ୱାଶିଂଟନ, ୮ ମଇ: ଭାରତ ଓ ପାକିସ୍ତାନ ମଧ୍ୟରେ ବଢ଼ୁଥିବା ଯୁଦ୍ଧ ଭଳି ଉତ୍ତେଜନା ମଧ୍ୟରେ, ଆମେରିକା ସଫା ସ୍ପଷ୍ଟ କରିଛି ଯେ ଏହି ବିବାଦରେ ସେମାନେ ମଧ୍ୟସ୍ଥତା କରିବେ ନାହିଁ। ଆମେରିକାର ଉପ-ରାଷ୍ଟ୍ରପତି ଜେଡି ଭାନ୍ସ ଗୋଟିଏ ସାକ୍ଷାତକାରରେ ଏହି କଥା କହି ବହୁତ ସ୍ପଷ୍ଟ ଭାଷାରେ ଜଣାଇଦେଇଛନ୍ତି ଯେ ଭାରତ ଓ ପାକିସ୍ତାନଙ୍କ ମଧ୍ୟରେ ଚାଲୁଥିବା ଯୁଦ୍ଧ ସମସ୍ୟାରେ ଆମେରିକାର କୌଣସି ଭୂମିକା ନାହିଁ।
ଜେଡି ଭାନ୍ସ କହିଛନ୍ତି:
“ଦୁଇ ଦେଶ ଉତ୍ତେଜନା କମ କରନ୍ତୁ – ଆମେ ଏତିକି ଅନୁରୋଧ କରିପାରିବା। କିନ୍ତୁ ଆମେ ତାଙ୍କର ଯୁଦ୍ଧ ମଧ୍ୟରେ ପକ୍ଷ ନେବା, ମଧ୍ୟସ୍ଥତା କରିବା ବା ଶକ୍ତି ପ୍ରୟୋଗ କରିବା ମନସ୍କା ନୁହେଁ। ଏହି ସଂଘାତକୁ ଆମେ କୋଣସି ଦିଗରୁ ନିୟନ୍ତ୍ରଣ କରିବା ଚେଷ୍ଟା କରିବୁ ନାହିଁ।”
ସେ ଆହୁରି କହିଛନ୍ତି:
“ଆମେ ଭାରତୀୟ ଓ ପାକିସ୍ତାନୀ ମାନେ କିପରି ତାଙ୍କର ଅସ୍ତ୍ର ବ୍ୟବହାର କରିବେ ବା ରଖିବେ, ସେଥିପାଇଁ ଅନୁଦେଶ ଦେବା ଆମର କାମ ନୁହେଁ। ଆମେ କୂଟନୈତିକ ଚ୍ୟାନେଲ ମାଧ୍ୟମରେ ଘଟଣାର ନିରୀକ୍ଷଣ କରିବୁ, ଦେଖିବୁ ଯେ ପରିସ୍ଥିତି କିପରି ବିକାଶ ପାଉଛି। ଆମର ଆଶା ଯେ ଏହି ବିବାଦ କୌଣସି ପରମାଣୁ ସଂଘର୍ଷ ପର୍ଯ୍ୟନ୍ତ ଯିବ ନାହିଁ।”
ପ୍ରଶ୍ନ ଉଠୁଛି ଯେ ଆମେରିକା ଯେଉଁଠି ଏପର୍ଯ୍ୟନ୍ତ ଅନେକ ସାମରିକ ଆଘାତ ସମୟରେ ମଧ୍ୟସ୍ଥତା କରିଛି, ସେଠି ଏବେ ଭାରତ-ପାକିସ୍ତାନ ଯୁଦ୍ଧ ପରି ଗମ୍ଭୀର ପରିସ୍ଥିତିରେ ହାତ ଉଠାଇ ଦେଇଛି। ଏହି ନୂଆ ମୋଡ଼ ବିଶ୍ୱ ରାଜନୈତିକ ପଟଭୂମିରେ ଏକ ଗମ୍ଭୀର ସନ୍ଦେଶ ବୋଲି ବିଶ୍ଳେଷକମାନେ ବିଶ୍ୱାସ କରୁଛନ୍ତି।