ଭୁବନେଶ୍ୱରରେ ଆୟୋଜିତ ଜାତୀୟ ସ୍ତରୀୟ କର୍ମଶାଳାରେ ଓଡ଼ିଶାର ରାଜ୍ୟପାଳ ହରିବାବୁ କମ୍ଭମପତି ଜାତୀୟ ଶିକ୍ଷା ନୀତି (NEP) 2020 ର ଗୁରୁତ୍ୱ ଉପରେ ଆଲୋକପାତ କରିଛନ୍ତି।
NEP 2020 ମାଧ୍ୟମରେ ୨୦୩୬ ସୁଦ୍ଧା ‘ବିକଶିତ ଓଡ଼ିଶା’ ଏବଂ ୨୦୪୭ ସୁଦ୍ଧା ‘ବିକଶିତ ଭାରତ’ ଗଠନ କରିବାକୁ ଲକ୍ଷ୍ୟ ରଖାଯାଇଛି। ଘୋଷା ପାଠ ପରିବର୍ତ୍ତେ ଅନୁଭୂତିଭିତ୍ତିକ ଶିକ୍ଷା, ସୃଜନଶୀଳତା ଏବଂ ବହୁମୁଖୀ ଜ୍ଞାନ ଆହରଣ ଉପରେ ଗୁରୁତ୍ୱ ଦିଆଯାଇଛି। ରାଜ୍ୟରେ ଉଚ୍ଚଶିକ୍ଷା କ୍ଷେତ୍ରରେ ପାଠ୍ୟକ୍ରମ ସଂସ୍କାର, ଦକ୍ଷତା ବିକାଶ ଏବଂ ସ୍ୱଚ୍ଛତା ପାଇଁ ‘ଓଡ଼ିଶା ବିଶ୍ୱବିଦ୍ୟାଳୟ (ସଂଶୋଧନ) ଅଧିନିୟମ’ ଭଳି ପଦକ୍ଷେପ ନିଆଯାଇଛି।
ବିଶ୍ୱବିଦ୍ୟାଳୟଗୁଡ଼ିକୁ ନିକଟସ୍ଥ ଗ୍ରାମଗୁଡ଼ିକୁ ପୋଷ୍ୟ ସନ୍ତାନ ଭାବେ ଗ୍ରହଣ କରି ସରକାରୀ ଯୋଜନାର ସଫଳ ରୂପାୟନରେ ସାହାଯ୍ୟ କରିବାକୁ ରାଜ୍ୟପାଳ ପରାମର୍ଶ ଦେଇଛନ୍ତି। ଉଚ୍ଚଶିକ୍ଷା ମନ୍ତ୍ରୀ ସୂର୍ଯ୍ୟବଂଶୀ ସୂରଜ ଏହି ଅବସରରେ NEP 2020 କୁ ଓଡ଼ିଶାରେ କାର୍ଯ୍ୟକାରୀ କରିବା ପାଇଁ ଭବିଷ୍ୟତର କାର୍ଯ୍ୟପନ୍ଥା ଉପସ୍ଥାପନ କରିଛନ୍ତି। ରାଜ୍ୟପାଳଙ୍କ ଅନୁସାରେ, NEP 2020 କେବଳ ଏକ ଶିକ୍ଷା ନୀତି ନୁହେଁ, ବରଂ ଏହା ଦେଶର ଯୁବପିଢ଼ିଙ୍କୁ ଜ୍ଞାନ ଅର୍ଥନୀତି ପାଇଁ ପ୍ରସ୍ତୁତ କରିବା ଏବଂ ରାଷ୍ଟ୍ର ଗଠନର ଏକ ଶକ୍ତିଶାଳୀ ମାଧ୍ୟମ।