ଭୁବନେଶ୍ୱର: ଓଡ଼ିଶାର ସୁରକ୍ଷା ବ୍ୟବସ୍ଥାକୁ ନେଇ ଏକ ବଡ଼ ସ୍ତରର ବୈଠକ ଅନୁଷ୍ଠିତ ହୋଇଥିବାବେଳେ, ସାରା ରାଜ୍ୟକୁ ହାଇଆର୍ଲଟ୍ରେ ରଖାଯାଇଛି। ଆଇନଶୃଙ୍ଖଳା ଏଡିଜି ସଞ୍ଜୟ କୁମାର କହିଛନ୍ତି ଯେ ପରିସ୍ଥିତି ଅନୁସାରେ ଯଥାୟୋଗ୍ୟ ପଦକ୍ଷେପ ଗ୍ରହଣ କରାଯିବ।
ସେ କହିଛନ୍ତି, ଇଣ୍ଟରନାଲ ଡ୍ୟାମ ଓ ଗୁରୁତ୍ୱପୂର୍ଣ୍ଣ ସ୍ଥାନଗୁଡିକରେ ସୁରକ୍ଷା ବ୍ୟବସ୍ଥାକୁ ଦ୍ୱିଗୁଣିତ କରାଯାଇଛି। ଡିଫେନ୍ସ ଫୋର୍ସ ଓ କେନ୍ଦ୍ରୀୟ ଏଜେନ୍ସିମାନଙ୍କ ସହ ଆଲୋଚନା ହୋଇଛି। ଏସପିମାନଙ୍କୁ ଗୁପ୍ତ ତଥ୍ୟ ଦିଆଯାଇଛି ଓ ସ୍ଥିତି ଅନୁସାରେ କାର୍ଯ୍ୟନୁଷ୍ଠାନ ନିଆଯିବ।
୧୧ କିଲୋମିଟର ତଟବର୍ତ୍ତୀ ଅଞ୍ଚଳକୁ ନିରନ୍ତର ନଜରରେ ରଖାଯାଇଛି ଓ ଡ୍ରୋନ ଉପରେ କଠୋର ନିୟନ୍ତ୍ରଣ ଲାଗୁ ହୋଇଛି। ବେଆଇନ ଭାବରେ କିମ୍ବା ବିନା ଲାଇସେନ୍ସରେ ଡ୍ରୋନ ଚଳାଇଲେ, ବିଶେଷତଃ ରେଡ୍ ଜୋନ ଅଞ୍ଚଳରେ, ପୁଲିସ ତତ୍କାଳ ଏହାକୁ ତଳକୁ ଖସାଇଦେବ।