକାର ଏକ ବିକଳ୍ପ ଥିବା ଅଞ୍ଚଳରେ ଅନ୍ୟ ବିମାନବନ୍ଦର ପାଇଁ ଦବାବ ଦେଇଥିଲା। ଓଡ଼ିଶାର ବିଜେପି ସାଂସଦମାନେ ମଧ୍ୟ ମନ୍ତ୍ରୀଙ୍କୁ ଭେଟି ଏହି ଦାବି ଉଠାଇଥିଲେ।
ସରକାରଙ୍କ ଲକ୍ଷ୍ୟ – ସୁଲଭ ବିମାନ ସେବା:
ନୂତନ ବିମାନବନ୍ଦର ଦ୍ୱାରା ପୁରୀ ସହ ଭାରତର ବିଭିନ୍ନ ମହାନଗର ମଧ୍ୟରେ ସିଧା ବିମାନ ସଂଯୋଗ ସମ୍ଭବ ହେବ। ଏହି ବିକାଶ ପଦକ୍ଷେପ ସେଶ ମାଇଲ୍ ବିମାନ ସେବାକୁ ମଜବୁତ କରିବା ସହ ସମସ୍ତଙ୍କ ପାଇଁ ସୁଲଭ ଯାତ୍ରା ସୁନିଶ୍ଚିତ କରିବ।