ଓଲିଉଡ୍ ର ନୂଆ ଅଧ୍ୟାୟ: ଏଥର ସିଙ୍ଗାପୁରରେ ହେବ ଫାଇଫ ଷ୍ଟାର ଫିଲ୍ମ ଆୱାର୍ଡସ – ୨୦୨୫

ଭୁବନେଶ୍ୱର: ଓଡ଼ିଆ ଚଳଚ୍ଚିତ୍ର ଜଗତ ପାଇଁ ଏକ ଗୌରବର ଅବସର। ଏଥର ଫାଇଫ ଷ୍ଟାର ଫିଲ୍ମ ଆୱାର୍ଡସ – ୨୦୨୫ ବିଦେଶୀ ମାଟିରେ, ମାନେ ସିଙ୍ଗାପୁରରେ ଆୟୋଜିତ ହେବାକୁ ଯାଉଛି। ଆର.ଆର. ଇଭେଣ୍ଟସ୍‌ ଏଣ୍ଡ ସିନେ ପ୍ରଡକ୍ସନ (RR Events & Cine Productions) ଓ ଓଡ଼ିଆ ସୋସାଇଟି ଅଫ୍‌ ସିଙ୍ଗାପୁରର ମିଳିତ ପ୍ରୟାସରେ ଏହି ରଙ୍ଗାରଙ୍ଗ ମହାଉତ୍ସବ ପ୍ରତିଷ୍ଠା ଲଭିବାକୁ ଯାଉଛି।

ଅନ୍ତର୍ଜାତୀୟ ମଞ୍ଚରେ ଓଲିଉଡ୍‌ର ପ୍ରତିଷ୍ଠା:

ଓଡ଼ିଆ ଚଳଚ୍ଚିତ୍ରକୁ ଅନ୍ତର୍ଜାତୀୟ ସ୍ତରରେ ପରିଚିତ କରାଇବା, ଏବଂ ସେଥିପାଇଁ ଜଗତ ମଞ୍ଚରେ ଏହାକୁ ଗୌରବ ଓ ସ୍ୱୀକୃତି ମିଳିବା ଲକ୍ଷ୍ୟରେ ଏହି ପ୍ରସ୍ତୁତି ଚାଲିଛି। ପୂର୍ବରୁ ଗତ ବର୍ଷ ଦୁବାଇରେ ଏହି ପୁରସ୍କାର ଉତ୍ସବ ବ୍ୟାପକ ସଫଳ ହୋଇଥିଲା।

ସିଙ୍ଗାପୁର ରେ ଭବ୍ୟ ଅନୁଷ୍ଠାନ:

ଆସନ୍ତା ୧୦ ତାରିଖ ଅପରାହ୍ନରୁ ସିଙ୍ଗାପୁରର ୱାନ୍ ୱାର୍ଲଡ୍‌ ଇଣ୍ଟରନେସନାଲ୍‌ ସ୍କୁଲର କ୍ୱାଣ୍ଟମ୍‌ ଏରେନାରେ ଆରମ୍ଭ ହେବାକୁ ଯାଉଥିବା ଏହି ମହାକୁମ୍ଭରେ ଓଡ଼ିଶାର ଶିଳ୍ପ, ସଂସ୍କୃତି, ନୃତ୍ୟ, ସଙ୍ଗୀତ ଓ ଚଳଚ୍ଚିତ୍ର ଏକ ଅନନ୍ୟ ପ୍ରଦର୍ଶନ ପାଇବ।

ଆକର୍ଷଣର କେନ୍ଦ୍ରବିନ୍ଦୁ:

ଫ୍ୟାଶନ ଶୋ, ଓଡ଼ିଶୀ ନୃତ୍ୟ, ହସ୍ତଶିଳ୍ପ ପ୍ରଦର୍ଶନୀ ଓ ସଂଗୀତ ସନ୍ଧ୍ୟା ଏହି ଉତ୍ସବକୁ ଅଧିକ ରଙ୍ଗିନ କରିବ। ଏହା ସହ ଓଲିଉଡର ପ୍ରାୟ ୧୦୦ ଜଣ ପ୍ରସିଦ୍ଧ କଳାକାର ଭୁବନେଶ୍ୱରରୁ ସିଙ୍ଗାପୁର ଯାତ୍ରା କରିବେ।

ଅତିଥି ଭାବେ ଉପସ୍ଥିତ ରହିବେ:

ଭାରତୀୟ ହାଇକମିଶନର ଅଧିକାରୀ ସାନିୟାନ ଯୋଶୀ, ଉଦ୍ୟୋଗପତି କେ. ରାମମୂର୍ତ୍ତି, ବିଧାୟକ ଆକାଶ ଦାସ ନାୟକ, ପ୍ରଶାନ୍ତ ଜୟଦେବ, ଅଗସ୍ତି ବେହେରା ଓ ଅନ୍ୟାନ୍ୟ ଗଣମାନ୍ୟ ବ୍ୟକ୍ତିବର୍ଗ ଉପସ୍ଥିତ ରହିବେ।

ଏହା ଏକ ମାତ୍ର ଅବସର:

ସିଙ୍ଗାପୁରରେ ଅବସ୍ଥିତ ଓଡ଼ିଆ ଅନୁସୂଚୀତ ସମାଜ, ଓଲିଉଡ ପ୍ରେମୀ ଓ ତାରକା ପ୍ରେମୀ ମାନେ ଏହି ଅବସରରେ ଆନନ୍ଦ ଉଠାଇପାରିବେ।