ନୂଆଦିଲ୍ଲୀ: ବେଆଇନ ବେଟିଂ ଆପ୍ ମାଧ୍ୟମରେ ମନି ଲଣ୍ଡରିଂ ମାମଲାରେ ଭାରତର ପୂର୍ବତନ କ୍ରିକେଟର୍ ସୁରେଶ ରାଇନା ବୁଧବାର ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ସମ୍ମୁଖରେ ହାଜର ହୋଇଛନ୍ତି। ୩୮ ବର୍ଷୀୟ ରାଇନାଙ୍କୁ ମଙ୍ଗଳବାର ଇଡି ପକ୍ଷରୁ ସମନ ଜାରି କରାଯାଇଥିଲା। ୧ଏକ୍ସବେଟ୍ ପ୍ଲାଟଫର୍ମର ପ୍ରଚାର ପ୍ରସାରରେ ସେମାନଙ୍କ ସଂପୃକ୍ତି ଥିବା ସନ୍ଦେହରେ ଏହି ପଚରାଉଚରା କରାଯାଉଛି।
ଏହି ମାମଲାରେ ପୂର୍ବରୁ ଦକ୍ଷିଣ ଭାରତୀୟ ଅଭିନେତା ରାଣା ଡଗୁବାଟୀ ସୋମବାର ହାଇଦ୍ରାବାଦରେ ଇଡି ସମ୍ମୁଖରେ ହାଜର ହୋଇଥିଲେ। ତେଲେଙ୍ଗାନା ପୁଲିସ ଅନ୍ଲାଇନ୍ ବେଟିଂ ମାମଲାରେ ୨୫ ଜଣ ପରିଚିତ ଅଭିନେତା-ଅଭିନେତ୍ରୀଙ୍କୁ ମାମଲାରେ ନାମଭୁକ୍ତ କରିଛି। ଆଗାମୀ ଦିନରେ ଅନ୍ୟାନ୍ୟ ସେଲିବ୍ରିଟିଙ୍କୁ ସମନ ଜାରି ହେବାର ସମ୍ଭାବନା ରହିଛି।