ତେଲ ଅଭିଭ୍: Israel Defense Forces ପକ୍ଷରୁ ଦାବି କରାଯାଇଛି ଯେ, ଗାଜା ଉପରେ ହୋଇଥିବା ଆକାଶମାର୍ଗ ଆକ୍ରମଣରେHamasର ସଶସ୍ତ୍ର ୱିଙ୍ଗ୍ର ବରିଷ୍ଠ କମାଣ୍ଡର ଏଜେଦିନ୍ ଅଲ୍-ହଦାଦ୍ ନିହତ ହୋଇଛି। ଶନିବାର ଇସ୍ରାଏଲ ପ୍ରତିରକ୍ଷା ବାହିନୀ ଏହି ସୂଚନା ଦେଇଛି।
ଇସ୍ରାଏଲ ଅନୁସାରେ, ଅଲ୍-ହଦାଦ୍ ୨୦୨୩ ଅକ୍ଟୋବର ୭ରେ ହୋଇଥିବା ହମାସ ଆକ୍ରମଣର ଯୋଜନା ପ୍ରସ୍ତୁତି ଏବଂ କାର୍ଯ୍ୟାନ୍ୱୟନରେ ସକ୍ରିୟ ଭୂମିକା ନେଇଥିଲା। ଗାଜାରେ ଏକ ନିର୍ଦ୍ଧାରିତ ସାମରିକ ଆକ୍ରମଣ ସମୟରେ ସେ ନିହତ ହୋଇଥିବା ବାହିନୀ ପକ୍ଷରୁ କୁହାଯାଇଛି।
ଅନ୍ୟପଟେ, ହମାସର ଦୁଇ ଜଣ ଅଧିକାରୀ ମଧ୍ୟ ସମ୍ବାଦ ସଂସ୍ଥା AFPକୁ ସୂଚନା ଦେଇଛନ୍ତି ଯେ, ଶୁକ୍ରବାରGaza Cityର ଏକ ଆବାସିକ ଆପାର୍ଟମେଣ୍ଟ ଏବଂ ଏକ ଗାଡ଼ି ଉପରେ ଇସ୍ରାଏଲ ପକ୍ଷରୁ ହୋଇଥିବା ଆକ୍ରମଣରେ ଅଲ୍-ହଦାଦ୍ଙ୍କ ମୃତ୍ୟୁ ଘଟିଛି।
ଇସ୍ରାଏଲର ଦାବି ଅନୁଯାୟୀ, ଇସ୍ରାଏଲ-ହମାସ ଯୁଦ୍ଧ ସମୟରେ ଇସ୍ରାଏଲୀ ନାଗରିକମାନଙ୍କୁ ପଣବନ୍ଦୀ କରି ରଖିବା ଓ ସେହି ବ୍ୟବସ୍ଥା ପରିଚାଳନା କରିବାରେ ଅଲ୍-ହଦାଦ୍ର ମୁଖ୍ୟ ଭୂମିକା ଥିଲା। ପ୍ରତିରକ୍ଷା ବାହିନୀ ଆହୁରି କହିଛି ଯେ, ନିଜ ଉପରେ ଆକ୍ରମଣ ଏଡ଼ାଇବା ପାଇଁ ସେ ସବୁବେଳେ ପଣବନ୍ଦୀମାନଙ୍କ ନିକଟରେ ରହୁଥିଲା।