ଭୁବନେଶ୍ୱର: ପ୍ରତିବର୍ଷ ଜୁନ୍ ୧ ତାରିଖକୁ ସାରା ବିଶ୍ୱରେ ‘ବିଶ୍ୱ ଦୁଗ୍ଧ ଦିବସ’ ଭାବେ ପାଳନ କରାଯାଏ। ଆମର ଦୈନନ୍ଦିନ ଖାଦ୍ୟରେ କ୍ଷୀରର ଗୁରୁତ୍ୱ ଏବଂ ମାନବ ସମାଜ ପାଇଁ ଏହାର ଆବଶ୍ୟକତା ବିଷୟରେ ସଚେତନତା ସୃଷ୍ଟି କରିବା ଏହି ଦିବସର ମୁଖ୍ୟ ଉଦ୍ଦେଶ୍ୟ। ଏହା ସହିତ ଦୁଗ୍ଧ ଉତ୍ପାଦନ କ୍ଷେତ୍ର ସହ ଜଡ଼ିତ ଲୋକଙ୍କ ଜୀବିକା, ପୋଷଣ ଏବଂ ଆର୍ଥିକ ବିକାଶରେ ସେମାନଙ୍କ ଅବଦାନକୁ ସମ୍ମାନ ଜଣାଇବା ପାଇଁ ମଧ୍ୟ ଏହି ଦିବସ ପାଳନ କରାଯାଇଥାଏ।
ଜାତିସଂଘର ଖାଦ୍ୟ ଓ କୃଷି ସଂଗଠନ (FAO) ଦ୍ୱାରା ୨୦୦୧ ମସିହାରେ ପ୍ରଥମ କରି ବିଶ୍ୱ ଦୁଗ୍ଧ ଦିବସ ପାଳନ କରାଯାଇଥିଲା। ସେବେଠାରୁ ପ୍ରତିବର୍ଷ ଏହି ଦିନ ବିଭିନ୍ନ କାର୍ଯ୍ୟକ୍ରମ ମାଧ୍ୟମରେ ଦୁଗ୍ଧର ପୁଷ୍ଟିସାର ଗୁଣକୁ ପ୍ରଚାର କରାଯାଉଛି।
ଚଳିତ ବର୍ଷ ଅର୍ଥାତ୍ ୨୦୨୬ ମସିହା ବିଶ୍ୱ ଦୁଗ୍ଧ ଦିବସର ମୁଖ୍ୟ ବିଷୟବସ୍ତୁ ବା ଥିମ୍ ହେଉଛି “Celebrating Women Farmers” (ମହିଳା ଚାଷୀଙ୍କୁ ସେଲିବ୍ରେଟ୍ କରିବା)। ଦୁଗ୍ଧ ଚାଷ, ଗୋପାଳନ ଏବଂ ଗ୍ରାମୀଣ ଅର୍ଥନୀତିର ବିକାଶରେ ମହିଳାମାନଙ୍କର ଗୁରୁତ୍ୱପୂର୍ଣ୍ଣ ଅବଦାନକୁ ସ୍ୱୀକୃତି ଦେବା ପାଇଁ ଏହି ଥିମ୍ ଚୟନ କରାଯାଇଛି।
ଦୁଗ୍ଧର ଉପକାରିତା ଓ ଅର୍ଥନୀତିରେ ଭୂମିକା
ପୋଷଣ: କ୍ଷୀରରେ କ୍ୟାଲସିୟମ, ପ୍ରୋଟିନ୍, ଭିଟାମିନ୍ B12, D ଏବଂ ପୋଟାସିୟମ୍ ଭଳି ଅନେକ ଅତ୍ୟାବଶ୍ୟକ ପୋଷକ ତତ୍ତ୍ୱ ଥାଏ, ଯାହା ହାଡ଼ର ମଜବୁତ ଏବଂ ଶରୀରର ବିକାଶ ପାଇଁ ଜରୁରୀ।
ଜୀବିକା: ଦେଶ ତଥା ବିଶ୍ୱର କୋଟି କୋଟି ଚାଷୀ ପରିବାର ପାଇଁ ଗୋପାଳନ ଏବଂ ଦୁଗ୍ଧ ବ୍ୟବସାୟ ହେଉଛି ଆୟର ମୁଖ୍ୟ ଉତ୍ସ।ଭାରତର
ସଫଳତା: ଦୁଗ୍ଧ ଉତ୍ପାଦନରେ ଭାରତ ସାରା ବିଶ୍ୱରେ ପ୍ରଥମ ସ୍ଥାନରେ ରହିଛି ଏବଂ ବିଶ୍ୱର ମୋଟ ଦୁଗ୍ଧ ଉତ୍ପାଦନରେ ପ୍ରାୟ ୨୫ ପ୍ରତିଶତ ଅଂଶଧନ କେବଳ ଭାରତର ରହିଛି।