ପାକିସ୍ତାନୀ ମିଡିଆ ଓ ସୋସିଆଲ ମିଡିଆ ଉପରୁ ଭାରତରେ ହଟିଲା ପ୍ରତିବନ୍ଧ, ‘ଅପରେସନ୍ ସିନ୍ଦୂର’ ସମୟରେ ଲଗାଯାଇଥିଲା ନିଷେଧାଜ୍ଞା

ନୂଆଦିଲ୍ଲୀ: ପାକିସ୍ତାନୀ ମିଡିଆ ଓ ସୋସିଆଲ ମିଡିଆ ଉପରେ ଭାରତରେ ଲାଗିଥିବା ପ୍ରତିବନ୍ଧକ ବର୍ତ୍ତମାନ ହଟାଯାଇଛି। ଏହାଫଳରେ ହମ୍ ଟିଭି, ଏଆରଏ ଡିଜିଟାଲ, ହର ପଲ ଜିଓ ପରି ବହୁତ ପାକିସ୍ତାନୀ ଚ୍ୟାନେଲ ଏବଂ ସେଲିବ୍ରିଟିଙ୍କ ସୋସିଆଲ ମିଡିଆ ଆକାଉଣ୍ଟ ଏବେ ଭାରତରେ ଦେଖିବାକୁ ମିଳୁଛି।

ଏହି ପ୍ରତିବନ୍ଧକ ପୋହଲଗାମ୍ ଆତଙ୍କବାଦୀ ଆକ୍ରମଣ ପରେ ଚାଲିଥିବା ‘ଅପରେସନ୍ ସିନ୍ଦୂର’ ସମୟରେ ଲାଗାଯାଇଥିଲା। ତେବେ ସେତବେଳେ ଆପତ୍ତିଜନକ ବିଷୟବସ୍ତୁ ଓ ଅପପ୍ରଚାର ଦ୍ଵାରା ଦଙ୍ଗା ବଢ଼ିବା ଆଶଙ୍କାରେ ପାକିସ୍ତାନୀ ମିଡିଆ ଏବଂ ଖେଳାଳୀ, ଅଭିନେତା-ଅଭିନେତ୍ରୀଙ୍କ ସୋସିଆଲ ମିଡିଆ ଖାତା ବନ୍ଦ କରାଯାଇଥିଲା।

ଯଦିଓ ସରକାରୀ ଭାବେ ଏହି ପ୍ରତିବନ୍ଧକ ହଟାଯିବା ବିଷୟରେ କୌଣସି ଆଧିକାରିକ ଘୋଷଣା ହୋଇନାହିଁ, କିନ୍ତୁ ବିଭିନ୍ନ ପାକିସ୍ତାନୀ ମିଡିଆ ପ୍ଲାଟଫର୍ମ ଏବଂ ସେଲିବ୍ରିଟିଙ୍କ ଆକାଉଣ୍ଟ ଏବେ ଭାରତରେ ସ୍ପଷ୍ଟ ଭାବେ ଦେଖାଯାଉଛି।