ସଞ୍ଜୀବ କୁମାର ମିଶ୍ରଙ୍କୁ ଅତିରିକ୍ତ ଦାୟିତ୍ୱ: ନୂଆଦିଲ୍ଲୀରେ ଓଡ଼ିଶାର ପ୍ରମୁଖ ଆବାସିକ କମିଶନର ଭାବେ କାର୍ଯ୍ୟ କରିବେ

ଭୁବନେଶ୍ୱର: ରାଜ୍ୟ ଅର୍ଥ ବିଭାଗର ପ୍ରମୁଖ ଶାସନ ସଚିବ ସଞ୍ଜୀବ କୁମାର ମିଶ୍ର (Sanjeeb Kumar Mishra, IAS-RR-1997) ଏବେ ନୂଆଦିଲ୍ଲୀସ୍ଥିତ ଓଡ଼ିଶା ସରକାରଙ୍କ ପ୍ରମୁଖ ଆବାସିକ କମିଶନର (Principal Resident Commissioner) ଭାବେ ଅତିରିକ୍ତ ଦାୟିତ୍ୱ ତୁଲାଇବେ। ଏ ନେଇ ରାଜ୍ୟ ସାଧାରଣ ପ୍ରଶାସନ ଓ ଅଭିଯୋଗ ବିଭାଗ ପକ୍ଷରୁ ଏକ ଆଧିକାରିକ ବିଜ୍ଞପ୍ତି ପ୍ରକାଶ ପାଇଛି।

ସଞ୍ଜୀବ ମିଶ୍ର ନିଜର ମୂଳ ପଦବୀ (ଅର୍ଥ ବିଭାଗର ପ୍ରମୁଖ ଶାସନ ସଚିବ) ସହିତ ଏହି ନୂତନ ଅତିରିକ୍ତ ଦାୟିତ୍ୱ ଜାରି ରଖିବେ।ଏହି ନିଯୁକ୍ତି ଦ୍ୱାରା ସେ ଜାତୀୟ ରାଜଧାନୀରେ ଓଡ଼ିଶାର ବିଭିନ୍ନ ସ୍ୱାର୍ଥର ପ୍ରତିନିଧିତ୍ୱ କରିବା ସହ ରାଜ୍ୟର ଆର୍ଥିକ ବ୍ୟାପାରକୁ ମଧ୍ୟ ପରିଚାଳନା କରିବାରେ ସହାୟକ ହେବେ। ସରକାରଙ୍କ ଏହି ନିର୍ଦ୍ଦେଶନାମା ତୁରନ୍ତ କାର୍ଯ୍ୟକାରୀ ହୋଇଛି।

ସଞ୍ଜୀବ କୁମାର ମିଶ୍ର ଜଣେ ଅଭିଜ୍ଞ ପ୍ରଶାସକ ଭାବେ ପରିଚିତ। ରାଜ୍ୟ ସ୍ତରରେ ଗୁରୁତ୍ୱପୂର୍ଣ୍ଣ ଅର୍ଥ ବିଭାଗ ସମ୍ଭାଳିବା ସହ କେନ୍ଦ୍ର ସରକାରଙ୍କ ସହ ସମନ୍ୱୟ ରକ୍ଷା କରିବାରେ ତାଙ୍କର ଏହି ନୂତନ ଦାୟିତ୍ୱ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଉଛି।