ନୂଆଦିଲ୍ଲୀ – ପାକିସ୍ତାନ ପଟୁ ହେଉଥିବା ପ୍ରତିକ୍ରମା ତଥା ଡ୍ରୋନ୍ ଆକ୍ରମଣକୁ ନେଇ ଭାରତ ଏବେ ଚାଲିଛି ବଡ଼ ରଣନୀତି ମାନଚିତ୍ରରେ। ଇଣ୍ଟେଲିଜେନ୍ସ ଇନପୁଟ ଓ ସୀମା ସ୍ଥିତିକୁ ଧ୍ୟାନରେ ରଖି ବେଶକିଛି ଉଚ୍ଚସ୍ତରୀୟ ବୈଠକ ଚାଲିଛି, ଯାହାର ନେତୃତ୍ୱ କରୁଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଗୃହମନ୍ତ୍ରୀ ଅମିତ ଶାହ ଓ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ।
ସେନା ମୁଖ୍ୟ, CDS, NSA ଅଜିତ ଡୋଭାଲ, BSF ଓ CISF ଡିଜିମାନେ ଏହି ବୈଠକଗୁଡ଼ିକୁ ଉପସ୍ଥିତ ରହି ଆଗାମୀ ପଦକ୍ଷେପ ସମ୍ପର୍କରେ ଆଲୋଚନା କରିଛନ୍ତି। ପ୍ରଧାନମନ୍ତ୍ରୀ ମୋଦି ଗୁଜରାଟ, ପଞ୍ଜାବ ଓ ରାଜସ୍ଥାନ ମୁଖ୍ୟମନ୍ତ୍ରୀଙ୍କ ସହ ଅଲଗା ଭାବେ କଥାହୋଇ ସୀମା ଅଞ୍ଚଳ ଉପରେ ନଜର ରଖିବା ଓ ସୁରକ୍ଷା ବଢ଼ାଇବା ନିର୍ଦ୍ଦେଶ ଦେଇଛନ୍ତି।
କେନ୍ଦ୍ର ଗୃହମନ୍ତ୍ରାଳୟ ସମସ୍ତ ରାଜ୍ୟକୁ ଆଲର୍ଟ କରି ସୀମାନ୍ତ ଅଞ୍ଚଳର ଲୋକମାନେକୁ ସୁରକ୍ଷିତ ସ୍ଥାନକୁ ନେବା ନିର୍ଦ୍ଦେଶ ଦେଇଛି। ସେହିପାଇଁ ସମସ୍ତ ରାଜ୍ୟର ମୁଖ୍ୟ ଶାସନ ସଚିବଙ୍କୁ ଚିଠି ଲେଖାଯାଇଛି। ଏହି ବେଳେ ସିଭିଲ୍ ଡିଫେନ୍ସ ଜରୁରୀ କ୍ଷମତା ଲାଗୁ କରାଯିବ ବୋଲି କୁହାଯାଇଛି।
ସେନା ଅଭିୟାନ ଓ ସୂଚନା:
ସ୍ଥଳସେନା, ବାୟୁସେନା ଓ ନୌସେନା ଏବେ ସଜାଗ ଅବସ୍ଥାରେ ରହିଛନ୍ତି। ଗୁଳିର ଜବାବ ଗୋଳାରେ ମିଳୁଛି, ଏବଂ ଭାରତୀୟ ସେନା ପାକିସ୍ତାନର ଯେକୌଣସି ଷଡ଼ଯନ୍ତ୍ରକୁ ବିଫଳ କରୁଛି। ରାଜନାଥ ସିଂହଙ୍କ ଅଧ୍ୟକ୍ଷତାରେ ହୋଇଥିବା ବୈଠକରେ ପ୍ରାୟ ଦେଢ଼ ଘଣ୍ଟା ଧରି ଆଗାମୀ ରଣନୀତି ବିଷୟରେ ବିସ୍ତୃତ ଆଲୋଚନା ହୋଇଛି।
ସ୍ବାସ୍ଥ୍ୟ ସୁରକ୍ଷା ଉପରେ ମନ ଦେଉଛି ସରକାର:
କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ଜେପି ନଡ୍ଡା ସ୍ବାସ୍ଥ୍ୟ ବିଭାଗର ବରିଷ୍ଠ ଅଧିକାରୀଙ୍କ ସହ ବୈଠକ କରି ସ୍ପଷ୍ଟ କରିଛନ୍ତି ଯେ ସବୁ ଡାକ୍ତରଖାନା ଓ କର୍ମଚାରୀମାନେ ସଚେତନ ଓ ସଜାଗ ରହିବେ।
ଭାରତ ଏବେ ଏକ ଭାଲି ରଣନୀତି ନେଇ ଆଗକୁ ବଢ଼ୁଛି। ପ୍ରତିରକ୍ଷା ବିଶେଷଜ୍ଞମାନଙ୍କ ମତାନୁସାରେ ଯଦି ଭାରତ ପ୍ରତ୍ୟାଘାତ କରିବା ଚାଲୁ କରେ, ପାକିସ୍ତାନ ମାତ୍ର ୪-୫ ଦିନ ମଧ୍ୟରେ ଅସ୍ଥିର ହୋଇପାରେ।