ଓଭାଲ, ୨ ଅଗଷ୍ଟ: ଭାରତୀୟ ଓପନର ଯଶସ୍ବୀ ଜୟସ୍ବାଲ ଇଂଲଣ୍ଡ ବିପକ୍ଷରେ ଓଭାଲ ଟେଷ୍ଟର ଦ୍ୱିତୀୟ ଇନିଂସରେ ଅଦ୍ଭୁତ ଭାବେ ଏକ ଶତକ କରି ଇତିହାସ ଗଢିଛନ୍ତି। ତାଙ୍କ ପରିବାର ଉପସ୍ଥିତ ଥିବା ସମୟରେ ୧୨୭ ବଲରେ ୧୧ଟି ବାଉଣ୍ଡାରି ଓ ୨ଟି ଛକା ସହିତ ଏହି ଶତକ ତିଆରି କରିଛନ୍ତି। ଏହା ତାଙ୍କ ଟେଷ୍ଟ କ୍ୟାରିଅରର ଷଷ୍ଠ ଶତକ ଓ ଇଂଲଣ୍ଡ ବିପକ୍ଷରେ ଚତୁର୍ଥ ଶତକ।
ପ୍ରଥମ ଇନିଂସରେ କେବଳ ୨ ରନରେ ଆଉଟ ହୋଇଥିବା ଯଶସ୍ବୀ ଦ୍ୱିତୀୟ ଇନିଂସରେ ଶାନଦାର ଫେରା କରି ଦଳକୁ ମଜବୁତ ସ୍ଥିତିରେ ନେଇଯାଇଛନ୍ତି। ତାଙ୍କ ପରିବାର ଷ୍ଟାଡିୟମରେ ଉପସ୍ଥିତ ଥିବା ବେଳେ ତାଙ୍କ ପାଇଁ ଏହି ମୂଲ୍ୟବାନ ମୁହୂର୍ତ୍ତ ଅତ୍ୟନ୍ତ ଉତ୍ସାହଦାୟକ ଥିଲା।
ଏହି ଟେଷ୍ଟ ସିରିଜରେ ତାଙ୍କର ଏହା ଦ୍ୱିତୀୟ ଶତକ। ପୂର୍ବରୁ ସେ ଲିଡ୍ସ ଟେଷ୍ଟରେ ୧୦୧ ରନ କରିଥିଲେ। ତା’ପରେ ଏଜବେଷ୍ଟନରେ ୮୭ ଓ ମାନଚେଷ୍ଟରରେ ୫୮ ରନ କରି ଦୁଇଟି ଅର୍ଦ୍ଧଶତକୀୟ ପ୍ରଦର୍ଶନ ଦେଇଥିଲେ, ଯଦିଓ ସେ ଦୁଇଥର ଶୂନ୍ୟ ରନରେ ଆଉଟ ହୋଇଥିଲେ।
ଏହି ଶତକ ସହିତ ଯଶସ୍ବୀ ଜୟସ୍ବାଲ ତାଙ୍କ ଟେଷ୍ଟ କ୍ୟାରିଅରରେ ୨୦୦୦ ରନ ଅତିକ୍ରମ କରିଛନ୍ତି। ସେ ଏହି ମାଇଲଖୁଣ୍ଟ ପୂରଣ କରି ସଚିନ ତେନ୍ଦୁଲକର ଓ ବିରାଟ କୋହଲିଙ୍କୁ ପଛରେ ଛାଡ଼ିଦେଇଛନ୍ତି। ସେ ତାଙ୍କ ୪୦ତମ ଟେଷ୍ଟ ଇନିଂସରେ ଏହି ମାଇଲଖୁଣ୍ଟ ସ୍ପର୍ଶ କରିଥିଲେ, ଯାହା ରାହୁଲ ଦ୍ରାବିଡ଼ ଓ ବୀରେନ୍ଦ୍ର ସେହୱାଗଙ୍କ ସହ ଯୁଗ୍ମ ରେକର୍ଡ।