ନ୍ୟୁ ଚଣ୍ଡିଗଡ଼: Indian Premier League ୨୦୨୬ରେ Rajasthan Royalsର ଯୁବ ତାରକା Vaibhav Suryavanshi ନିଜ ବିସ୍ଫୋରକ ବ୍ୟାଟିଂରେ ଇତିହାସ ରଚିଛନ୍ତି। ସନରାଇଜର୍ସ ହାଇଦ୍ରାବାଦ ବିପକ୍ଷ ଏଲିମିନେଟର ମ୍ୟାଚ୍ରେ ଧମାକେଦାର ପାଳି ଖେଳି ସେ ଆଇପିଏଲ୍ର ଗୋଟିଏ ସଂସ୍କରଣରେ ସର୍ବାଧିକ ଛକା ମାରିବାର ରେକର୍ଡ ନିଜ ନାମରେ କରିଛନ୍ତି।
Chris Gayleଙ୍କ ୨୦୧୨ର ଐତିହାସିକ ରେକର୍ଡକୁ ପଛରେ ପକାଇ ବୈଭବ ଏବେ ଏହି ତାଲିକାରେ ଶୀର୍ଷ ସ୍ଥାନରେ ପହଞ୍ଚିଛନ୍ତି। ସେ ଚଳିତ ସଂସ୍କରଣରେ ମୋଟ ୬୫ଟି ଛକା ମାରିଥିବା ବେଳେ, ଗେଲ୍ ୨୦୧୨ରେ ୫୯ଟି ଛକା ମାରିଥିଲେ।
୨୯ ବଲ୍ରେ ୯୭ ରନ୍
ଏଲିମିନେଟର ମ୍ୟାଚ୍ରେ ବୈଭବ ମାତ୍ର ୨୯ଟି ବଲ୍ରେ ୯୭ ରନ୍ର ବିସ୍ଫୋରକ ପାଳି ଖେଳିଥିଲେ। ତାଙ୍କ ପାଳିରେ ୫ଟି ଚୌକା ଓ ୧୨ଟି ବିଶାଳ ଛକା ସାମିଲ ଥିଲା। ୩୩୪.୪୮ ଷ୍ଟ୍ରାଇକ୍ ରେଟ୍ରେ ସେ ବ୍ୟାଟିଂ କରୁଥିବା ବେଳେ ନ୍ୟୁ ଚଣ୍ଡିଗଡ଼ସ୍ଥିତ ମହାରାଜା ୟଦବିନ୍ଦର ସିଂହ ଅନ୍ତର୍ଜାତୀୟ କ୍ରିକେଟ୍ ଷ୍ଟାଡିୟମ ଉତ୍ସାହରେ ଗୁଞ୍ଜି ଉଠିଥିଲା।
ସେ ପ୍ରଫୁଲ୍ଲ ହିଙ୍ଗେଙ୍କ ବଲ୍ରେ ସ୍ମରଣ ରବିଚନ୍ଦ୍ରନଙ୍କ ହାତରେ କ୍ୟାଚ୍ ଦେଇ ଆଉଟ୍ ହୋଇଥିଲେ। ତେବେ ତାଙ୍କ ପାଳି ରାଜସ୍ଥାନକୁ ମଜବୁତ ସ୍ଥିତିରେ ପହଞ୍ଚାଇଥିଲା।
ଗେଲ୍ଙ୍କ ରେକର୍ଡ ଧ୍ୱଂସ
କ୍ରିସ୍ ଗେଲ୍ ୨୦୧୨ରେ Royal Challengers Bengaluru ପାଇଁ ଖେଳି ୧୫ଟି ମ୍ୟାଚ୍ର ୧୪ଟି ଇନିଂସରେ ୫୯ଟି ଛକା ମାରିଥିଲେ। ସେହି ରେକର୍ଡକୁ ବୈଭବ ୧୫ଟି ମ୍ୟାଚ୍ର ୧୫ଟି ଇନିଂସରେ ଭାଙ୍ଗି ନୂଆ ଇତିହାସ ସୃଷ୍ଟି କରିଛନ୍ତି।
ଗୋଟିଏ ସଂସ୍କରଣରେ ସର୍ବାଧିକ ଛକା
- ୬୫ – Vaibhav Suryavanshi (୨୦୨୬)
- ୫୯ – Chris Gayle (୨୦୧୨)
- ୫୨ – Andre Russell (୨୦୧୯)
- ୫୧ – Chris Gayle (୨୦୧୩)
- ୪୫ – Jos Buttler (୨୦୨୨)
ଆଇପିଏଲ୍ର ଗୋଟିଏ ପାଳିରେ ସର୍ବାଧିକ ଛକା (ଭାରତୀୟ)
- ୧୨ – Vaibhav Suryavanshi ବନାମ ହାଇଦ୍ରାବାଦ (୨୦୨୬)
- ୧୨ – Vaibhav Suryavanshi ବନାମ ହାଇଦ୍ରାବାଦ, ଏଲିମିନେଟର (୨୦୨୬)
- ୧୧ – Murali Vijay ବନାମ ରାଜସ୍ଥାନ (୨୦୧୦)
- ୧୧ – Vaibhav Suryavanshi ବନାମ ଗୁଜରାଟ (୨୦୨୫)
ବୈଭବଙ୍କ ଏହି ଧମାକେଦାର ପ୍ରଦର୍ଶନ ପରେ ସେ ଆଇପିଏଲ୍ର ନୂଆ ସୁପରଷ୍ଟାର ଭାବେ ଚର୍ଚ୍ଚାରେ ଆସିଛନ୍ତି।