ପ୍ୟାରିସ୍: ଫ୍ରାନ୍ସରେ ବସବାସ କରୁଥିବା ପ୍ରବାସୀ ଭାରତୀୟଙ୍କ ପାଇଁ ଏକ ବଡ଼ ଖୁସିର ଖବର ଆସିଛି। ଆସନ୍ତା ସେପ୍ଟେମ୍ବର ମାସରେ ଫ୍ରାନ୍ସରେ ଦେଶର ପ୍ରଥମ ପାରମ୍ପରିକ ହିନ୍ଦୁ ମନ୍ଦିର (BAPS ସ୍ୱାମୀନାରାୟଣ ମନ୍ଦିର) ଉଦ୍ଘାଟିତ ହେବାକୁ ଯାଉଛି। ଏହି ଐତିହାସିକ ଅବସରକୁ ନେଇ ସେଠାରେ ଥିବା ଭାରତୀୟ ସମୁଦାୟ ମଧ୍ୟରେ ପ୍ରବଳ ଉତ୍ସାହ ଓ ଗର୍ବର ପରିବେଶ ଦେଖିବାକୁ ମିଳିଛି।
ଭାରତରେ ନିର୍ମିତ, ଫ୍ରାନ୍ସରେ ଅସେମ୍ବଲ୍ଏହି ମନ୍ଦିରର ସବୁଠାରୁ ବଡ଼ ବିଶେଷତ୍ୱ ହେଉଛି ଏହାର ନିର୍ମାଣ ଶୈଳୀ। ମନ୍ଦିର ପାଇଁ ଆବଶ୍ୟକୀୟ ପଥରଗୁଡ଼ିକୁ ଭାରତରୁ ଅଣାଯାଇଛି। ଭାରତର କାରିଗରମାନଙ୍କ ଦ୍ୱାରା ଏହି ପଥରଗୁଡ଼ିକରେ ସୂକ୍ଷ୍ମ କାରୁକାର୍ଯ୍ୟ କରାଯିବା ପରେ, ତାହାକୁ ଫ୍ରାନ୍ସ ଅଣାଯାଇ ଯୋଡ଼ା ଯାଉଛି। ଏହି ମନ୍ଦିର ପ୍ରତିଷ୍ଠା ଉପଲକ୍ଷେ ସେପ୍ଟେମ୍ବର ମାସରେ ଏକ ୧୫ ଦିନିଆ ସାଂସ୍କୃତିକ କାର୍ଯ୍ୟକ୍ରମର ଆୟୋଜନ କରାଯିବ, ଯେଉଁଥିରେ ସାରା ବିଶ୍ୱରୁ ଶ୍ରଦ୍ଧାଳୁମାନେ ଯୋଗଦେବେ।
ପିଏମ୍ ମୋଦୀଙ୍କୁ ଭବ୍ୟ ସ୍ୱାଗତଜି-୭ (G7) ସମ୍ମିଳନୀରେ ଯୋଗଦେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଫ୍ରାନ୍ସର ପ୍ୟାରିସରେ ପହଞ୍ଚିବା ପରେ ପ୍ରବାସୀ ଭାରତୀୟମାନେ ତାଙ୍କୁ ଭବ୍ୟ ସ୍ୱାଗତ କରିଥିଲେ। ଏହି ଅବସରରେ ପିଏମ୍ ମୋଦୀ ସୋସିଆଲ ମିଡିଆ ଏକ୍ସ (X) ରେ ଲେଖିଛନ୍ତି ଯେ: “ଭାରତ ଏବଂ ଫ୍ରାନ୍ସକୁ ନିକଟତର କରିବାରେ ପ୍ରବାସୀ ଭାରତୀୟମାନଙ୍କ ପ୍ରୟାସ ପାଇଁ ମୁଁ ଗର୍ବିତ।
ପୃଥିବୀର ପ୍ରଗତି ପାଇଁ ଭାରତ-ଫ୍ରାନ୍ସ ସହଭାଗିତା ଅତ୍ୟନ୍ତ ଗୁରୁତ୍ୱପୂର୍ଣ୍ଣ।”ଏହାପୂର୍ବରୁ ଜି-୭ ସମ୍ମିଳନୀରେ ପ୍ରଧାନମନ୍ତ୍ରୀ ଭାରତର ସୁଶାସନ, ନୀତି ନିର୍ଦ୍ଧାରଣ ଏବଂ ବିଶ୍ୱ ସମୃଦ୍ଧି ପାଇଁ ‘ଗ୍ଲୋବାଲ ସାଉଥ୍’ ସହିତ ମିଶି କାମ କରିବାର ଗୁରୁତ୍ୱ ଉପରେ ଆଲୋଚନା କରିଥିଲେ। ଏହି ମନ୍ଦିର ଦୁଇ ଦେଶର ସାଂସ୍କୃତିକ ସମ୍ପର୍କକୁ ଆହୁରି ମଜବୁତ କରିବ ବୋଲି ଆଶା କରାଯାଉଛି।