ବେଙ୍ଗାଲୁରୁ: Indian Premier League 2026 ର ୧୯ତମ ସଂସ୍କରଣର ୨୬ତମ ମ୍ୟାଚ୍ରେ ଦମଦାର ପ୍ରଦର୍ଶନ କରି Delhi Capitals ୬ ୱିକେଟ୍ରେ Royal Challengers Bengaluru କୁ ପରାସ୍ତ କରିଛି। ୧୭୬ ରନ୍ର ଲକ୍ଷ୍ୟକୁ ଧାଉଥିବା ଦିଲ୍ଲୀ ଦଳ ୧୯.୫ ଓଭରରେ ୪ଟି ୱିକେଟ୍ ହରାଇ ୧୭୯ ରନ୍ କରି ଜିତ ହାସଲ କରିଥିଲା।
ଦିଲ୍ଲୀ ପାଇଁ KL Rahul ଓ Tristan Stubbs ଅର୍ଦ୍ଧଶତକ ହାସଲ କରି ଦଳର ଜୟରେ ମୁଖ୍ୟ ଭୂମିକା ନେଇଥିଲେ।
M. Chinnaswamy Stadium ରେ ଖେଳାଯାଇଥିବା ଏହି ମ୍ୟାଚ୍ରେ ଟସ୍ ଜିତି ଦିଲ୍ଲୀ ପ୍ରଥମେ ବୋଲିଂ ବାଛିଥିଲା। ପ୍ରଥମେ ବ୍ୟାଟିଂ କରି Royal Challengers Bengaluru ୨୦ ଓଭରରେ ୮ ୱିକେଟ୍ ହରାଇ ୧୭୫ ରନ୍ କରିଥିଲା।
ଦଳ ପକ୍ଷରୁ Phil Salt ସର୍ବାଧିକ ୬୩ ରନ୍ କରିଥିଲେ। ସେ ୩୮ଟି ବଲ୍ରେ ୪ଟି ଚୌକା ଓ ୩ଟି ଛକା ମାରିଥିଲେ। ଆରମ୍ଭରେ Virat Kohli ସହ ୫୨ ରନ୍ର ଭାଗିଦାରୀ ହୋଇଥିଲା, ଯଦିଓ କୋହଲି ୧୯ ରନ୍ରେ ଆଉଟ୍ ହୋଇଥିଲେ।
ଅନ୍ୟପଟେ Tim David ୨୬ ରନ୍ କରି ଆଇପିଏଲ୍ରେ ୧୦୦୦ ରନ୍ କ୍ଲବରେ ପ୍ରବେଶ କରିଛନ୍ତି। Jitesh Sharma (୧୪) ଓ Krunal Pandya (୧୨) କିଛି ରନ୍ ଯୋଗାଇଥିଲେ, କିନ୍ତୁ ଅନ୍ୟ ବ୍ୟାଟରମାନେ ବଡ଼ ସ୍କୋର କରିପାରିନଥିଲେ।
ଦିଲ୍ଲୀ ପକ୍ଷରୁ Lungi Ngidi, Kuldeep Yadav ଓ Axar Patel ପ୍ରତ୍ୟେକ ୨ଟି କରି ୱିକେଟ୍ ନେଇଥିଲେ। Mukesh Kumar ଗୋଟିଏ ୱିକେଟ୍ ନେଇଥିଲେ।
ଶେଷରେ ଦିଲ୍ଲୀ ଦଳ ସ୍ଥିର ଓ ସଂଯମୀ ବ୍ୟାଟିଂ ଦେଖାଇ ମ୍ୟାଚ୍କୁ ନିଜ ପକ୍ଷରେ ନେଇଥିଲା, ଯାହା ଚଳିତ ଆଇପିଏଲ୍ରେ ତାଙ୍କର ଆତ୍ମବିଶ୍ୱାସକୁ ଆହୁରି ବଢ଼ାଇଛି।