ନୂଆଦିଲ୍ଲୀ, ୧ ଜୁନ: ଆଇଆଇଟି କାନପୁର ଦ୍ୱାରା ପରିଚାଳିତ JEE ଆଡଭାନ୍ସଡ୍ 2025 ଫଳାଫଳ ଆଜି ପ୍ରକାଶ ପାଇଛି। ଆଇଆଇଟି ଦିଲ୍ଲୀ ଜୋନର ଛାତ୍ର ରଜିତ ଗୁପ୍ତା ଅଲ୍ ଇଣ୍ଡିଆ ଟପ୍ପର ହୋଇଛନ୍ତି। ସେ ୩୬୦ରୁ ୩୩୨ ମାର୍କ ଅର୍ଜନ କରି ଦେଶର ଶୀର୍ଷ ସ୍ଥାନ ଅଧିକାର କରିଛନ୍ତି।
ଓଡ଼ିଶାର ପକ୍ଷରୁ ହଂସ ଦାରୁକା ଅଲ୍ ଇଣ୍ଡିଆ ର୍ୟାଙ୍କ ୩୯ ରଖି ରାଜ୍ୟ ଟପ୍ପର ହୋଇଛନ୍ତି। ଏହି ବର୍ଷ, ମୋଟ ୧.୮ ଲକ୍ଷ ଛାତ୍ରଛାତ୍ରୀ JEE ଆଡଭାନ୍ସଡ୍ ପରୀକ୍ଷା ଦେଇଥିଲେ।
ପ୍ରାର୍ଥୀମାନେ ନିଜ ଫଳାଫଳ jeeadv.ac.in ୱେବସାଇଟରେ ଯାଇ ଦେଖିପାରିବେ। ଅଫିସିଆଲ୍ ସ୍କୋରକାର୍ଡ ସହିତ ଚୂଡ଼ାନ୍ତ ଉତ୍ତର କି ମଧ୍ୟ ପ୍ରକାଶିତ ହୋଇଛି। ଫଳାଫଳ ଯାଞ୍ଚ ପାଇଁ ହୋମପେଜର ଲିଙ୍କ ଉପରେ କ୍ଲିକ୍ କରି ଲଗଇନ୍ ବିବରଣୀ ପ୍ରବେଶ କରିବାକୁ ପଡିବ।
ଫଳାଫଳ ପ୍ରକାଶ ପରେ, ଯୋଗ୍ୟ ପ୍ରାର୍ଥୀମାନେ ଏବେ IIT, NIT, IIIT ଓ GFTI ଭଳି ସରକାରୀ ଅନୁଦାନପ୍ରାପ୍ତ ବୈଷୟିକ ପ୍ରତିଷ୍ଠାନଗୁଡ଼ିକରେ ଭର୍ତ୍ତି ପାଇଁ JoSAA 2025 କାଉନସେଲିଂ ପ୍ରକ୍ରିୟାରେ ଅଂଶଗ୍ରହଣ କରିପାରିବେ। ଏହି ପ୍ରକ୍ରିୟା ୩ ଜୁନ ଠାରୁ ଆରମ୍ଭ ହେବ।