ମୁମ୍ବାଇ (୧୯ ଜୁଲାଇ): ବଲିଉଡ ସୁପରଷ୍ଟାର ଶାହରୁଖ ଖାନ ତାଙ୍କ ଆଗାମୀ ଆକ୍ସନ ଫିଲ୍ମ ‘କିଙ୍ଗ୍’ ର ସୁଟିଂ ସମୟରେ ଆହତ ହୋଇଛନ୍ତି। ଅଭିନେତାଙ୍କ ଅଣ୍ଟାରେ ଆଘାତ ଲାଗିଥିବା ଯୋଗୁଁ ସେ ଏବେ ଚିକିତ୍ସା ପାଇଁ ଆମେରିକାକୁ ପଠାଯାଇଛନ୍ତି। ଶାହରୁଖ ଖାନ ସୁଟିଂ ବେଳେ ସ୍ୱୟଂ ଷ୍ଟଣ୍ଟ କରୁଥିବା ସମୟରେ ଏହି ଦୁର୍ଘଟନା ଘଟିଛି।
୫୯ ବର୍ଷୀୟ ଅଭିନେତା ମୁମ୍ବାଇର ଗୋଲଡେନ୍ ଟୋବାକୋ ଷ୍ଟୁଡିଓ ରେ ଗୁରୁତ୍ୱପୂର୍ଣ୍ଣ ଆକ୍ସନ ଦୃଶ୍ୟ ଅଭିନୟ କରୁଥିବାବେଳେ ଆହତ ହୋଇଥିଲେ। ସୂତ୍ରମାନେ କହୁଛନ୍ତି ଯେ, ଶାହରୁଖଙ୍କ ମାଂସପେଶୀରେ ଆଘାତ ଲାଗିଛି ଓ ଏହା ଗମ୍ଭୀର ନୁହେଁ। ତଥାପି, ସର୍ଜରୀ ପାଇଁ ସେ ତୁରନ୍ତ ଆମେରିକାକୁ ବିମାନ ଯାତ୍ରା କରିଛନ୍ତି। ସର୍ଜରୀ ପରେ ସେ କିଛି ସପ୍ତାହ ବିଶ୍ରାମ ନେବେ ଓ ତା’ପରେ ମଧ୍ୟ ସୁଟିଂ ପୁଣି ଆରମ୍ଭ ହେବ।
ଏହି ଦୁର୍ଘଟନା ଶାହରୁଖଙ୍କ ପାଇଁ ନୂଆ ନୁହେଁ। ପୂର୍ବରୁ ମଧ୍ୟ ଫିଲ୍ମ ‘ଡର’ ର ସୁଟିଂ ସମୟରେ ତାଙ୍କ ତିନୋଟି ପଞ୍ଜରା ଓ ବାମ ଗୋଡ଼ ଭାଙ୍ଗି ଯାଇଥିଲା। ୧୯୯୩ ମସିହାରେ ଗୋଟିଏ ଅନ୍ୟ ଫିଲ୍ମ ଦୃଶ୍ୟରେ ତାଙ୍କ ପାଦ ଆଙ୍ଗୁଠିରେ ଆଘାତ ଲାଗିଥିଲା। ଏହା ଛାଡ଼ା, ଫିଲ୍ମ ‘କୋୟଲା’ ସେଟରେ ମଧ୍ୟ ଶାହରୁଖ ଆହତ ହୋଇଥିଲେ।
ଭକ୍ତମାନେ ତାଙ୍କ ସ୍ୱାସ୍ଥ୍ୟ ନେଇ ଚିନ୍ତିତ ଥିବା ବେଳେ, ତାଙ୍କ ଟିମ୍ ନିକଟରୁ ସତର୍କ ରହିବା ଓ ଉପଚାର ପରେ ଶୀଘ୍ର ସୁସ୍ଥ ହେବା ଆଶା ବ୍ୟକ୍ତ କରାଯାଇଛି।