ଭୁବନେଶ୍ୱର: ରାଜ୍ୟର ବିଭିନ୍ନ ସ୍ଥାନନାମର ଓଡ଼ିଆ ଉଚ୍ଚାରଣ ଅନୁଯାୟୀ ଇଂରାଜୀ ବନାନ ସଂଶୋଧନ କରିବାକୁ Revenue and Disaster Management Department Odisha ପକ୍ଷରୁ ସାର୍ବଜନୀନ ସୂଚନା ଜାରି କରାଯାଇଛି।
ରାଜ୍ୟ ସରକାରଙ୍କ ନିଷ୍ପତ୍ତିକ୍ରମେ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ Aravind Padhee ଓଡ଼ିଶାର ସମସ୍ତ ସାଂସଦ, ବିଧାୟକ ଏବଂ ଜିଲ୍ଲାପାଳମାନଙ୍କୁ ଏନେଇ ପତ୍ର ଲେଖିଛନ୍ତି।
ପୂର୍ବରୁ ବିଭାଗ ପକ୍ଷରୁ ଜାରି ହୋଇଥିବା ବିଜ୍ଞପ୍ତିରେ ରାଜ୍ୟର ଜିଲ୍ଲା, ସଦର ମହକୁମା, ଉପଖଣ୍ଡ, ତହସିଲ୍ ଓ ବ୍ଲକମାନଙ୍କର ସରକାରୀ ଇଂରାଜୀ ନାମ ଯଦି ମୂଳ ଓଡ଼ିଆ ନାମରୁ ବିକୃତ ହୋଇଥାଏ, ତେବେ ସେଗୁଡ଼ିକୁ ସଠିକ୍ ରୂପରେ ପୁନର୍ନାମକରଣ କରିବା ପାଇଁ ସର୍ବସାଧାରଣ ଓ ଜନପ୍ରତିନିଧିମାନଙ୍କ ଠାରୁ ପରାମର୍ଶ ଆହ୍ୱାନ କରାଯାଇଥିଲା।
ଏହି ପ୍ରକ୍ରିୟାରେ ଅନେକ ପ୍ରସ୍ତାବ ମିଳିଥିବା ବେଳେ, ସେଗୁଡ଼ିକୁ Pratibha Rayଙ୍କ ଅଧ୍ୟକ୍ଷତାରେ ଗଠିତ କମିଟି ଦ୍ୱାରା ସମୀକ୍ଷା କରାଯାଇଛି। କମିଟି ପକ୍ଷରୁ ସୁପାରିଶ୍ କରାଯାଇଥିବା ନାମଗୁଡ଼ିକୁ ଏବେ ସର୍ବସାଧାରଣଙ୍କ ଅବଗତି ପାଇଁ ଉପସ୍ଥାପନ କରାଯାଇଛି।
ଏହି ପ୍ରସ୍ତାବ ଉପରେ ଜନସାଧାରଣ ଓ ଜନପ୍ରତିନିଧିମାନେ ଏପ୍ରିଲ ୨୨ ଠାରୁ ଗୋଟିଏ ମାସ ମଧ୍ୟରେ ନିଜର ମତାମତ ଓ ପରାମର୍ଶ ପ୍ରେରଣ କରିପାରିବେ। ଏହା ପାଇଁ ଚିଠି କିମ୍ବା ଇ-ମେଲ୍ ମାଧ୍ୟମରେ ବିଭାଗକୁ ଯୋଗାଯୋଗ କରିବାକୁ ଅନୁରୋଧ କରାଯାଇଛି।
ରାଜ୍ୟର ଭାଷା ଓ ସାଂସ୍କୃତିକ ପରିଚୟକୁ ଆହୁରି ସୁଦୃଢ଼ କରିବା ଉଦ୍ଦେଶ୍ୟରେ ଏହି ପଦକ୍ଷେପକୁ ଗୁରୁତ୍ୱପୂର୍ଣ୍ଣ ବୋଲି ଦେଖାଯାଉଛି।