ଭୁବନେଶ୍ୱର – ମେଘାଳୟ ହନିମୁନ୍ ଯାତ୍ରା ବାହାନାରେ ଇନ୍ଦୋରର ଦମ୍ପତି ନିଖୋଜ ହେବା ଘଟଣା ଏବେ ଭୟାବହ ମୋଡ ନେଇଛି। ସ୍ତ୍ରୀ ସୋନମ୍ ରଘୁବଂଶୀ ନିଜ ସ୍ୱାମୀ ରାଜା ରଘୁବଂଶୀଙ୍କୁ ବୀଭତ୍ସ ଭାବରେ ହତ୍ୟା କରିଥିବା ମାମଲାକୁ ପୁଲିସ ସମ୍ମୁଖରେ ସ୍ୱୀକାର କରିଛନ୍ତି।
ଏହି ମାମଲାରେ ଏବେ ଜଣେ ଦର୍ଶକ ନେଇଛି ଭିଡିଓ କ୍ଲିପ୍, ଯାହା ସୋସିଆଲ ମିଡିଆରେ ଭାଇରାଲ ହେଉଛି। ଏଥିରେ ଦେଖିବାକୁ ମିଳୁଛି – ସୋନମ ଓ ରାଜା ମେଘାଳୟରେ ଏକ ସ୍କୁଟି ବୁକ୍ କରୁଛନ୍ତି, ଯେଉଁଠାରେ ରାଜା ସ୍କୁଟିରେ ବସି ସୋନମ୍କୁ ହେଲମେଟ୍ ଧରିବାକୁ କହିଥିବା ବେଳେ, ସେ ଲୁଚିଚାପି ମୋବାଇଲ୍ ଫୋନ୍ରେ ଦ୍ରୁତ ଟାଇପ୍ କରୁଛନ୍ତି। ଏଥିରୁ ସନ୍ଦେହ ଉପଜିଛି ଯେ ସେ କାହାକୁ ଗୁପ୍ତ ବାର୍ତ୍ତା ପଠାଉଥିଲେ।
ପ୍ରାୟ ୧୭ ଦିନ ହେବା ପରେ ମେଘାଳୟର ସିଲଂରୁ ରାଜାଙ୍କ ମୃତ୍ୟୁ ସୂଚନା ମିଳିଥିଲା। ଏହି ଘଟଣା ପରେ ମଧ୍ୟପ୍ରଦେଶ ଓ ମେଘାଳୟ ପୁଲିସ ଯୁଗ୍ମ ଭାବେ ତଦନ୍ତରେ ଲାଗି ପଡ଼ିଛନ୍ତି।
ସୋନମ ହଠାତ୍ ଭାବେ ଗାଜିପୁରରେ ଦେଖା ଦେଇଥିବା ଓ ତାଙ୍କ ପରିବାର ସହିତ ସଂପର୍କ ସ୍ଥାପନ କରିଥିବା ସୂଚନା ତଦନ୍ତକାରୀ ସଂସ୍ଥାଗୁଡ଼ିକ ମଧ୍ୟରେ ଅନେକ ପ୍ରଶ୍ନ ଜନ୍ମ ଦେଇଛି। ଏହି ଘଟଣାର ସତ୍ୟତା ଆଉ ଅଧିକ ଖୋଲାସା ହେବା ଆଶା କରାଯାଉଛି।
ସୋନମଙ୍କ ବାପା ଏହି ମାମଲାର ସିବିଆଇ ତଦନ୍ତ ଦାବି କରିଛନ୍ତି। ପ୍ରସ୍ତୁତ ତଥ୍ୟ ଅନୁଯାୟୀ, ଘଟଣା ଅଧିକ ଗଭୀର ଓ ଚିନ୍ତାଜନକ ବଳୟ ନେଉଛି।